Шеъри Лоиқ, таронаи Юлдуз ва тавсифи Муродов: рақси тоҷикдухтар ҳамаро тасхир кард - Навор

7328
(Таҷдидшуда 19:39 24.06.2020)
Корбарон аз рақси духтараки тоҷик ба ваҷд омада, танҳо дар Фейсбук наздики 200 нафар онро бознашр ва сад нафар шарҳ додаанд

Як корбари Фейсбук, Масъуди Ақилова ҳамагӣ ду рӯз пеш се навори рақси духтараки ҷавони тоҷикро нашр кардааст, ки боиси баҳои баланди корбарон ва тавсифу таърифи онҳо гаштааст.

Ин наворҳо  танҳо дар ду рӯз садҳо нафар тамошо карда, наздики 200 нафар бознашр кардаанд вадар зераш 100 кас шарҳ навиштаанд.

 Дар навор духтари мавзун ва зебое зери ҳавои се тарона, яке аз онҳо аз ҳунарманди номӣ Юлдуз Усмонова мерақсад. Шеъри таронаи мазкур, "Як лаҳзае", ба шоири шаҳири тоҷик Лоиқ Шералӣ тааллуқ дорад.

Тавре малум гардид, ин тоҷикдухтар раққосаи ҷавон ва боистеъдод Нодирабону Яқубова будааст. Соли гузашта дар консерте зери ҳавои таронаи ҳунарманди мардумии Иттиҳоди Шӯравӣ Ҷӯрабек Муродов "Зулайхо" рақси номии Малика Қаландароваро иҷро кардаву мухлисони зиёде пайдо намудааст. Муродов дар анҷоми тарона аз раққосаи боистеъдод бо ишора тавсиф мекунад.

"Духтари хело боистеъдод! Чунин духтар ва рақси зеборо бори аввал мебинам", - менависад нафаре зери пости Масъуда Ақилова.

"Тамоми санъати рақси тоҷикиро нишон додааст, чашм роҳат мекунад", - навиштааст нафари дигар.

"Хислати ба зери навори духтарон шарҳ навиштанро надорам, аммо ба зери навори духтари шумо менависам. Беҳтарин!" , - менависад мухлиси дигари Нодирабону.

Ҳамин тавр, даҳҳо корбарон рақси Нодирабонуро васф карда, ӯро ифтихори санъати тоҷик, ҳунарманди боистеъдод ва духтари зебо гуфтаанд.

Нодирабону дар фарқ аз саҳна дар се навори боло дар хона ва бо либоси тоҷикона рақс намудааст. Бархе аз корбарон наворҳои рақси раққосаи машҳури ӯзбекистонӣ Паризодаро, ки ӯ низ зоҳиран дар хона рақс мекард, ёдовар шуда, навиштаанд, "ба Тоҷикистон чунин як исеъдод намерасид, ки ин духтар ҷояшро пур кард".

Рақси Фарзонаи Хуршед ва фарзандонаш корбарони интернетро ба ваҷд овард - видео

 

7328

Сӯхтор дар калисои қадимии асри XIX дар Томск- видео аз ҷои ҳодиса

96
(Таҷдидшуда 17:53 04.07.2020)
Калисои чӯбии қадимае дар шаҳри Томски Русия дар паи сӯхтор қариб пурра хокистар шуд. Оташнишонон тавонистанд гузаштани оташ ба дигар манотиқро пешгирӣ кунанд

Дар Русия яке аз қадимтарин калисоҳои кишвар нобуд шуд. Дар шаҳри Томск калисое, ки тақрибан 145 сол дошт пурра хокистар шуд. 

Бино ба гуфти шоҳидони ҳол сӯхтор дар паи раъду барқ оташ гирифтааст.

Ин калисо, ки яке аз қадимтарин бинои чӯбии ин минтақа буд, дар давоми як соат ба хок яксон шуд.

Ба вокуниши саривақтии оташнишонон нигоҳ накарда, калисо пурра ба коми оташ рафт. Наҷотдиҳандагон натавонистанд, ин бинои асри XIX - ро наҷот диҳанд.

Дар баробари ин хатари гузариши оташ ба дигар биноҳо низ вуҷуд дошт, ки бо қувваи оташнишонон ин хатар пурра бартараф карда шуд.

Дар паи сӯхтор, хушбахтона касе осеб надид.

96
Барчаспҳо:
сӯхтор, Томск

Аз меваю сабзавот то нону асал: Раҳмон аз ҳосили фаровони деҳқонон дидан кард - навор

206
(Таҷдидшуда 16:10 03.07.2020)
Раисҷумҳури Тоҷикистон Эмомалӣ Раҳмон зимни боздиди худ аз вилояти Суғд, аз натоиҷи заҳмати деҳқонони ин минтақа дидан намуд

Навор аз лаҳзаи боздиди кишвардори Тоҷикистон аз заминҳои кишт ва боғзорҳои Суғд дар сафҳаи Президент дар Фейсбук нашр шудааст.

Аз навор бар меояд, ки Эмомалӣ Раҳмон ба хотири дидан намудан аз кори заҳматталаби деҳқонон ба заминҳои кишт ва боғзорҳо ташриф  овард.

Оғози сафари раисҷумҳур ба Суғд: Раҳмон дар Хистеварз беморхонаи “Ваҳдат”-ро ифтитоҳ кард

Сарвари давлат дар ин навор бо деҳқонон сӯҳбатҳо ороста аз нақшаву ниятҳо ва ҳамзамон мушкилоти онҳо пурсон шудааст.

Дар навор заминҳои кишти помидор, ғаллаву ҷуворимакка нишон дода шудааст.

Эмомалӣ Раҳмон ҳамчунин аз заминҳое боздиди намуд, ки маҳсулоти он ба кишварҳои хориҷ содирот мешавад.

206
Барчаспҳо:
деҳқон, навор, Эмомалӣ Раҳмон, Суғд

Дарёфти қабристони ғайрирасмии муҳоҷирон дар Якутия  

49
(Таҷдидшуда 09:58 07.07.2020)
Мақомоти тафтишоти ҷумҳурии Саха аз дафрёфти як қабристони ғайрирасмии мқҳоҷирин дар наздикии шаҳри Якутия иттилоъ додаанд

ДУШАНБЕ, 7 июл — Sputnik. Бино ба иттилои дафтари матбуотии мақомоти тафтишотии Саха қабристони ғайрирасмии муҳоҷирин рӯзи 5 июл дар ҳудуди маҳаллаи Птицефабрика шаҳри Якутск, пойтахти ҷумҳурии Саха -и Русия ёфт шудааст.

Ба иттилои манбаъ,  ин қабристонро 300 метр дуртар аз қабристони расмӣ дар даруни ҷангал бо 5 қабр ёфтаанд.

"Ҳувияти ду нафари дафншуда муайян карда шуд ва барои муайян кардани се нафари дигар чораҳо андешида мешаванд",-омадааст дар иттилоияи мақомоти тафтишотӣ.

Қабрҳоро сокинони маҳаллӣ пайдо карданд, хабар медиҳад SakhaNews. Гуфта мешавад, ки ҳама қабрҳо наванд.

Парфирий Шестаков, директори корхонаи давлатии “Ритуал” гуфтааст, ду қабр ба шаҳрвандони Тоҷикистон ва Қирғизистон тааллуқ дорад ва барои муаян кардани боқимонда дафншудаҳо ҷамъиятҳои муҳоҷирони Якутск ҷалб хоҳанд кард.

49