Иштироки низомиёни ҷумҳуриҳои собиқи Иттиҳоди Шӯравӣ дар гузашти низомӣ дар Маскав

100
(Таҷдидшуда 19:01 24.06.2020)
Имрӯз як гурӯҳ сарбозони Тоҷикистон ҳамроҳ бо низомиёни 13 кишвари дунё дар гузашти низомӣ бахшида ба Рӯзи Ғалаба дар Ҷанги бузурги Ватанӣ, ки имрӯз дар Майдони Сурхи пойтахти Русия баргузор шуд, иштирок карданд

Имрӯз бахшида ба 75-умин солгарди Рӯзи Ғалаба дар Ҷанги бузурги Ватанӣ дар Майдони Сурх паради ҳарбӣ баргузор гардид, ки дар он 15 ҳазор низомӣ иштирок намуданд.

Дар паради ҳарбӣ ҳамчунин 225 техника ва 150 тайёраи ҳарбӣ истифода шуда, 24 намунаи муосиртарин техникаи ҳарбӣ — мудофиавӣ муаррифӣ карда шуд. Дар расми паради ҳарбӣ дар баробари намоядагии ҷузъу томҳои Қувваҳои мусаллаҳи Русия, Арманистон, Беларус, Қазоқистон ва Қирғизистон аз Тоҷикистон низ курсантони Донишкадаи ҳарбии Вазорати мудофиа, аскарону афсарони Полки таъминотӣ ва идоракунии Ситоди генералии Қувваҳои Мусаллаҳи Тоҷикистон иштирок карданд.

Шумораи умумии иштирокчиёни Паради ҳарбӣ аз Тоҷикистон 75 нафарро ташкил дода, гузашти низомии ҳайати шахсиро дар Майдони Сурхи шаҳри Москва командири Баталиони қаровули фахрии Ситоди генералии Қувваҳои Мусаллаҳи Тоҷикистон, подполковник Файзимуҳаммад Ҳафиззода роҳбаладӣ намуд.

Баъди анҷоми расми паради ҳарбӣ дар Майдони Сурх Президенти Тоҷикистон, Эмомалӣ Раҳмон ва сарони давлатҳо ва ҳукуматҳои дигар кишварҳои иштирокчии чорабиниҳои тантанавӣ дар назди ёдгории аскари номаълум гулчанбар гузошта, хотираи қурбониёни ҷанги мудҳиши солҳои 1941-1945-ро гиромӣ доштанд.

100
Барчаспҳо:
иштирок, Русия, Ҷанги Бузурги Ватанӣ, Иди Ғалаба, Маскав, гузашти низомӣ, Тоҷикистон

ИМА мехоҳад Русия ва Чинро барои сӯиистифода аз ҳуқуқи гетои СММ ҷазо диҳанд

118
(Таҷдидшуда 00:11 11.07.2020)
Америка эълон кард, ки Русия ва Чин аз ҳуқуқи ветои СММ сӯиистифода мекунанд ва бояд барои ин корашон ҷазо дода шаванд

Котиби давлатии ИМА бар ин назар аст, ки Русия ва Чин барои сӯиистифода аз ветои СММ бояд муҷозот шаванд.

Дар арафа қатъномаи ИМА дар бораи кӯмаки башардӯстона ба Сурия муҳокима карда шуд.

Белгия ва Олмон пешниҳод карданд, ки ду гузаргоҳи сарҳадӣ дар марзи Туркия ва Сурия гузошта шаванд, аммо Маскаву Пекин ба ин розӣ нашуданд.

Русия лоиҳаи қатъномаи худро дорад. Сабабҳои пинҳонии норозигии амрикоиҳо кадомҳоянд - дар навор бубинед.

118
Барчаспҳо:
СММ, ИМА, Чин, Русия

Филме, ки аз зиндагиномаи Абдулманап Нурмуҳаммадов қисса мекунад, нашр шуд - видео

449
(Таҷдидшуда 23:44 09.07.2020)
Шабакаи телевизионии Russia Today филмеро ба хотираи Абдулманап Нурмагомедов, падар ва мураббии қаҳрамони UFC Ҳабиб Нурмагомедов пешкаш кард

Филми мазкур дар канали RT Sport YouTube нашр шуд.

Қайд карда мешавад, ки лаҳзаҳо аз зиндагиномаи Абдулманап Нурмуҳаммадов ҳанӯз моҳи октябри соли 2019 барои қисмати панҷуми силсилафилми  ҳуҷҷатии "Доғистон: Замини ҷанговарон" ба навор гирифта шуда буд, аммо бо сабаби фавти мураббии номӣ, ин филм бидуни  рақам нашр шуд.

Ёдовар мешавем, Абдулманап Нурмуҳаммадов мураббии номӣ ва падари қаҳрамони UFC Ҳабиб Нурмуҳаммадов рӯзи 3 - юми июл дар синни 57 - сола ҷаҳонро падруд гуфт.

Ҳузури Рамазон Қодиров дар маросими дафни Абдулманап ва сипосгузории Ҳабиб аз ӯ - навор

Абдулманап давоми беш аз 2 моҳ бо маризии коронавирус дар набард буд ва ахиран тавонист ин вирусро мағлуб кунад, аммо ба сактаи мағзи сар, ки ин маризӣ ӯро оварда расонд пирӯз шудан натавонист.

Рамазон Рабаданов дӯсти хонаводаи Нурмуҳаммадовҳо таъкид намуда буд, ки пизишкон натавонистанд сактаи мағзи сари ӯро шифо бахшанд ва "ӯ ба ҳуш наомада ҷон бохт".

Абдулманап Нурмуҳаммадовро дар зодгоҳи ӯ деҳаи Кироваули Доғистон ба хок супурданд.

449
Барчаспҳо:
навор, филм
Намози таровеҳ дар моҳи Рамазон

Ӯзбекистон дигарбора дари масоҷидро ба рӯи намозгузорон баст

0
Ӯзбекистон дар робита ба авҷи маризии сироятии коронавирус то авоили моҳи август дари масҷидҳоро ба рӯи намозгузорон мебандад

ДУШАНБЕ, 11 июл – Sputnik. Идораи динии мусалмонони Ӯзбекистон аз баста шудани тамоми масоҷиди ин кишвар то авоили август хабар дод, хабар медиҳад "Парс тудей".

Бар хабари манбаъ, идораи динии мусалмонони Ӯзбекистон дар сайти худ афзуд: Манӯият аз таърихи 10 июл сарфи назар аз ин, ки устон дар минтақаи "сабз" ва ё "қирмиз" қарор дорад, иҷроӣ мешавад.

Бомдоди имрӯз дар Арабистон дари 90 ҳазор масҷид ба рӯйи намозгузорон боз шуд

Пештар комиссияи вижаи мубориза бо коронавирус тасмим гирифта буд, маҳдудиятҳои карантин дар ин кишварро дар бурҳаи замони ёдшуда ташдид кунад.

Гуфтанӣ аст, ниҳодҳои динии Ӯзбекитсон 8 июни соли 2020 мелодӣ дар манотиқи "сабз"-и ин кишвар бо риояти муқаррароти беҳдоштӣ-эпидемиологӣ (пӯшидани иҷбории ниқоб) ва ҳамчунин доштани фосилаи иҷтимоӣ муҷаддадан оғоз ба фаъолият карда буданд.

0
Барчаспҳо:
намоз, баста, масҷид, Узбакистон
Мавзуҳо:
Пайомадҳои COVID-19 дар Тоҷикистон ва ҷаҳон