Сенат пешниҳод кардаст, ки ИМА С-400-и Русияро аз Туркия харидорӣ кунанд-навор

150
(Таҷдидшуда 15:00 01.07.2020)
Сенати Амрико пешниҳод кардааст, ки С-400-ро аз Туркия харидорӣ кунанд, аммо ҷониби Туркия ба ин хоҳиши ИМА розӣ мешавад ё не маълум нест

Сенати Иёлоти Муттаҳида пешниҳод кард, ки аз Туркия навтарин системаҳои зенитии ҳавоии Русия С-400 харида шавад. Тағйироти мувофиқ ба лоиҳаи қонун дар бораи маблағҳои буҷавӣ барои мудофиаи миллии ИМА барои соли молиявии 2021 аз ҷониби сенатори ҷумҳурихоҳ Ҷон Тун пешниҳод карда шуд.

Аз пешниҳоди ӯ бармеояд, ки амрикоиҳо аз ҳисоби буҷаи Пентагон комплексҳои русиро харидорӣ хоҳанд кард.

Хариди С-400 боиси ихтилофи байни ИМА ва Туркия шудааст. Вашингтон аз Анкара талаб кард, ки аз ин созиш даст кашад ва бар ивази низомҳои амрикоии Patriot харидорӣ кунад.

Дар акси ҳол, амрикоиҳо таҳдид карданд, ки алайҳи Туркия таҳримот ҷорӣ мекунанд ва фурӯши ҳавопаймоҳои Анкара F-35-ро ба таъхир меандозанд ё ҳатто лағв мекунанд.

Роҳбарияти Туркия ин корро накард нагирифт. Пешниҳоди сенатор Тюн то чӣ андоза воқеъӣ аст - дар видеои мо бубинед.

150
Барчаспҳо:
низомӣ, Туркия, ИМА, Русия

Сӯхтор дар калисои қадимии асри XIX дар Томск- видео аз ҷои ҳодиса

97
(Таҷдидшуда 17:53 04.07.2020)
Калисои чӯбии қадимае дар шаҳри Томски Русия дар паи сӯхтор қариб пурра хокистар шуд. Оташнишонон тавонистанд гузаштани оташ ба дигар манотиқро пешгирӣ кунанд

Дар Русия яке аз қадимтарин калисоҳои кишвар нобуд шуд. Дар шаҳри Томск калисое, ки тақрибан 145 сол дошт пурра хокистар шуд. 

Бино ба гуфти шоҳидони ҳол сӯхтор дар паи раъду барқ оташ гирифтааст.

Ин калисо, ки яке аз қадимтарин бинои чӯбии ин минтақа буд, дар давоми як соат ба хок яксон шуд.

Ба вокуниши саривақтии оташнишонон нигоҳ накарда, калисо пурра ба коми оташ рафт. Наҷотдиҳандагон натавонистанд, ин бинои асри XIX - ро наҷот диҳанд.

Дар баробари ин хатари гузариши оташ ба дигар биноҳо низ вуҷуд дошт, ки бо қувваи оташнишонон ин хатар пурра бартараф карда шуд.

Дар паи сӯхтор, хушбахтона касе осеб надид.

97
Барчаспҳо:
сӯхтор, Томск

Аз меваю сабзавот то нону асал: Раҳмон аз ҳосили фаровони деҳқонон дидан кард - навор

206
(Таҷдидшуда 16:10 03.07.2020)
Раисҷумҳури Тоҷикистон Эмомалӣ Раҳмон зимни боздиди худ аз вилояти Суғд, аз натоиҷи заҳмати деҳқонони ин минтақа дидан намуд

Навор аз лаҳзаи боздиди кишвардори Тоҷикистон аз заминҳои кишт ва боғзорҳои Суғд дар сафҳаи Президент дар Фейсбук нашр шудааст.

Аз навор бар меояд, ки Эмомалӣ Раҳмон ба хотири дидан намудан аз кори заҳматталаби деҳқонон ба заминҳои кишт ва боғзорҳо ташриф  овард.

Оғози сафари раисҷумҳур ба Суғд: Раҳмон дар Хистеварз беморхонаи “Ваҳдат”-ро ифтитоҳ кард

Сарвари давлат дар ин навор бо деҳқонон сӯҳбатҳо ороста аз нақшаву ниятҳо ва ҳамзамон мушкилоти онҳо пурсон шудааст.

Дар навор заминҳои кишти помидор, ғаллаву ҷуворимакка нишон дода шудааст.

Эмомалӣ Раҳмон ҳамчунин аз заминҳое боздиди намуд, ки маҳсулоти он ба кишварҳои хориҷ содирот мешавад.

206
Барчаспҳо:
деҳқон, навор, Эмомалӣ Раҳмон, Суғд
Нож в руке

Ба қафаси синаи бародараш корд зад: боздошти марди 40 сола дар Конибодом

0
Вазорати умури дохилии Тоҷикистон аз боздошти як мардт 40 сола хабар медиҳад, ки бародарашро бо корд задааст

ДУШАНБЕ, 7 июл — Sputnik. Тибқи иттилои дафтари матбуотии ин ниҳод, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини шаҳри Конибодом бо гумони қасдан расонидани зарари миёна ба саломатӣ дастгир карда шуд.

Ба иттилои манбаъ, номбурда, санаи 6-уми июли соли 2020, тахминан соати 07:00-дақиқа дар хонаи истиқоматиашон бо бародари 38-солааш, ҷангу ҷанҷол карда, бо корди хоҷагии дар дасташ буда, як маротиба ба қафаси синааш задааст.
“Дар натиҷа ҷабрдида ҷарохати вазнини ҷисмонӣ бардошта, дар беморхона бистарӣ гардидааст”,-афзудааст манбаъ.

Гуфта мешавад, нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Тоҷикистон оғоз карда шуда тафтишот идома дорад.

Ин нахустин ҳолати кордкашӣ аз сӯи бародар ба додар набуда, қаблан ин ниҳод як марди 42 сола, сокини шаҳри Истаравшанро боздошт кард, ки пас аз майнӯшӣ бо бародари 41 солааш ҷангу ҷанҷол намуда, як маротиба ба гарданаш корд задааст.

0