Заур Дахте - марде аз сарзамини Эрон

467
(Таҷдидшуда 12:25 19.08.2020)
Заур Рустамович Дахте соли 1936 дар минтақаи Доғистони Русия таваллуд шудааст. Вай то ба имрӯз 13 филми ҳунарӣ ва ҳудуди 700 филми мустанадро ба навор гирифтааст

Ҳамшаҳри онлайн - Илоҳаи Касмоӣ: Агар дар шаҳри Душанбе дилат барои  Теҳрон танг шуд, метавонӣ саре ба Заур Дахте  бизанӣ, ки ҳамвора дар аввалин телефоне, ки ба ӯ мезанӣ, то бигӯӣ ба дидорат меоям, зудтар аз ту мегӯяд: Пас куҷоӣ? Биё бибинамат.

Калимаҳои эронии эронӣ, ё беҳтар бигӯям теҳронии теҳронӣ. Вай меҳрубон аст, чӣ тавре ки ӯ шуморо бетакаллуф қабул мекунад, бетакаллуф низ ба дидори шумо меояд. Вай ором аст, оромии вай аз таҷрибаи солҳои зиёди кор ва саёҳат ба даст омадааст.

Филмбардор ва суратгири шинохта, дорандаи нишони фарҳанги Тоҷикистон ва баргузидаи ҷоизаҳои  гуногуни байналмилалӣ, соли 1936 дар Доғистон таваллуд шудааст. Аз соли 1937 то соли 1951 дар  маҳаллаи Сарчашмаи Теҳрон зиндагӣ ва то синфи шашум дар мактабе дар Теҳрон таҳсил кард.

Баъд аз муддате барои кор ба студияи "Тоҷик филм" ба шаҳри Душанбе омад.

 Заур, филмбардори осоре чун

 "Дидор  дар назди масҷиди кўҳна", "Чор нафар аз чор санг", "Паланги зарурӣ", "Шераки ҷасур", "Маҳалли зиндагиаш осмон", "Одам пўсташро иваз мекунад" ва "Рустам ва Сӯҳроб " мебошад.

Ҳамкории Заур бо коргардони маъруф Борис Кимёгаров дар фаъолиятҳои ў ҷойгоҳи хоссе дорад. Ду филми ў ба Малика Собирова, ситораи балети тоҷик ва Шўравӣ ихтисос дорад. "Малика" филми аввали Заур дар соли 1966 ҷоизаи ҷашнвораи синамои ҷумҳуриҳои Осиёи Марказиро дарёфт кард ва соли 1982 пас аз даргузашти Малика Собирова, Заур филми дувуми худро бо номи "Маликаи мо" таҳия кард.

Дар канори филмбардорӣ, Заур ба суратгирӣ ҳам алоқаи зиёде дорад. Аксҳои ӯ ба мавзӯъҳои гуногун бахшида шудаанд, дар ин аксҳо рангҳои гуногун дида ва гармии қалби суратгир эҳсос мешавад. Аввалин намоишгоҳи акси ў дар соли 2003 дар шаҳри Душанбе баргузор шуд, сипас намоишгоҳи осори аккосиаш дар Чин, Ҳиндустон, Япония, Русия, Фаронса, Олмон, Қазоқистон, Ҷумҳурии Озарбойҷон ва Беларус баргузор шудааст.

Каломи охир,

ӯ инсони парҳезгор, ором, меҳрубон ва албатта сабур аст, ки ба эронӣ буданаш ифтихор мекунад ва  ҳамчун ба унвони як ҳамватани эронӣ, ки хориҷ аз марзҳо ҳанўз хотираи кӯчаҳои Сарчашмаро бо худ дорад. Эрониест, ки Эрон ва фарҳанги бузурги Эронро бо рафтори шоиста муаррифӣ мекунад. Ва ин рафтори шоистаро рўзҳое, ки бо ў филми мустанаде дар борааш месохтам аз наздик шоҳид будам, ин филм дар марҳилаи таҳрир аст. Филм  дар бораи Заур, ҳамон Заури худамон аст.

467

Идомаи даргириҳо дар Қаробоғи Кӯҳӣ

31
(Таҷдидшуда 17:15 29.09.2020)
Даргириҳои миёни нирӯҳои Арманистону Озарбойҷон дар қаламрави минтақаи баҳсии Қаробоғи Кӯҳӣ дубора оғоз шуд

Санаи 27 сентябр дар қаламрави ҷумҳурии эътирофнашуда даргириҳо оғоз шуданд. Арманисон ва Озарбойҷон ҳамдигарро дар доман задани низоъ гунаҳгор карданд.

Ҳар ду кишвар ҳамдиггарро дар ҳамла ба қаламрави якдигар муттаҳам мекунанд. Дар ҷараёни даргириҳои ахири миёни ду ҷумҳурии Қафқози Ҷанубӣ даҳҳо нафар аҳолии бегуноҳ ҷон додааст.

Ингуна даргириҳои шадид дар Қаробоғи Кӯҳӣ аз соли 1994 мушоҳида нашуда буд – он замон даргириҳо хомуш шуда буд, аммо базҳс идома дошт.

Қонунанд Қаробоғи Кӯҳӣ қаламрави Озарбойҷон ба ҳисоб меравад, вале дар соли 1991 баъд аз баргузории овоздиҳии умумии ҷумҳурӣ истиқлолияти худро эълон кард.

Бояд гуфт, ки дар ҷаҳон истиқлолияти ҷумҳурии  Қаробоғи Кӯҳиро касе ба расмият нашинохтааст. Таърихан дар Қаробоғи Кӯҳӣ арманиҳо зиндагӣ мекунанд.

Қарор аст, шоми 29-уми сентябр Шӯрои амнияти СММ ҷаласаи изтирориро барои баррасии ин низоъ барпо кунад, чун хатари ҷалби қудратҳои минтақавии Русияву Туркия ҳам ба миён омадааст.

31
Барчаспҳо:
оғоз, даргириҳо, баҳс, Озарбойҷон, Арманистон, Қарабоғи Кӯҳӣ

Душман аз осмон нобуд шуд: навори тамринҳои чархболҳои Ми-24дар Тоҷикистон

261
(Таҷдидшуда 17:53 28.09.2020)
Пойгоҳи низомии 201-уми Русия дар Тоҷикистон тамринҳои низомӣ анҷом дод. Дар ин тамринҳо чархболҳои Ми-24 душманони шартиро нобуд карданд

Чархболҳои пойгоҳи низомии Русия дар майдони тирандозии Самбули Тоҷикистон тамринҳои низоми баргузор намуданд. Дар ин таминҳо ҳадафҳои кашшофӣ ва тиандозиву мушакпартоӣ бар зидди душманлни шартӣ анҷом дода шуд.

Чархболҳои Ми-24 Русия душманони шартиро дар шароити кӯҳистонӣ пайдо намуда онҳоро тавасути мушакҳову бомбҳо набуд карданд.

Дар навори вазорати дифои Русия  лаҳзаҳои ҷаззоби ин тамринҳо бо иштироки чархболҳои артиши Русия ба нмоиш гузошта шудааст.

Пойгоҳи низомии 201 калонтарин қувваҳои мусаллаҳи Федератсияи Русия берун аз ҳудуди он ба шумор меравад.

Русия дар шаҳрҳои Душанбе ва Бохтари Тоҷикистон пойгоҳи низомӣ дорад, ки тибқи шартномаи дуҷонибаи моҳи октябри соли 2012 ин пойгоҳ бояд то соли 2042 дар ин ҷо бимонанд. Теъдоди низомиёни Русия дар хоки Тоҷикистон ҳудуди 7 ҳазор нафар ҳисоб шуда, ин бузургтарин пойгоҳи Русия дар хориҷ аз он кишвар аст.

261
Барчаспҳо:
чархбол, осмон, тамринҳои низомӣ, Пойгоҳи низомии "201"-и Русия, Тоҷикистон

Пешниҳоди Жириновский: Қарабоғи Кӯҳӣ ба ҳайъати Русия ворид шавад

31
(Таҷдидшуда 17:39 29.09.2020)
Раҳбари Ҳизби либерал - демократи Русия Владимир Жириновский ташдиди даргириҳо дар Қарабоғи Кӯҳиро шарҳ дод

ДУШАНБЕ, 29 сен — Sputnik. Қарабоғи Кӯҳиро баргашта ба ҳайъати Русия ворид кардан лозим, изҳор дошт, раҳбари Ҳизби либерал - демократи Русия Владимир Жириновский дар нишасти Думаи давлатӣ.

Раиси ҳизб чанд роҳи ҳаллии ин қазия ва манъи даргириҳои миёни Озарбойҷон ва Арманистонро пешниҳод кард. Аз ҷумла ӯ пешниҳод кард, ки ин минтақа ба ҳайъати Русия ворид шавад.

"Ман дарҳол мегӯям, чӣ кор бояд кард. Роҳи аввал - ворид шудани Қарабоғи Кӯҳӣ ба ҳайъати Русия чун воҳиди мустақили маъмурӣ. Яъне 86-ум. Он замон ҳам озарбойҷониҳо ва ҳам арманиҳо ором мешаванд - на ба инҳо ва на ба онҳо. Розӣ нестед? Он замон ҳама якҷо ба ҳайъати Русия - ҳам Арманистон ва Озарбойҷон ва ҳам Қарабоғи Кӯҳӣ", - гуфт Жириновский.

Ҳамчунин раҳбари ҲЛДР роҳи шоҳӣ пешниҳод кард, вақте подшоҳ ба тарафҳо силоҳ тақсим мекунад ва пас аз хотимаи ҷанг зиндагии осоишта оғоз мешавад.

Идомаи даргириҳо дар Қаробоғи Кӯҳӣ

Жириновский варианти ба Қарабоғи Кӯҳӣ додани мақоми байналмилалиро низ баррасӣ мекунад.

Жириновский варианти ба Қарабоғи Кӯҳӣ додани мақоми байналмилалиро низ баррасӣ дорад.

Дар акси ҳол, ҷанги абадӣ хоҳад шуд ва метавонад бо фалокат хотима ёбад. Сарбандро тарконда, шаҳрҳоро зери об хоҳанд гузошт. Дар ҷое нерӯгоҳи ҳастаӣ - Чернобил месозанд. Ин хеле душвор аст!" - хулоса кард ӯ.

31
Барчаспҳо:
Қарабоғи Кӯҳӣ, пешниҳод, Владимир Жириновский, Русия