Шиддати авзоъ дар марзҳои ғарбии Русия: чаро ИМА ба Лаҳистон сарбоз мефиристад? - видео

305
(Таҷдидшуда 18:10 19.08.2020)
ИМА ҳузури низомии худро дар Лаҳистон васеътар мегардонад. Вашингтон боз ҳазор сарбозони худро ба ин кишвар интиқол медиҳад, илова ба 4,5 низомиёни амрикоӣ, ки аллакай он ҷо қарор доранд

Созишномаеро, ки ИМА ва Лаҳистон имзо карда буданд, Русия чун кӯшиши "таҳрифи воқеъият" қабул карданд.

"...васеъ кардани ҳузури низомии Амрико дар Лаҳистон мушкили амниятро ҳал намекунад, баръакс бе ин ҳам марзҳои ноороми урупоии Русияро муташанниҷ мегардонад, ки боиси авҷи хатари низоъҳои пешбининашуда мегардад", - гуфт намояндаи расмии Вазорати корҳои хориҷии Русия Мария Захарова.

Фаъолияти амрикоиҳо танҳо бо интиқоли низомиён хотима нахоҳад кард ва дар Лаҳистон: 

  • маркази омодагии ҷангӣ
  • зерсохтори артиш ва авиатсияи нақлиёт
  • зерсохтори дастгоҳҳои парвозкунандаи бесарнишин
  • зерсохтори таъмини ақибгоҳ

пайдо хоҳад шуд.

Худи Варшава низ имзои созишнома бо Вашингтонро ба хотири нигоҳдории Русия, пинҳон намедорад.

"Ин кафолати маҳкам хоҳад буд, ки дар ҳолати таҳдид ба Лаҳистон ва ИМА сарбозони мо дар бари ҳам мубориза мебаранд", - гуфт президенти Лаҳистон Анжей Дуда.

Аммо созишномаи миёни ИМА ва Лаҳистон касеро дар ҳайрат нагузошт. 

Декларатсияи якҷоя оиди тавсеъаи ҳамкориҳои амниятиро, президентҳои Лаҳистон ва ИМА ҳанӯз соли 2019 имзо карда буданд.

Захарова бар ин аст, ки созишномаи кунунӣ танҳо гуфтушунидҳои соли гузаштаи Трамп ва Дударо ба расмият даровард. 

"Албатта ин созишнома барои касе ғайриинтизор набуд...Бояд гуфт, ки тамаркузи рӯирости зидди Русиягии ин ҳуҷҷат, натанҳо пинҳон карда намешавад, балки аз ҷониби намояндагони расмии Амрико ва Лаҳистон таъкид мегардад", - гуфт намояндаи расмии Вазорати корҳои хориҷии Русия Мария Захарова.

Дар нақшаи Пентагон натанҳо тавсеъаи низомӣ дар Полша, балки дар кишварҳои Балтик низ ҳаст.

Теъдоди сарбозони НАТО дар марзи Русия чанд маротиба афзуд. 

Ҳамчунин амалиётҳои иғвогрона низ аз ҷониби ИМА бештар мешавад. Сухан дар бораи субот дар ин росто, дигаргуна менамояд.

305
Барчаспҳо:
марз, авзоъ, таҳдид, Русия, Лаҳистон, ИМА

Оғози машқҳои низомии “Қафқоз-2020”

12
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

12
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия

Тоҷикистон дар навбат: кадом кишварҳо мехоҳанд аз Русия бар зидди COVID-19 даво бихаранд

170
(Таҷдидшуда 18:29 22.09.2020)
Аксари кишварҳои ҷаҳон барои харидории воксинаи сохти Русия - "Спутник V" алоқамандӣ пайдо карданд. Аксари кишварҳои хориҷи наздик омода ҳастанд аз Русия ин ваксинаро харидорӣ намоянд

Дар Русия ба сохти воксинаи зидди вируси корона ҳанӯз моҳи январи соли 2020 оғоз карда буданд. Ба сохти воксина якбора чанд гурӯҳи олимон шурӯъ карданд.

Дар ниҳоят Вазорати тандурустии Русия аввалин воксинаи зидди вируси коронаро дар моҳи августи соли равон ба қайд гирифт. Ин воксина аз сӯи маркази тадқиқотии зиддиэпидемиологӣ ва микробиологии ба номи Гамалеи кашф карда шуд ва сохти ин даво дар ҳамкорӣ бо бунёди сармояҳои мустақими Русия сурат мегирад.

Дар ниҳоят ин воксина комилан безарар дониста шуд. Ин даво метавонад бар муқобили вируси корона мубориза барад. Сипас аз самаранокии ин воксина маҷалаи бонуфузи The Lancet мақолае чоп кард.

Русия дар ҳоли ҳозир, аз кишварҳои хориҷӣ ба андозаи як миллиард адад воксина дархост қабул кардааст. Аз ҷумла Тоҷикистон, Арабистони Саудӣ, Аморати муттаҳидаи Араб, Филипин, Мексика, Венесуэлло, Молдова ва Озарбойҷон омодагии худро барои харидории ин воксина эълон карданд.

Нахустин кишваре, ки ба воксинаи зидди вируси корона дастрасӣ пайдо мекунад, ин Белорус мебошад.

Инчунин Руся созишнома барои фуруши воксина бо Қазоқистон низ ба имзо расонидааст. Тибқи ин созишнома ба Қазоқистон беш аз миллион адад воксина дода мешавад. Дар ҳоли ҳозир Ӯзбекистон ва Қирғизистон низ хариди ин воксинаро баррасӣ доранд.

170
Барчаспҳо:
ҷаҳон, кишварҳо, Русия, харидорӣ, навбат, Тоҷикистон