Ҳафт ҳазор метр баландӣ: навори қуллаи Сомонии мӯҳташам аз боло

240
(Таҷдидшуда 18:10 21.08.2020)
Дар шабакаҳои иҷтимоӣ наворе айдо шудааст, ки дар он қуллаи 7-ҳазорметра, бузургтарин пирях ва кӯҳҳои Тоҷикистон намоиш дода мешавад

Дар интернет навори қуллаҳои кӯҳҳои Помир пайдо гардид, ки байни кӯҳнавардони тамоми ҷаҳон машҳур аст.

Барои расидан ба макони "старт", нахуст бояд бо чархбол ба урдугоҳи роғи Москвин парвоз кард, ки дар Тоҷикистон аз он ҷо тамоми кӯҳнавардиҳо ба қуллаҳои баланд оғоз мешаванд.

Тавре дар навор нишон дода мешавад, дар роҳ ба макони мазкур сайёҳонро манзараҳои ҷаззоб интизор аст.

Тамоми қуллаҳои бузург, аз ҷумла қуллаи Сомонӣ, қуллаи Е. Корженевский ва тамоми пайроҳаҳои мушкилгузари куҳӣ намоён мешаванд.

Бо ин роҳҳо аллакай ҳазорҳо кӯҳнавардон гузаштаанд, аммо он маҳбубияти худро гум намекунад.

Дар навор на танҳо қулла, балки пиряхҳои кӯҳҳо, табиати зебои Помир ва абрҳои доманаҳои кӯҳӣ нишон дода мешавад.  

Танҳо тамошои навори куҳу қулла дар вуҷуди бинанда ваҳм меандозад.

Бо як тир ду нахчир: дар шимоли ҶТ хатсайри нави гардишгарӣ боз шуд

Ёдрас мешавем, ҳамин сол дар роғи Москвин, ки аз он тамоми кӯҳнавардони ҷаҳон қуллаҳои баландтарини Помирро фатҳ мекунанд, урдугоҳи замонавии Tajik Peaks бунёд шуд, ки мислаш дар ҷаҳон нест.

 

240

Раҳмон ва Орипов нишон доданд, чӣ гуна бояд дар давраи ҳамагирӣ салом кард - видео

712
(Таҷдидшуда 14:10 30.09.2020)
Президенти Тоҷикистон Эмомалӣ Раҳмон ва сарвазири Ӯзбекистон Абдулло Орипов зимни вохӯрӣ бо оринҷ салом карданд

Раисиҷумҳури Тоҷикистон Эмомалӣ Раҳмон ва сарвазири Ӯзбекистон Абдулло Орипов рӯзи 29 сентябр дар Қасри миллат дидору мулоқот карданд.

Аз навор дида мешавад, ки сиёсатмадорон на ба даст балки бо оринҷ салом мекунанд. Ин саломи давраи ҳамагирии коронавирус аст.

Зимни гуфтушунид ҳам, ҳайъати ҳарду давлат бо ниқоби тиббӣ нишастаанд. Яъне қоидаҳои беҳдоштӣ дар сатҳҳои олӣ бисёр ҷиддӣ риоя мешаванд.

Орипов: Раҳмон дар муносибатҳои Тоҷикистону Ӯзбекистон сафҳаи тиллоӣ боз кард

Эмомалӣ Раҳмон сарвазири Ӯзбекистонро ба Тоҷикистон хушомадед гуфту Абдулло Орипов бошад дар навбати худ ба забони тоҷикӣ аз Эмомалӣ Раҳмон сипосгузорӣ кард.

"Иҷозат диҳед ба шумо барои қабули ҳайъати Ӯзбекистон миннатдорӣ изҳор намоям. Мо шодем, ки дар сарзимини меҳмондӯсти Тоҷикистон ҳастем, - гуфт Орипов ва саломи кишвардори Ӯзбекистон Шавкат Мирзиёевро ба президент ва мардуми Тоҷикистон расонид.

Тибқи иттилои котиботи раисиҷумҳури Тоҷикистон, ҷонибҳо дар ин вохӯрӣ бо қаноатмандӣ тамоюлҳои мусбати рушди устувор ва таъмиқи муносибатҳои ду кишвар, аз ҷумла афзоиши мунтазами ҳаҷми тиҷорати мутақобила, кори фаъолонаи Комиссияи байниҳукуматӣ оид ба ҳамкориҳои тиҷоративу иқтисодиро, таъкид доштанд.

Ҳамчунин зимни муҳокимаи масъалаҳои мубрами густариши ҳамкорӣ дар шароити пандемияи бемории сироятии коронавируси нав, президент ба дӯстони узбек барои кумаки башардӯстона, ки дар рӯзҳои барои ҳама вазнин ба Тоҷикистон расониданд, изҳори сипос намудааст.

Соҳаҳои гидроэнергетика ва сохтмони инфрасохтори нави роҳҳо ҳамчун самтҳои дигари умедбахши ҳамкорӣ муайян карда шуданд.

712
Барчаспҳо:
"Салом", дидор, ҳукумати Ӯзбекистон, Тоҷикистон, Абдулло Орипов, Эмомалӣ Раҳмон
Мавзуҳо:
Пайомадҳои COVID-19 дар Тоҷикистон ва ҷаҳон

Ваксина ва дастгирии иқтисодӣ: Путин ва Жээнбеков аз чӣ гуфтанд - видео

242
Президенти Русия Владимир Путин дар шаҳри Сочи бо президенти Қирғизистон Сооронбой Жээнбеков дидору мулоқот кард

Дар рафти ин вохӯрӣ раҳбари Русия Владимир Путин ва кишвардори Қирғизистон Сооронбой Жээнбеков масоили рушди шарокати стратегиро баррасӣ карданд.

Аз ҷумла Жээнбеков аз Путин барои дастгирии кишвар изҳори сипос намуд.

"Қирғизистон доим китфи тавонои Русияро чун дӯсти воқеъӣ ва шарики наздик эҳсос мекунад. Дар ин давраи душвор. Ба шарофати шумо мо тавонистем вазъияти ҳамагириро дар кишвар муътадил гардонем ва ба шарофати шумо ба шаҳрвандони мо дар Русия кумак расонида шуд", - гуфт сиёсатмадори қирғиз.

Ҳамчунин Жээнбеков Путинро бо сабти нахустин ваксини коронавирус дар ҷаҳон муборакбод гуфт. Президент изҳори умед кард, ки шаҳрвандони Қирғизистон метавонанд ваксинаи нави "Спутник V" - ро яке аз аввалинҳо шуда дарёфт кунанд.

Чин мегӯяд, ваксинаи сохти онҳо масунияти инсонро тӯлонитар ҳифз мекунад

Дар навбаи худ, Владимир Путин нақшаи Русияро барои рушди муносиботи дуҷониба бо Қирғизистон ва дастгирии иқтисодии кишвар, тасдиқ кард.

242
Барчаспҳо:
хулосаҳо, вохӯрӣ, дидор, Сооронбой Жээнбеков, Владимир Путин
Девушка за рулем автомобиля, архивное фото

Ҷазои Снежанна барои мошинронӣ бо суръати хеле баланд дар Душанбе-видео

0
(Таҷдидшуда 21:06 01.10.2020)
Раёсати умури дохилии Душанбе аз ҷаримабандии ҷавондухтаре хабар дод, ки мошинро дар хиёбони Исмоили Сомонии пойтахт бо суръати 175 километр дар як соат рондаст

ДУШАНБЕ, 1 окт — Sputnik. Тибқи иттилои манбаъ, духтар мошинронияш бо суръати 175 км/соатро ба навор гирифта, дар саҳифаи шахсияш дар Инстаграм нашр намудааст. Корбарони шабакаҳои иҷтимоӣ аз маъмурини милиса хостаанд, ки барои нақзи қоидаҳои ҳаракат дар роҳ ронанда ба ҷавобгарӣ кашида шавад.

Раёсати умури дохилӣ хабар дод, ки дар пайи санҷиш муайян шуд, ронандаи мазкур Юдинна Снежанна Руслановна, сокини 29-солаи шаҳри Душанбе мебошад, ки ҳангоми идораи мошини шахсияш “Ауди А4” ба қонуншиканӣ роҳ додааст.

Манбаъ таъкид кард, ки бо назардошти ҳолатҳои мазкур нисбати ронанда, барои бо суръати баланд идора намудани воситаи нақлиёт ва гузаштан дар чароғаки сурх санади маъмурӣ тартиб дода шуда, ҷаримабандӣ гардид.

0
Барчаспҳо:
ҷазо, ронанда, роҳ, Тоҷикистон