Тоҷикистон дар биатлони танкӣ ҷои дувумро гирифт - видео

847
Ин дафъа ҳарифони танкронҳои тоҷик дар биатлон дастаҳои Абхазия, Конго ва Лаос гаштанд. Дар натиҷа тоҷикҳо ҷои дувумро гирифтанд

Дар қисми севуми мусобикаи "Биатлони танкӣ" АрМИ-2020 дар машқгоҳи Алабино дастаҳои Тоҷикистон, Абхазистон, Конго ва Лаос қувваи худро озмуданд.

Вазорати мудофиаи Русия навори ин сабқатро нашр кардааст.

Мутаассифона, ба тирандози танки Тоҷикистон омад накард ва ӯ натавонист ягон нишонро ба ҳадаф расонад.

Ашки шодӣ ва рақсу бозӣ: пирӯзии тими Узбакистон дар "Биатлони танкӣ - 2019" - Видео

Аммо ронандаи танк тавонист шонсҳоро муқоиса кунад ва моҳирона монеаҳоро паси сар кард.

Дар натиҷа, Тоҷикистон дар ин давра ҷои дувмро ишғол кард.



847

Оғози машқҳои низомии “Қафқоз-2020”

62
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

62
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия

Тоҷикистон дар навбат: кадом кишварҳо мехоҳанд аз Русия бар зидди COVID-19 даво бихаранд

250
(Таҷдидшуда 18:29 22.09.2020)
Аксари кишварҳои ҷаҳон барои харидории воксинаи сохти Русия - "Спутник V" алоқамандӣ пайдо карданд. Аксари кишварҳои хориҷи наздик омода ҳастанд аз Русия ин ваксинаро харидорӣ намоянд

Дар Русия ба сохти воксинаи зидди вируси корона ҳанӯз моҳи январи соли 2020 оғоз карда буданд. Ба сохти воксина якбора чанд гурӯҳи олимон шурӯъ карданд.

Дар ниҳоят Вазорати тандурустии Русия аввалин воксинаи зидди вируси коронаро дар моҳи августи соли равон ба қайд гирифт. Ин воксина аз сӯи маркази тадқиқотии зиддиэпидемиологӣ ва микробиологии ба номи Гамалеи кашф карда шуд ва сохти ин даво дар ҳамкорӣ бо бунёди сармояҳои мустақими Русия сурат мегирад.

Дар ниҳоят ин воксина комилан безарар дониста шуд. Ин даво метавонад бар муқобили вируси корона мубориза барад. Сипас аз самаранокии ин воксина маҷалаи бонуфузи The Lancet мақолае чоп кард.

Русия дар ҳоли ҳозир, аз кишварҳои хориҷӣ ба андозаи як миллиард адад воксина дархост қабул кардааст. Аз ҷумла Тоҷикистон, Арабистони Саудӣ, Аморати муттаҳидаи Араб, Филипин, Мексика, Венесуэлло, Молдова ва Озарбойҷон омодагии худро барои харидории ин воксина эълон карданд.

Нахустин кишваре, ки ба воксинаи зидди вируси корона дастрасӣ пайдо мекунад, ин Белорус мебошад.

Инчунин Руся созишнома барои фуруши воксина бо Қазоқистон низ ба имзо расонидааст. Тибқи ин созишнома ба Қазоқистон беш аз миллион адад воксина дода мешавад. Дар ҳоли ҳозир Ӯзбекистон ва Қирғизистон низ хариди ин воксинаро баррасӣ доранд.

250
Барчаспҳо:
ҷаҳон, кишварҳо, Русия, харидорӣ, навбат, Тоҷикистон
Детская игрушка возле дороги

Ҳодисаҳои мудҳиши нақлиётӣ: ноболиғ духтари амакрову бобо набераро пахш кард

0
(Таҷдидшуда 11:21 23.09.2020)
Вазорати умури дохилии Тоҷикистон аз рухдоди як садамаи мудҳиши нақлиёти хабар медиҳад, ки дар пайи беэҳтиётии ноболиғ сар задааст

ДУШАНБЕ, 23 сен - Sputnik. Ба иттилои манбаъ, ҳодиса санаи 21-уми сентябри соли ҷорӣ, тахминан соатҳои 17:10-дақиқа сар задааст.

Ба иттилои манбаъ, ноболиғ Ш.И., соли таваллудаш 2007, сокини ҷамоати деҳоти К.Исмоилов, бе ҳуҷҷати ронандагӣ автомашинаи тамғаи “Тайота-Фледер”-ро, ки ба амакаш Шамсов Алишер Қурбоналиевич тааллуқ дорад, гирифта, ҳангоми ҳаракат кардан дар деҳаи мазкур аз уҳдаи идора намудани автомашина набаромада, духтари амакаш, хурдсол Шамсова Оишамо Далеровна, соли таваллудаш 2018-ро пахш намудааст.

Манбаъ мегӯяд, дар натиҷа, хурдсол Шамсова Оишамо Далеровна ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.

ВУД мегӯяд, ҳамзамон санаи  22-юми сентябр, тахминан соатҳои 22:00-дақиқа, ронандаи автомашинаи тамғаи "Старекс", Қушоқов Хушбахт Холмирзоевич, соли таваллудаш 1968, сокини ҷамоати деҳоти Ҷавкандаки шаҳри Истаравшан, аз уҳдаи идора намудани автомашина набаромада, дар назди манзили истиқоматиаш набераи ноболиғаш, Қушоқов Амир Давлатназарович, соли таваллудаш 2015-ро пахш намудааст.

Ҳалокати як ноболиғ ва ду ҷавон дар ду садамаи маргбор

Гуфта мешавад дар натиҷа, ноболиғ Қушоқов А.Д. ҷароҳатҳои вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодисаҳо таҳқиқот идома дорад.

0
Барчаспҳо:
фавт, ноболиғ, садамаи маргбор, Тоҷикистон