"Дӯст надорӣ": Муборизу Мадина аз муҳаббату ҷудоӣ сароиданд - навор

3169
Нахустин намоҳанги муштараки овозхонони ҷавону боистеъдоди тоҷик Мадина Ақназарова ва Мубориз Усмонов аз ҷониби ҳаводорони санъату мусиқӣ аъло пазируфта шуд

Аз нашри намоҳанги ҷадиди Мадина ва Мубориз ҳамагӣ 21 соат гузашт, аммо дар ин муддати кӯтоҳ он дар шабакаи You Tube аллакай аз ҷониби 54 ҳазор корбар, тамошо ва писандида шуд.

Муаллифи матни ин суруд шоири ҷавону тавонои тоҷик Орзу Исоев буда, мусиқӣ моли Шаҳбоз Носирҷонов аст.

Ин нахустин таронаи муштараки Мадина бо Мубориз аст, ки аз ҷониби ҳаводорони мусиқӣ хуб истиқбол гирифта шуд.

Намоҳанги мазкурро рӯзи 2 - юми октябр, соати 20:30 дақиқа канали Тамошоу нашр намуд. 

Ҳамчунин,худи овозхонон низ таронаи муштаракашонро дар сафҳаи Инстаграм гузошта, аз мухлисони худ даъват ба тамошо ва нигоштани назарашонро намуданд.

Дуэти Чоршанбе Аловатов ва Мадина Ақназарова: суруди "Парем" - ро бозхонӣ карданд - видео

Мубориз ва Мадина дар ин намоҳанг аз муҳаббату дӯстдорӣ ва ҳамзамон дурии дилдодагон қисса мекунанд. Сабти таронаи мазкур замонавӣ буда, аксар корбароне, ки зери ин намоҳанг назар коштанд, навиштаанд, ки "нахустин клипи олиҷанобест, ки солҳои ахир сабт ва пешкаши тамошобинон гардида шуд.

Корбарон овози форами Мадина Ақназароваро васф намуда мегӯяд, дар ҳамовозӣ бо Мубориз Усмонов  садояш боз форамтару волотар садо медиҳад.

Мадина Ақназарова овозхони ҷавону хушсалиқа мебошад, ки солҳои ахир ба зинда намудани таронаҳои овозхонҳои зиндаёди Тоҷикистон машғул аст.

Ҳамчунин дар муддати кӯтоҳ, чандин таронаҳоро бо овозхонҳои ҷавон аз қабили Чоршанбе Аловатов, Хуҷастаи Мирзовалӣ ва дигарон сабт намуд.

Мубориз Усмонов, ки ровии машҳур аст ва чандин барномаҳои телевизионӣ ва радиоиро пеш мебарад, солҳои ахир ба овозхонӣ пардохтаст.

3169

Шикори шабона: низомиёни русиягӣ дар Тоҷикистон бо "душман" даргир шуданд - видео

2394
(Таҷдидшуда 19:41 26.10.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, душмани шартиро дар паи амалҳои вижа нобуд карданд

Тамриноти низомиёни пойгоҳи 201-ум дар размоишгоҳи Лоҳур шабона баргузор шуд.

Анҷоми тамриноти низомии панҷ ҳазор сарбоз дар Тоҷикистон

Дар тамриноти омӯзишӣ беш аз 500 низомиёни бахши туфангпаронии пойгоҳи 201-ум ширкат карданд.

Бино ба гузориши Округи марказии ҳарбӣ ҳамалот бар "душман" бо ёрии мушаки "Град" анҷом дода шуд.

"Душман нобуд шуд": Тирпарронии чархболи Ми - 24 дар Тоҷикистон - навори диданӣ

Дар баробари ин, дар ин тамринот мошинҳои зиреҳпӯши БТР-82А, АГС-17 ва РПГ-7В ба кор бурда шуданд.

Ба ҳайати шахсӣ даст дод, то душмани шартиро хаста намуда, бо талафоти бузург аз ҷониби душман амалиётро анҷом диҳанд.

2394
Барчаспҳо:
пойгоҳи 201, низомиён, тамринот, Тоҷикистон

Набарди Ҳабиб бо Гетҷи: кӣ ғолиб меояд

2803
(Таҷдидшуда 14:48 26.10.2020)
Муҳорибаи калидии UFC 254 дар шаҳри Абу - Дабӣ ин набарди Ҳабиби Нурмуҳаммадов ва Ҷастин Гетҷи мебошад

Ҳамакнун Қаҳрамони UFC дар вазни сабук, размикори доғистонӣ Ҳабиб Нурмуҳаммадов дар доираи муҳорибаи UFC 254 дар Абу-Дабӣ бо рақибаш Ҷастин Гетҷи вориди октагон гардиданд.

Муҳорибаи мазкур  рақобати калидии ин шом хоҳад буд.

Ҳар ду размикор аллакай аз маросими вазнкашӣ гузаштанд ва вазни онҳо баробар ба 70 килограмму 300 грамм мебошад.

Зимнан, маросими вохӯрии "чашм ба чашм" хеле оромона баргузор шуда буд. Варзишгарон бидуни ягон нағмакорӣ дасти ҳамдигарро сахт фишурданд.

Барои размикори доғистонӣ ин аллакай 29 - умин рақобат ба ҳисоб меравад. Ҳабиб то ҳол дар ягон муҳорибаи худ ба бохт дучор нашудааст.

Рақиби ӯ Ҷастин Гейҷӣ бошад, танҳо ду маротиба аз 22 рақобати доиргардида, мағлуб шудааст.

2803
Барчаспҳо:
навор, муҳориба, Ҳабиб Нурмуҳаммадов
Эмомали Рахмон в Мекке, архивное фото

Раҳмон ва Абдулқодирзода дар феҳрасти 500 мусалмони таъсиргузори дунё

53
(Таҷдидшуда 10:34 27.10.2020)
Пажуҳишгоҳи исломии Уммон исми Эмомалӣ Раҳмон, раисиҷумҳур ва Саидмукаррам Абдулқодирзода, раиси Шӯрои уламои Маркази исломии Тоҷикистонро ба феҳрасти “500 мусулмони таъсиргузор барои соли 2021” шомил кардааст.

ДУШАНБЕ, 27 окт — Sputnik. Рейтинги таъсирузортарин мусалмонони ҷаҳон, рӯзи гузашта нашр шуд, ки раисиҷумҳури кишвар бори шашум шомили он гаштааст.

Исми Эмомалӣ раҳмон аз соли 2012 ва номи Саидмукаррам Абдулқодирзода бошад аз соли 2015 ба феҳрасти 500 мусалмони таъсиргузор роҳ ёфтаанд.

Дар сархати ин феҳрист дар соли ҷорӣ раисиҷумҳури Туркия Раҷаб Тайиб Эрдуғон қарор дорад. Пас аз ӯ шоҳи Арабистони Саудӣ Салмон ибни Абдул-Азиз ва Оятуллоҳ Сайид Алии Хоманаӣ, роҳбари аъзами Эрон ҷой гирифтаанд.

Оқохони IV Шоҳ Карим ал-Ҳусайнӣ, имоми 49-умини исмоилиён дар зинаи 39-ум мақом гирифтааст. Гузоришгарон мегӯянд, аз Оқохони IV беш 15 миллион нафар дар саросари ҷаҳон пайравӣ мекунанд, ки қисме аз онҳо дар Бадахшони Тоҷикистон иқомат доранд.

Ба панҷгонаи аввал щамзамон шоҳи Урдун Абдуллоҳи II ибни Ҳусейн ал-Ҳошимӣ ва Шайх Муҳаммад Тақӣ Усмонӣ, ки яке аз олимони машҳури ислом мебошад, шомил шудаанд.

Ба TOP-50 инчунин сарвазири Покистон Имрон Хон, валиаҳди Арабистони Саудӣ Муҳаммад бин Салмон, футболбози мисрии клуби англисии Ливерпул Муҳаммад Салоҳ ва ҳамзамон размикори шинохтаи доғистони Ҳабиб Нурмуҳаммадов шомил шудаанд .

Фардо дер мешавад: 5 пешниҳоди Шӯрои уламо ба мардуми Тоҷикистон

Дар ин рӯйхат инчунин Раҷаб Тайиб Эрдуғон, раисиҷумҳури Туркия, Ашраф Ғанӣ Аҳмадзай, раисиҷумҳури Афғонистон, Илҳом Алиев, раисиҷумҳури Озарбойҷон, Қурбонгулӣ Бердимуҳаммедов, раисиҷумҳури Туркманистон ворид шудаанд.

Ёдовар мешавем, ки TOP-500 аз бонуфузтарин мусалмонони ҷаҳон сар аз соли 2009 ҳамасола нашр мешавад.

53