Рекорди нав: дар Тошканд 7 ошпаз шашлики 10 метра тайёр намуданд - видео

2121
(Таҷдидшуда 17:34 20.10.2020)
Ошпазҳои Ӯзбекистон дар ҷараёни як ҷашнвора дар боғи "Наврӯз" - и шаҳри Тошканд шашлики рекордӣ омода намуданд

Барои омода намудани сихкабоб 38 килограм гӯшти қимма масраф шуд. Барои ба сих печондани гӯшти қима вақти зиёд масрав шудааст.

Суруд ва намоҳанги ошпазҳои Узбакистон бо панҷ забон - видео

Дар омода намудани шашлики рекордӣ, дасти кам 7 ошпаз талош намуданд. Онҳо дастаҷамъона гӯшти қиммаро ба сихи 10 метра печонда, онро болои мангал гузоштанд.

Сихкабоби омодашударо ба ҳамаи меҳмонони хоҳишманд барои чашидан пешниҳод намуданд.

2121
Барчаспҳо:
навор, ошпазӣ, Тошканд

Ин "Пирӯзӣ" аст: сомонаи замин ба ҳавоии С-400 тамоми нишонҳоро ба ҳадаф расонд видео

117
(Таҷдидшуда 14:43 05.12.2020)
Вазорати дифои Русия навори ҷолиберо нашр кардааст, ки дар он санҷиши сомонаи замин ба ҳавоии С-400 "Триумф" ё "Пирӯзӣ" ба навор гирифта шудааст

Санҷишҳои бо муваффақи системаи С-400 дар пойгоҳи озмоишии Капустин Яри вилояти Астрахани Русия сурат гирифт, иттилоъ додааст дафтари матбуоти вазорати дифои Русия.

"Низоми С-400 бо муваффақ ҳамаи нишонҳоро ба ҳадаф расонд. Мушаки озмоишии "Кабан" дар баландии 15 километр нобуд карда шуд”, - таъкид доштааст вазорати дифои Русия.

Русия дар Тоҷикистон мушакҳои С-300-ро наздикии марзи Афғонистон насб кард

Пеш аз ба артиши Русия додани С-400, ин охирин имтиҳони он буд. Сипас С-400 барои дифои фазои минтақаи Самара равон карда мешавад.

Ёдрас мешавем, ки дар аввали моҳи сентябр мушакпартоии санҷишии "Триумф" дар пойгоҳи Ашулуки вилояти Астрахан сурат гирифта буд.

117
Барчаспҳо:
ҳадаф, нишон, санҷиш, С-400 "Триумф", Русия

Хонаи помирӣ дар наздикии Кремл - навор

1445
(Таҷдидшуда 14:37 05.12.2020)
Дар маркази шаҳри Маскав хонаи помирӣ сохта шуд. Онро ихтиёриёни Бадахшон бо дастгирии Бунёди хайриявии "Даргил наник!" (Модар маро дарёб!) бунёд карданд

Хонаи помирӣ ё ба забони шуғнонӣ "помери чид" – манзили суннатии мардуми Кӯҳистони Бадахшон аст, ки таъриху фарҳангу ҳунарро дар худ ҷой додааст. Ин хона аз сангу гилу чӯб сохта мешавад ва ҳар тоқу синҷу сутун нақши маънавӣ ва намоди худро дорад.

Ахиран Бунёди хайриявии "Даргил наник!" (Модар маро дарёб!) бо раҳбарии Меҳмоншо Меҳмоншоев бо кумаки ихтиёриёни Бадахшон дар Маскав хонаи помирӣ бунёд карданд.

Ба гуфти Меҳмоншо мақсади асосӣ аз бунёди ин хона, ки дар доираи тарҳи "Киштии фарҳангҳо" сохтв шудааст, муаррифии манзили помирӣ ба ҷаҳониён мебошад.

"Боре мо бо бародарамон Давлатназар Давлатназаров нишастем ва ривоҷ шуду тариқи Бунёд ин маконро барои бунёди хона гирифтем. Ҳуҷҷатҳоро омода кардем, ҳоло онҳоро месанҷанд. Иҷозат доданд, ки ҳамаашро қонунӣ кунем", - нақл кард Меҳмоншо.

Устоҳои асосии ин хона Шукрихудо ва Изатшоҳ мебошанд.

Главный архитектор памирского дома Шукрихудо
© Sputnik / Стас Этвеш
Главный архитектор памирского дома Шукрихудо
"Ихтиёриёни Бадахшон шабу рӯз ин ҷо меомаданд ва тариқи ҳашар меҳнат карданд. Бар ба бари ҳамдигар истода ин хонаро бунёд кардем. 90 фисади кори ин хонаро ихтиёриён анҷом додаанд. Наздики 20-30 волонтер асосан аз ноҳияи Рӯшон ин ҷо меҳнат карданд", - гуфт Меҳмоншо ва афзуд, ки ихтиёриёни дигаре буданд, ки хафагӣ карда гуфтанд, "моро хабар накардед", - мо гуфтем "ҳоло кор ҳаст". Пас аз ин мо фикри бунёди як хонаи дигарро кардем, ки дар он сӯи роҳ бунёд мешавад ва кор ҳам шурӯъ шудааст.

Ӯ афзуд, ки як фикри дигар доранд, то дар ВДНХ, ки он ҷо ҳамаи миллатҳо, масалан қирғизҳо - юрта сохтаанд онҳо низ як хонаи помирӣ созанд, дар ин бора аллакай гуфтушунид кардаанд.

Ба нақли Меҳмоншо дар Русия хонаҳои помирӣ пеш ҳам бунёд шудаанд.

"Дар вилояти Маскав як бародарамон хонаи помирӣ дорад, меъмор Рашид низ хона сохт. Дар Петербург худораҳматӣ Бабек, даргузашташ бароямон талафоти бузург аст - хонаи помирӣ сохт, вале барои мо ривоҷ шуд, дар маркази шаҳри Маскав хона бисозем", - гуфт ӯ.

"Помери чид" (хонаи помирӣ) асосан аз се санҷ – санҷ ё дукони сартакя, ки ҷойгоҳи халифаву пиру бузургон аст, санҷ ё дукони поён, ки нишастгоҳи меҳмонон аст ва гирсанҷ, ки ҷойгоҳи занону кӯдакон ва соҳибхона аст, иборат мебошад.

Санҷҳоро панҷ сутун, ки ба “панҷ тани пок” нисбат дода мешаванд бо ҳам пайваст мекунанд. Ин сутунҳо, ки сақфи азимро рӯи шонаҳои худ бардоштааст – ба номи Расули Акрам Ҳазрати Муҳаммад (с), Ҳазрати Алӣ, ҳазрати Фотимаи Заҳро ва Ҳасану Ҳусайн номгузорӣ шудаанд.

Чорхона ё "рӯз" яъне равзана - яке дигар аз қисматҳои хонаи помирӣ мебошад, ки ба қавли мардуми Бадахшон макони даромади нури офтоб буда, ҳавои хонаро тоза мекунад ва пайвастагии миёни инсон ва Яздон мебошад.

Вале хонаи помирӣ дар Маскав, аз дигар манзилҳои маъмулӣ бо он тафовут дорад, ки натанҳо баёнгари фарҳанги бадахшониён мебошад, балки фарҳанги ҳамаи қавму миллатҳои ҷаҳонро гирд овардааст ва аз ин рӯ “Киштии фарҳангҳо” ном гирифтааст.

Ба гуфти Меҳмоншо дар ин хона дар баробари намунаҳои фарҳанги халқи Помир, намунаҳои гуногуни фарҳанги миллӣ аз Ҳиндустон, Марокаш, Африқо, Русия, Афғонистон ва дигар кишварҳо гирд оварда шудааст.

"Ҳар боре, ки ман ба Помир мерафтам, як чизи қадимиеро бо худ меовардам ва ҳамаи онҳо имрӯз ба кор омаданд. Фикр кунед ҳамин чойник, ки чандин нафар бо он подабонӣ рафтаанд, ё кашфҳо".

Ин макон барои тоҷикони Маскав ҷои хубе барои бо ёди ёру диёр будан хоҳад шуд ва макони зебои аксбардории шоҳу арӯс хоҳад буд.

"Дари ин хона ба рӯи ҳама боз аст. Мо бо ташкилотҳои гуногун аз қабили "Мосволонтер" ва "Москва моя карьера" ҳамкорӣ дорем ва онҳоро барои тамошо таклиф кардаем. Аллакай коргардонҳо занг зада хостори дар ин ҷо ба навор гирифтан ҳастанд. Вақте инсон нияти нек мекунад, он албатта бароварда мешавад. Бахилӣ ҳеҷ вақт лозим нест", - таъкид мекунад Меҳмоншо.

Ӯ бовар дорад, ки барои кори хайр на маблағ, балки муттаҳидии инсонҳо нақши муҳим мебозад.

"Бори дигар барои ҳамаи ихтиёриён сипоси бепоён мегӯям. Шукри Худо, мо муттаҳид ҳастем", - гуфт Меҳмоншо.

1445
Барчаспҳо:
бунёд, Хонаи Помирӣ, Маскав, ихтиёрӣ
Открытие границы между Киргизией и Казахстаном

Ба шаҳрвандони Тоҷикистон иҷозат доданд вориди Қирғизистон шаванд

43
Тибқи қарори Ҳукумати Қирғизистон акнун шаҳрвандони тамоми кишварҳо имкони вуруд ба ин кишварро тариқи ҳавопаймо дастрас карданд

ДУШАНБЕ, 5 дек — Sputnik. Қирғизистон маҳдудиятҳо барои ворид шудан ба ҷумҳурриро, ки ба сабаби пандемияи вируси корона ҷорӣ карда буд, аз байн бурд, иттилоъ додааст  дафтари матбуоти Вазорати хориҷаи Қирғихистон.

Ҳукумати Қирғизистон тасмим гирифт, ба вориди шаҳрвандони хориҷӣ ва шахсони бидуни шаҳрвандиро, ки тариқи фурудгоҳи байналмилалии Манас, Ош, Иссиқ -кул сурат мегирад, иҷозат диҳад.

Қаблан ворид шудан ба Қирғизистон маҳдуд шуда буд. Қаблан ба ин кишвар танҳо шаҳрвандони 33 кишвар имкони вуруд доштанд. Тоҷикистон дар ин феҳрист набуд.

Вазорати хориҷаи Қирғизистон таъкид намудааст, ки вуруд ба кишвар танҳо дар сурати ироаи санад дар бораи сирояти коронавирус имконпазир мешавад. ин санад бояд на камтар аз 72 соат пеш гирифта шуда бошад.

Инчунин, нозирони байналмилалӣ, ки дар интихоботи Президентӣ ва порлумонӣ дар соли 2021 ширкат хоҳанд кард имкони вуруд ба Қирғизистонро низ гирифтанд.   

43
Барчаспҳо:
ҳавопаймо, вируси корона, шаҳрвандон, вуруд, Тоҷикистон, Қирғизистон