Зарбаи сеюм ба пандемия: Русия озмоиши ваксинаи сеюм алайҳи COVID - ро шурӯъ кард - навор

229
(Таҷдидшуда 17:33 21.10.2020)
Дар Русия озмоишҳои ваксинаи сеюм алайҳи коронавирус, ки дар маркази ба номи М.П.Чумаков таҳия шуд, оғоз ёфт

Таҳиягарон бар инанд, ки моҳи декабр Вазорати тандурустӣ  доруро ба қайд гирифта, то охири сол ба истеҳсоли оммавӣ шурӯъ мекунад.

Қаблан ваксинае, ки Маркази илмии "Вектор" -и Новосибирск таҳия намуд, низ аз қайди давлатӣ гузашт. Тадқиқот оид ба аввалин ваксина дар ҷаҳон “Спутник V” низ ба анҷом расида истодааст.

Ҳоло марҳилаи сеюми озмоиши доруи Русия дар хориҷа идома дорад ва аз натиҷаи он муваффақияти ваксина дар бозори байналмилалӣ вобаста аст.

Амрико аз ӯҳдаи сохти ваксина намебарояд ва дар бохташ Русияро айбдор мекунад - навор

Интизор меравад, дору барои на кам аз як сол масуният медиҳад Инчунин каммасрафтар ва бидуни таъсири манфӣ хоҳад буд.

Ваксина бояд моҳи декабр сабти ном шавад.

Қаблан Владимир Путин аз сабти ном шудани ваксинаи дуюми сохти русӣ хабар дод, ки дар маркази “Вектор” – и Новосибирск таҳия шуд.

"Ман мехоҳам олимон ва кулли кормандони маркази "Вектор" -и Новосибирскро табрик намоям. Ин бешубҳа, вазифаи хеле муҳим аст, ки шумо, дӯстони азиз, бомуваффақият аз ӯҳдааш баромадед. Ташаккури зиёд барои кору заҳмататон, барои истеъдод ва сарсупурдаи кор буданатон",- изҳор дошта буд Путин.

Ҳоло доруи “ЭпиВакКорона” дар марҳилаи анҷомёбии озмоиши клиникӣ қарор дорад ва дар кори он 40 ҳазор ихтиёриён иштирок мекунанд.

Русия аз чандин кишварҳо дархост барои 1 миллиард вояи “Спутник V” дарёфт кард.

Михаил Мишустин, сарвазири Русия гуфта буд: "мо ифтихор дорем, ки аввалин ваксина дар ҷаҳон алайҳи коронавирус сохти русӣ аст. Гузашта аз ин, мо нақша дорем, ки чунин ваксинаҳои дигарро ба бозор барорем. Ин потенсиали азими илмии моро исбот мекунад. Дар муддати кӯтоҳ барои бозори дохилӣ ва ҷаҳонӣ маҳсулоти рақобатпазир ба вуҷуд оварда шуд".

Истеҳсоли ваксинаи муассир сатҳи баланди рушди илми Русияро тасдиқ мекунад.

229
Барчаспҳо:
зарба, озмоишгоҳ, Русия

Чаро ваксинаи сохти русӣ алайҳи COVID - 19 гарон нест? - навор

75
(Таҷдидшуда 12:14 04.12.2020)
Русия дар иҷлосияи Маҷмаи Умумии СММ бахшида ба мубориза бо пандемия ваксинаи коронавируси "Спутник V" -ро муаррифӣ кард. Иштирокчиён дар бораи озмоишҳо, самаранокӣ, хусусиятҳо ва арзиши дору нақл карданд

Ваксинаро вазири тандурустӣ Михаил Мурашко муаррифӣ кард. Вай гуфт, ки ин дору дар феҳрасти СҶБ яке аз беҳтарин ваксинаҳост, ки дар арафаи анҷомёбии озмоишҳои клиникӣ қарор дорад. 

Аз рӯи нарх "Спутник V"  яке аз ваксинаҳои дастрастарин хоҳад буд. Кирилл Дмитриев, мудири кулли Фонди сармоягузории мустақими Русия изҳор дошт, ки як вояи ваксинаи мазкур камтар аз 10 доллар арзиш хоҳад дошт.

" Мо бар он кӯшидем, ки нархи ваксин барои тамоми ҷаҳон дастрас бошад. Арзиши дору низ барои ҳамаи давлатҳо якхела хоҳад буд", - изҳор дошт Дмитриев.

Чанде қабл, ваксинаи сохти русиро дар нишасти ахири СПАД низ баррасӣ намуданд. Владимир Путин гуфт, ки масоили таъмини дору ба кишварҳои ширкаткунандаи тавофуқ ва тавлиди муштараки ваксина таҳия шуда истодаанд.

Зимнан, пас аз он ки 95 дарсади сареҳияти дору собит гардид, бисёре аз кишварҳои ҷаҳон хоҳишманди дастрас кардани ваксинаи сохти русӣ шуданд.

Қаблан Чин, Бразилия, Ҳиндустон, Кореяи Ҷанубӣ ва Аргентина эълом доштанд, ки истеҳсоли "Спутник V" -ро ба роҳ мемонанд.

Навбат барои дарёфти ваксинаи Русия: Урупо бойкот мекунад - видео

Ба ин рӯйхат шояд Исроил ва Сербия низ шомил гарданд.

Дар ҳамин ҳол, дар миқёси Иттиҳоди Аврупо танҳо Маҷористон хоҳишманди дастрас кардани ваксина мебошад. Сарфи назар аз он, ки олимони Бритониё ва СҶБ эътимоднокии ваксинаи Русияро эътироф кардаанд, дар Ғарб чандон ба он эътимод надоранд.

75
Барчаспҳо:
навор, арзон, Русия, дору, нарх

Автомобил ба ҷои дастаи сарбозон: "Терминаторҳо" ба майдони ҷанг баромаданд - навор

233
(Таҷдидшуда 20:59 03.12.2020)
Вазорати мудофиаи Русия навори озмоиши мошинҳои ҷангии уникалии "Терминатор"-ро, ки метавонад ду автомобили ҷангии пиёданизом ва як дастаи туфанги моториро иваз кунад, нашр кард

Танкронҳои Округи марказии ҳарбӣ ба омӯзиши мошинҳои ҳарбии уникалии "Терминатор" оғоз карданд, хабар медиҳад дафтари матбуоти Вазорати мудофиаи Русия.

Автомобилҳо дорои хусусияти баланди тезҳаракатӣ буда, бо таҷҳизоти муосири контроли оташ таъмин гаштаанд.

Мошинҳои "Терминатор" метавонанд танк ва худравҳои ҷангии пиёданизом, ҳавопаймо ва чархболҳоро маҳбут кунанд.

Чунин як худрав метавонад ду автомобили ҷангии пиёданизом ва як дастаи туфанги моториро иваз кунад.

Коршиносон таъкид мекунанд, ки озмоиши бомуваффақияти "Терминаторҳо" имконият медиҳад, ки онҳоро ба ҷангафзор шомил карда, қатъан қудрати ҷангии нерӯҳои танкҳои Русияро тақвият бахшанд.

Силоҳи Русия: натиҷаҳои аввалияи соли 2020

Пештар фармондеҳи қӯшунҳои Округи марказии ҳарбии Русия генерал-полковник Александр Лапин дар бораи расидани ҳашт махзани пуштибонии ҷаганда барои озмоиш дар дивизияи танкӣ, ки дар вилояти Челябинск қарор дорад, гуфта буд.

Қайд карда мешавад, ки истифодаи "Терминаторҳо" мӯҳлати хидмати танкҳоро бештар мекунад ва имконияти онҳоро фарохтар мегардонад.

 

233
Барчаспҳо:
навор, автомобил
Здание МИД России, архивное фото

ВКХ боздошти хабарнигорони Sputnik ва Baltnews дар Латвияро шадидан маҳкум кард

0
(Таҷдидшуда 14:01 04.12.2020)
Тибқи изҳороти вазорат, ҳамчунин фишор алайҳи рӯзноманигорони русзабони оҷонсии иттилоотии Baltnews ва як қатор ходимони ҷамъиятии Латвия сурат гирифтааст.

ДУШАНБЕ, 4 дек – Sputnik. Вазорати корҳои хориҷии Русия амалкарди мақомоти Латвияро нисбат ба рӯзноманигорони русзабони пойгоҳҳои хабарии Baltnews ва Sputnik Латвия, ки кофтуков карда шуданд, шадидан маҳкум кард, хабар медиҳад РИА Новости.

Қаблан Sputnik хабар дода буд, ки кормандони ин расонаҳо тибқи моддаи 84 Қонуни ҷиноии Латвия - нақзи низоми таҳримоти Иттиҳоди аврупо айбдор карда мешаванд. Пас аз бозпурсӣ онҳо уҳдадории хаттӣ гирифтанд, ки ин маконро тарк накунанд.

Гуфта мешавад, онҳоро ҷазои ҷаримаи пулӣ то ҳабс таҳдид мекунад

“Мо амалҳои таҷовузкоронаи Хадамоти Амнияти Давлатии Латвияро, ки рӯзи 3 декабр алайҳи кормандони бюрои Спутник дар Рига ва рӯзноманигорони русзабон сурат гирифт, ҳамчун намунаи ошкорои вайрон кардани пояҳои ҷомеаи демократӣ - озодии ВАО ва баён медонем. Хотиррасон бояд кард, ки рӯзноманигорон мавриди боздошт, бозпурсӣ ва кофтукоб сурат гирифта, нисбати онҳо парвандаҳои ҷиноӣ оғоз карда шудаанд “, - омадааст дар изҳороти расмии Вазорати корҳои хориҷӣ.

Ба иттилои манбаъ, иттиҳоми вайрон кардани низоми таҳримоти ИА аз ҷониби коргарон Sputnik Латвия комилан ғайриқобили қабул аст. "Ин маҳдудиятҳо хусусияти шахсӣ доранд, шахсан ба директори генералии МИА "Россия сегодня" Дмитрий Киселев рабт дорад ва татбиқи он ба ҳама нафароне, ки бо  медиахолдинг ҳамкорӣ мекунанд дахл надорад", - гуфтааст, ВКХ.

Тибқи изҳороти вазорат, ҳамчунин фишор алайҳи рӯзноманигорони русзабони оҷонсии иттилоотии Baltnews ва як қатор ходимони ҷамъиятии Латвия сурат гирифтааст.

“Ҳамаи ин як амали воқеии ҷазоест, ки шубҳаро ба оқибатҳои русҳаросӣ айбҳои сохта боқӣ намемонад. Ин масъала дар ҷаласаи Шӯрои вазирони САҲА матраҳ хоҳад шуд ",- гуфта мешавад дар паём.

"Озодии сухан дар Эстония - таҳдид ба ВАО" Черишева дар бораи вазъи Sputnik Эстония

Вазорат изҳори умедворӣ кард, ки намояндаи нави САҲА оид ба озодии ВАО ба ин рӯйдодҳо сарфи назар намекунад ва ба Латвия "ғайри қобили қабул будани чунин ҳамлаҳо" –ро нисбат ба ВАО, инчунин "зарурати иҷрои ӯҳдадориҳои байналмилалӣ дар самти таъмини озодии сухан" -ро қайд мекунад.

Дар навбати худ, сармуҳаррири аршади МИА “Россия Сегодня” ва RT Маргарита Симонян дар канали Telegram-и худ изҳори умедворӣ кард, ки Русия ба таъқиби ҷиноии кормандони Baltnews ва Sputnik Латвия посух хоҳад дод.

Ёдовар мешавем, чунин вазъият соли гузашта дар Эстония низ рух дода буд.

Роҳбарияти полис ва идораи марзбонии кишвар кормандони Sputnik Эстонияро таҳдид карданд, ки дар сурати қатъ накардани кор дар хабаргузории байналмилалӣ алайҳи онҳо парвандаи ҷиноӣ оғоз мекунанд.

Ин амалҳо бо таҳримҳои ИА аз 17 марти соли 2014 алайҳи як қатор шахсони воқеӣ ва ҳуқуқӣ шарҳ дода шуданд.

Лавров дар бораи Sputnik Эстония: ин боз як доғи дигар ба обрӯи Иттиҳоди Аврупост

Аммо, маҳдудиятҳои ИА на ба МИА “Россия Сегодня”, ки Sputnik шомил он аст, балки шахсан алайҳи директори генералии агентӣ Дмитрий Киселев нигаронида шудааст.

0
Барчаспҳо:
хабарнигорон, боздошт, изҳорот, Вазорати корҳои хориҷии ФР, Латвия, Русия