Шӯх: нашри суруд ва намоҳанги нави Мадина Ақназарова - видео

1266
(Таҷдидшуда 14:29 22.10.2020)
Овозхони ҷавону машҳури эстрадаи тоҷик Мадина Ақназарова намоҳанги ҷадиди худро таҳти унвони "Дил ба дил" пешкаши мухлисонаш кард

Мадина Ақаназарова рӯзи 20 октябр дар шабакаи Youtube клипи нави худро нашр кард.

Суҳбати Мадина: аз ишқ дар маршировка то муҳоҷирату пулёбӣ ва ҷарроҳии пластикии ситораҳо

Намоҳанги ҷадиди сароянда аз ҷониби ширкати продюсерии "Тримедведя" таҳия шудааст.

Матни суруди нави Мадина ба қалами шоир ва рӯзноманигор Орзу Исоев тааллуқ дошта, намоҳангро Эраҷ Ҳамидов танзим кардааст.

Оҳанги суруди "Дил ба дил" - ро овозхони ҷавони тоҷики муқимии Русия Сино Зоолшоев эҷод кардааст.

Дар давоми ду рӯзи нашр намоҳанги нави Мадинаро беш аз 37 ҳазор кас боздид карда ва зиёда аз 2 ҳазор нафар писандидааст.

Ёдрас мешавем, ки ахиран Мадина Ақназарова бо рӯзноманигор ва овозхони ҷавон Мубориз Усмонов суруди дуэт иҷро кард.

Муаллифи матни ин суруд шоир Орзу Исоев буда, мусиқӣ моли Шаҳбоз Носирҷонов аст.

То имрӯз ин намоҳангро дар шабакаи You Tube беш аз 600 ҳазор корбар, тамошо кардааст.

Мадина Ақназарова тоҷикони Маскавро ба "по" хезонд - видеои консерт

Мадина Ақназарова 15 феврали соли 1998 дар шаҳри Хуҷанд ба дунё омадааст. Пас аз чанде хонаводаи Мадина ба пойтахти шимолии Русия шаҳри Санкт-Петербург мекӯчад.

Мадина то синфи 9-ум дар мактаби рақами 596 ин шаҳр таҳсил кардааст. Пас аз хатми синфи 9 хонаводаи Мадина ба шаҳри Душанбе бозгашт.

Мадина ҳуҷҷатҳояшро ба мактаби мусиқии ба номи Аҳмад Бобоқулов бо маслиҳати бобояш ба шуъбаи академӣ (опера) супорид ва онро бо хубӣ хатм кард. Пасон Мадина таҳсилашро дар Донишкадаи санъати Тоҷикистон ба номи Мирзо Турсунзода идома дод.

Феълан Мадина Ақназарова донишҷӯи соли сеюми Донишкадаи ҳунарҳои зебо мебошад.

То имрӯз Мадина Ақназарова консертҳояшро дар шаҳрҳои Душанбе, Хуҷанд, Маскав ва Санкт-Пебербург баргузор кардааст.

1266
Барчаспҳо:
намоҳанг, нашр, Мадина Ақназарова, Тоҷикистон

Зебову боҳашамат: заргаре дар Туркия ниқобҳоро аз тилло омода мекунад - навор

125
(Таҷдидшуда 13:59 30.11.2020)
Мӯд дар замони пандемия низ ҳамқадами замона аст. Унсури нави тарроҳӣ ин ниқоби муҳофизатии тиббӣ шудааст

Аз ҷумла, чунин ниқобҳои ғайриоддиро заргаре аз Туркия омода мекунад. Ниқобҳои омоданамудаи ӯ 25 грамм вазн доранд.

Арзиши ниқобҳои нуқрагин 190 евро нарх дошта, барои ниқобҳои тиллоӣ, заргар беш аз 2 ҳазор евро нарх гузоштааст.

Мутахассисон дар мавриди муфид будан ё набудани ниқобҳое, ки аз тилло ва ё нуқра омода мешаванд, изҳори назар накардаанд.

Арӯсиҳои замони коронавирус: бӯсуканор тариқи ниқоб - Акс

Онҳо то ҳол танҳо аз пӯшидани ниқобҳои оддиӣ тиббӣ ҳарф мезананд, ки ингуна ниқобҳо то 90 дарсади зарраҳои вирусро аз паҳншавӣ ба атроф бозмедоранд.

Зимнан, дар яке аз мағозаҳои номдори Чин ниқобҳое ба фурӯш гузошта шуданд, ки аз алмосу марводир оро дода шудаанд. Нархи ин ниқобҳо ҳам чандон арзон нест.

125
Барчаспҳо:
навор, Туркия, заргарӣ

Муҳорибаи Тайсону Джонсон: беҳтарин лаҳзаҳои рақобат дар навори кӯтоҳ

204
(Таҷдидшуда 21:03 29.11.2020)
Дар Лос-Анҷелеси Амрико муҳорибаи бокси ду қаҳрамони ҷаҳон баргузор шуд. Майк Тайсони 54-сола ба Рой Ҷонси 51-сола рақобат кард. Аммо доварон ғалабаро ба касе надоданд

Муҳорибаи дар “Маркази Стэйплс”-и Лос-Анҷелис баргузор шуд. Бино бар пандемия дар толор нафароне зиёде ҷамъ наомада буданд.

Муҳориба миёни ду боксёри машҳури дунё намоишӣ буд, аммо рақибон 8 раунд бокс карданд.

Пас аз 8 раунди рақобат, доварон ғалабаро ба касе надоданд. Муҳориба дӯстона анҷом ёфт.

Ёдрас мешавем, ҳарду муштзан беш аз 50 муҳорибаҳоро пушти сар карданд ва ҳар ду муштзан собиқ Чемпиони ҷаҳон мебошанд.

Рой Джонси 51-сола дар 75 муҳориба 66 пирӯзӣ ба даст оварду дар 9 муҳориба мағлуб шуд.  Майк Тайсон 58 муҳориба анҷом доду дар 50 муҳориба пирӯз шуд.

204
Барчаспҳо:
рақобат, бокс, Майк Тайсон, Амрико
Интиқоли китоби Тоҷикон ба ноҳияи Ванҷ

Беш аз 4400 дона: туҳфаи Раҳмон ба Ванҷ расид

0
Вазорати маориф ва илми Тоҷикистон мегӯяд, имрӯз дар ноҳияи Ванҷ, тақсими китоби “Тоҷикон”-и Бобоҷон Ғафуров аз номи раисиҷумҳур Эмомалӣ Раҳмон оғоз шуд

ДУШАНБЕ, 30 ноя — Sputnik. Тибқи иттилои Вазорати маорифи Тоҷикистон, бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби “Тоҷикон” то ҷашни 30-солагии Истиқлоли давлатӣ ба ҳар оилаи кишвар тақсим мешавад.

Манбаъ афзуд, ки ин туҳфа аз номи раисиҷумҳури Тоҷикистон, бо роҳбарии Нуралӣ Собирзода, муовини вазири маориф ва илми Тоҷикистон ба шаҳру ноҳияҳои ВМКБ фиристода шуд.

Нуралӣ Собирзода, муовини вазири маориф ва илм иттилоъ дод, ки барои мардуми ноҳияи Ванҷ мутаносибан ба теъдоди хонаводаҳо 4408 китоб ҷудо шуда, он ба ҳар як хонавода дастрас карда мешавад.

Ҷаббори Қосим, раиси ноҳияи Ванҷ мегӯяд, тақсимоти китоби “Тоҷикон” имрӯз аз ноҳия оғоз гардида, доир ба масъалаи мазкур комиссияи махсус таъсис дода шудааст. Ин комиссия  раванди супоридани туҳфаи роҳбари давлатро дар ҷамоатҳои шаҳраку деҳот назорат менамояд. 

Чойхонаи тоҷикон дар Амрико ба макони таърихӣ табдил ёфт

Ба иттилои Вазорати маориф, Хушвахт Искандаров, омӯзгори собиқадори ноҳия гуфтааст,  солҳо боз орзу дошт, ки ин китоби пурарзиш китоби рӯйимизии ҳар як фарди тоҷик бошад.

“Боварӣ дорам, ки ин амали нек ва шоиста дар раванди худшиносии миллӣ, арҷгузорӣ ба мероси бою пурғановати гузаштагон саҳми арзанда мегузорад”, - таъкид кардааст омӯзгор.

0
Барчаспҳо:
китоб, фарҳанг, маориф, Тоҷикистон