Парвозу размоишҳо дар пойгоҳи низомии Кант-видео

117
(Таҷдидшуда 18:22 23.10.2020)
Вазорати мудофиаи Русия бо нашри як навор намоиш дод, ки чигуна парвозҳо дар пойгоҳи низомӣ дар Канти Қирғизистон амалӣ мешаванд

Пойгоҳи ҳавоии Русия дар Қаирғизистон – 17-умин солгардро аз рӯзи таъсисёбӣ таҷлил мекунад.

Пойгоҳи ҳавоӣ ҳавопаймоҳои ҳамлагари Су-25СМ, чархболҳои навсозишудаи Ми-8МТВ5-1-ро дар бар мегирад.

Ба пойгоҳи Кант инчунин воҳидҳои ҳавопаймоҳои бехалабони масофаи миёна ва дур, пулиси низомӣ ва нозирони низомии автомобилӣ шомил мебошанд.

Дар навори нашркардаи Вазорати мудофиаи Русия парвозҳо ва тирандозӣ аз ҳавопаймо дар пойгоҳи Кант дар Қирғизистон намоиш дода мешаванд.

Дар ин навор халабонҳои низомӣ баъди парвоз ва анҷоми ҳаракатҳо дар фазо ба пойгоҳ баргаштанд. Зимни тамринот инчунин сӯи нишонҳо оташ кушода шуд, ки ба ҳадаф расид.

Феълан пойгоҳ ба сохтори артиши 14-уми нерӯҳои ҳавоии Ҳавзаи марказии низомӣ ворид мебошад. Халабонҳои ин пойгоҳ пайваста дар тамриноти байналмилалӣ ва бозиҳои байналмилалии “Авиадартс” иштирок мекунанд.

117
Барчаспҳо:
ҳавопаймо, тамрин, пойгоҳ, Қирғизистон

Муҳорибаи Тайсону Джонсон: беҳтарин лаҳзаҳои рақобат дар навори кӯтоҳ

169
(Таҷдидшуда 21:03 29.11.2020)
Дар Лос-Анҷелеси Амрико муҳорибаи бокси ду қаҳрамони ҷаҳон баргузор шуд. Майк Тайсони 54-сола ба Рой Ҷонси 51-сола рақобат кард. Аммо доварон ғалабаро ба касе надоданд

Муҳорибаи дар “Маркази Стэйплс”-и Лос-Анҷелис баргузор шуд. Бино бар пандемия дар толор нафароне зиёде ҷамъ наомада буданд.

Муҳориба миёни ду боксёри машҳури дунё намоишӣ буд, аммо рақибон 8 раунд бокс карданд.

Пас аз 8 раунди рақобат, доварон ғалабаро ба касе надоданд. Муҳориба дӯстона анҷом ёфт.

Ёдрас мешавем, ҳарду муштзан беш аз 50 муҳорибаҳоро пушти сар карданд ва ҳар ду муштзан собиқ Чемпиони ҷаҳон мебошанд.

Рой Джонси 51-сола дар 75 муҳориба 66 пирӯзӣ ба даст оварду дар 9 муҳориба мағлуб шуд.  Майк Тайсон 58 муҳориба анҷом доду дар 50 муҳориба пирӯз шуд.

169
Барчаспҳо:
рақобат, бокс, Майк Тайсон, Амрико

Бо рӯймол ва куртаи дароз: Нозияи Кароматулло намоҳанги тоза нашр кард - Навор

1536
(Таҷдидшуда 17:12 29.11.2020)
Нозияи Кароматулло, ҳунарманди номии тоҷик хабар дод, ки намоҳанги тозаашро ба номи "Ҷони ман" нашр кардааст

Таронаи ва намоҳанги нави "Ҷони ман" шоми 28 ноябр дар пойгоҳи T Music Awards нашр гардид.

Ҳунраманд пештар худаш хабар дода буд, ки таронаи наверо баҳри мухлисонаш омода кардааст.

Аз тарона, ки аз нашри он ҳамагӣ як рӯз ҳам нагузаштааст, бештар аз 19 ҳазор маротиба боздид кардаанд.

Зери он қариб ҳазор нафар тугмаи "класс"-ро пахш кардаанд.

Шеъри тарона ба Эҳсон Аъзамиён ва оҳанги он ба Умаров таалуқ дорад.

Дар ҳавои тарона гурӯҳи "NTW ERA" мерақсанд.

Нозия ва Муҳаммадрофеъ дар хумори падар ҳастанд: 58 - умин солрӯзи Кароматуллои Қурбон

Қисме аз намоҳангро дар "Қасри теннис" ба навор гирифтаанд. Тавре дида мешавад, зоҳиран Нозия "имеҷ"-ашро нав накардааст: куртаи дароз ба бар кардааст ва ҷое сарашро бо кулоҳ ва ҷое бо рӯймол қисман пӯшонидааст.

Нозия, ки аз аввал бо тарз либоспӯшии хос ба худаш фарқ мекард, дар чандин ҳунарнамоиҳои ахираш бо пироҳанҳои дароз, гоҳо бо дӯхти ҳиндӣ намоён мешавад.

1536
Врач-инфекционист, Хапизов Шавкат Туланович

Маризони COVID-19-ро табобат мекарду худ аз он даргузашт: фавти табиби тоҷик дар Русия

0
(Таҷдидшуда 12:21 30.11.2020)
Ҳафизов Шавкат Туланович, яке аз табибони сироятшиноси шинохтаи тоҷик дар Русия дар синни 55-солагӣ даргузашт

ДУШАНБЕ, 30 ноя — Sputnik. Дар ин бора хоҳари Шавкат Ҳафизов Азиза Ҳафизова дар суҳбат ба Sputnik Тоҷикистон гуфт, бародараш ду рӯз пеш аз бемории ҳамагирикоронавирус ҷон дод.

Ба иттиллои манбаъ, марҳум аз табибони сироятшиноси шинохта буда, хатмкардаи Донишгоҳи тиббии Тоҷикистон мебошад.

“Бародарам пас аз хатми Донишгоҳи тиббии Тоҷикистон сар аз соли 1993 то 2015 ҳамчун табиби сироятшинос дар Душанбе дар беморхонаҳои “Якум советский” ва беморхонаи сироятии Зарафшон кор кардааст”,-гуфт, хоҳари марҳум.

Ӯ гуфт, бародараш тавассути барномаи “переселения” соли 2015 ба русия бо оилааш кӯчид ва  то ин замон дар Беморхонаи марказии ноҳияи Сосновскаи вилояти Тамбови Русия кор мекард.

Гуфта мешавад, номбурда яке аз муборизони зидди коронавирус буда, то дами охирин ба гирифторони ин беморӣ кӯмак мекард.

Ҳафизов Шавкат соли 1965 дар шаҳри Душанбе ба Дунё омада 55-сол дошт.

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

“Ман бо бародарам ҳамкурсем. Ҳарду Донишгоҳи тиббиро хатм кардем. Ӯ табиби сироятшинос шуду ман ҳоло дар Колеҷи тибби ҷумҳуриявӣ дарс мегӯям”,-афзуд номбурда.

Даргузашти Ибодуллоев, табиби шинохтаи тоҷик аз "илтиҳоби шуш"

Ба гуфти Азиза Ҳафизова дар оилаашон бештар дар ин ришта кор мекунанд ва падарашон Ахмед Ҳафизо, яке аз табибони саршинос буд, ки солиёни зиёд дар Беморхонаи қарияи боло кор кардааст

 

0
Барчаспҳо:
фавт, табиб, Русия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон