Путин гуфт, кай Русия силоҳи ҳастаияшро истифода мебарад - видео

504
(Таҷдидшуда 14:03 12.11.2020)
Владимир Путин, раисиҷумҳури Русия бо намояндагони Вазорати мудофиа масоили амнияти ҳастаиро баррасӣ кард

“Сегона”-и ҳастаӣ муҳимтарин кафили амнияти низомии Русия ва бехатарии ҷаҳон боқӣ мемонад, таъкид кард Владимир Путин.

Ӯ афзуд, ки Маскав навсозии нерӯҳои стратегиро идома медиҳад, аммо дар сабқати мусаллаҳсозӣ иштирок нахоҳад кард.

“Сарфи назар аз тағйири таҳдидҳои низомӣ, маҳз “триада”-и ҳастаӣ муҳимтарин кафили амнияти ҳарбии Русия боқӣ мемонад. Ва агар васеътар нигоҳ кунем, кафили эътидоли глобалӣ низ мебошад. Ҳифзи чунин тавозун таҳдиди даргирии бузурги ҷаҳониро ба сифр баробар карда, талошҳои таҳдид ё фишор ба кишварамонро беҳуда мегардонад”, - гуфт Путин.

Раисиҷумҳур зикр намудааст, ки дар қаламрави Аврупо ҳузури НАТО дар наздикии сарҳади Русия васеъ шуда истодааст. Путин таъкид намуд, ки Эътилоф пешниҳоди Маскав барои кам кардани фаъолият дар марҳилаи пандемияи коронавирусро сарфи назар намуд.

Ӯ ҳамчунин қайд кардааст, ки дар доктринаи ИМА аз истифодаи силоҳи ҳастаӣ дар баробари истифода аз силоҳи ғайриҳастаӣ гуфта мешавад, аммо Русия танҳо дар сурати ҳамлаи ҳастаӣ ба чунин посух даст хоҳад зад.

Путин таъкид намуд, ки ин иқдоми истисноии таъмини амнияти миллӣ буда, Русия аз силоҳи ҳастаӣ танҳо дар сурати посух ба ҳамлаи ҳастаӣ истифода хоҳад кард.

504
Барчаспҳо:
озмоиши силоҳи ҳастаӣ, Владимир Путин, Русия
(0:00 / .00Mb / просмотров видео: 8)

Ҷаҳон бо Диего Марадона видоъ мекунад: навори маросими хайрбод

236
Дар Буэнос - Айрос маросими видоъ бо ситораи ҷаҳонии футбол Диего Марадона, ки дар синни 60 - солагӣ ҷаҳонро падруд гуфт, баргузор мегардад

Ҷасади футболбози ҷаҳониро ба қасри президенти Аргентина интиқол доданд ва садҳо нафар ҳаводорони ҳунари Марадона дар интизори видоъ бо ӯ қарор доранд.

Гуфта мешавад, аз соати 6 - и субҳ ҳукумат барои тамоми хоҳишмандони видоъ бо Диего Марадона роҳро боз намуданд. Интизор меравад, ба маросими хайрбодӣ миллионҳо нафар ҳаводорони ситораи футбол ҳузур пайдо кунанд.

Зимнан, кишвардори Аргентина дар робита ба марги Диего Марадона дар сартосари кишвар мотами серӯза эълон кард.

Хабари марги Марадона бегоҳи рӯзи 25 - уми ноябр дар сархати расонаҳои хабарӣ пайдо шуд. Хабаргузории TN иттилоъ дод, ки Марадона чанде пеш ҷарроҳии фаврӣ паси сар карда буд.

Марадона дунёро падруд гуфт: ӯ чигуна дар хотироти мо боқӣ хоҳад монд - акс

Рӯзномаи Perfil сабаби марги ситораи ҷаҳониро, аз тапидан бозмондани қалбаш рабт дод. Ин манбаъ меафзояд, ки фишори хуни Марадона ба якборагӣ пас шуд ва пизишкони Ёрии таъҷилӣ натавонистанд ӯро аз чанголи марг раҳонанд.

Бозии охирони Марадона бо тими "Ривер Плейта" санаи 25 октябри соли 1997 сурат гирифта буд. Пас аз ин бозӣ, санаи 30- юми октябр ситораи футбол аз анҷоми "карера"- и худ хабар дод.

Ӯ аз соли 2008 то 2010 мураббии тими миллии Аргентина буд.

236
Барчаспҳо:
навор, маросими видоъ, Диего Марадона

“Дасти Худо” ва беҳтарин голи асри 20: ёде аз Марадона - навор

233
(Таҷдидшуда 14:47 26.11.2020)
Номвартарин ситораи ҷаҳонии футбол, қаҳрамони ҷаҳон дар соли 1986, Диего Марадонаи 61- сола аз олам гузашт

Марадона бо тими миллии Аргентина дар соли 1986 қаҳрамони ҷаҳон шуда буд. Намоиши Марадона дар он ҷоми ҷаҳонӣ яке аз хотирмонтарин лаҳзаҳои таърихи футболро рақам зад, ба хусус ду голе, ки ба тими миллии Англия ворид карда буд.

Марадона дар он мусобиқа як голро бо даст вориди дарвозаи ҳариф кард, ки бо “Дасти Худо” маъруф шуд. Голи дуввуми Марадона, ки пас аз иҳота кардани бисёре аз бозингарони Англия ба дарвоза расид, ба эътиқоди бисёре аз алоқамандони футбол зеботарин голи ҷоми ҷаҳонӣ аст. Ин гол беҳтарин голи асри 20 дониста шуд.

Марадона дар тимҳои мухталифе монанди “Барселона” ва “Наполи” бозӣ кардааст.

Муввафақтарин даврони варзишии ӯ дар бошгоҳи “Наполи” буд, ки ҳамроҳ бо ин тим қаҳрамони Итолиё ва Аврупо шуд. 

Диего Марадона пас аз анҷоми даврони бозӣ ба мураббигӣ рӯ овард, аммо натавонист дар ин роҳ муваффақ шавад. Охирин ҳузури Марадона ба унвони мураббӣ рӯи тими “Химнасия ва Эксгрима” аз Ла-Платаи Аргентина буд.

Марадона дунёро падруд гуфт: ӯ чигуна дар хотироти мо боқӣ хоҳад монд - акс

Ҳамчунин ӯ соли 2008 ба муддати ду сол сармураббии тими милли Аргетина низ буд ва ин тимро ба як чаҳоруми ниҳоии ҷоми ҷаҳон дар соли 2010 дар Африқои ҷанубӣ расонд.

233
Барчаспҳо:
даргузашт, Аргентина, Марадона
Эмомалӣ Раҳмон, раисиҷумҳури Тоҷикистон ва Надим Раза, сардори Ситоди артиши Покистон

Мулоқоти Раҳмон бо генерал Надим Раза

0
(Таҷдидшуда 19:04 26.11.2020)
Эмомалӣ Раҳмон, раисиҷумҳури Тоҷикистон, бо сардори Ситоди муттаҳидаи Артиши Ҷумҳурии Исломии Покистон генерал Надим Раза мулоқот кард

ДУШАНБЕ, 26 ноя – Sputnik. Тибқи иттилои котиботи раисиҷумҳур, зимни мулоқот вазъ ва дурнамои муносибатҳои дӯстона ва ҳамкориҳои гуногунҷанбаи Тоҷикистону Покистон мавриди баррасӣ қарор дода шуд.

Таъкид шудааст, ки робитаҳои феълии Тоҷикистон ва Покистон фарогири соҳаҳои сиёсӣ, тиҷорату иқтисод, фарҳанг, илм, маориф, амният ва дигар арсаҳои мавриди таваҷҷуҳи тарафайн буда, бо назардошти имконияти мавҷуда, ба рушду густариши онҳо таваҷҷуҳи зиёд зоҳир карда мешавад.

Манбаъ афзуд, Эмомалӣ Раҳмон изҳор дошт, ки Тоҷикистону Покистон нисбати аксари масъалаҳои умдаи минтақавию ҷаҳонӣ мавқеи ба ҳам наздик доранд ва ин мавқеъгириҳо имкон медиҳад, ки ду давлат дар ҳамоҳангӣ ба ҳалли мушкилоти минтақавию байналмилалӣ мусоидат намоянд.

Мулоқоти Раҳмон бо Халилзод, аз ҳамкорӣ то музокироти сулҳи байниафғонӣ

“Дар мулоқот муҳимияти тақвияти ҳамкориҳои амниятӣ ва мудофиавӣ дар мубориза бар зидди терроризм, ифротгароӣ, истеҳсол ва гардиши ғайриқонунии маводи мухаддир, ҷинояткории фаромиллӣ ва мусоидат ба таҳкими сулҳу субот дар Афғонистон таъкид гардида, доир ба ҳолати кунунӣ ва дурнамои вазъи минтақа ва ҷаҳон дар давраи паҳншавии бемории сироятии коронавирус ва дигар мавзӯъҳои мавриди таваҷҷуҳ табодули афкор сурат гирифт”, - омадааст дар иттилоия.

0
Барчаспҳо:
генерал, Русия, Тоҷикистон