Лутфан, росташро гӯед: рӯзноманигорон ба Пашинян чанд суоли "хиҷолаткунанда" доданд

338
(Таҷдидшуда 13:56 15.11.2020)
Рӯзноманигорони рус Маргарита Симонян ва Роман Бабян аз сарвазири Арманистон дар бораи таниш дар Ҷумҳурии эътирофнашудаи Қарабоғи Кӯҳӣ чанд суоли хиҷолатомез пурсиданд

Дар рафти барномаи телевизионӣ дар НТВ сармуҳаррири радиои "Говорит Москва" Роман Бабаян аз сарвазири Арманистон Никол Пашинян хоҳиш кард, ки ба чор суол посух гӯяд.

Рӯзноманигор қайд кард, ки ӯ дар бораи ин қазия маълумоти зиёд дорад, барои ҳамин посухи дурӯғро дарҳол ҳис мекунад. Ӯ хоҳиш кардааст, ки Пашинян росташро гӯяд.

"Савол чунин аст: рост аст, ки Русия қариб аз рӯзҳои аввали ин ҷанг ба шумо шаклҳои гуногуни ба эътидол овардани вазъ ва хело роҳҳои беҳтарашро, на онҳое ки ҳоло ҳастанд, балки хело беҳтарашро пешниҳод карда буд? Ва шумо ҳар дафъа бодиққат гӯш мекардеду сипас қабул намекардед?", - пурсид, вай.

Бабаян ҳамчунин пурсидааст, ки оё дар ҳақиқат ҳангоми муқовимат дар ҳаҷми хело бузург кӯмак пешниҳод шуда буд, аммо ӯ дарҳол рад кард.

Рӯзноманигор боз пурсидааст, ки оё маълумот дар бораи нишастани даҳҳо ҳавопаймои ҳарбии Русия дар аэродромҳои Арманистон рост аст.

"Рост аст, ки шумо ҳамон системаи силоҳҳоро, ки дархост карда будед, дастрас намудед? Шумо шахсан пурсида будед ва гирифтед?", - пурсидааст дар анҷом вай.

Ба қавли рӯзноманигор пас аз посухҳои Пашинян маълум мешавад, ки оё метавонад ҳодисаҳои имрӯзро ба дӯш гирад ва кишварро роҳбарӣ кунад.

"Ба ин саволҳо фақат росташро гӯед. Агар не, ман чунон саволе дорам, ки дигар шумо дурӯғ гуфта наметавонед", - таъкид кардааст Бабян.

Пас аз ин сармуҳаррири агентии иттилооти "Россия сегодня" ва RT Маргарита Симонян муроҷиат кардааст. 

Вай пурсидааст, оё рост аст, ки сустии қабули қарори Қарабоғи Кӯҳӣ ва амалиёти ҷангӣ бо гуфтушунидҳои Пашинян бо ҳамтоёни амрикоиаш робита дошт.

"Рост аст, ки ин гуфтушунидҳо ва гуфтушунидкунандаҳои шумову сустии шумо ва номуайянии шумо ва кӯшиши нишастан дар ду курсӣ  ба оне расид, ки расидем?", - пурсидааст Симонян.

Пашинян аз ҷанг дар Қаробоғ ва натиҷаҳои он - видео

Ёдрас мешавем, шаби 10 ноябр Русия, Арманистон ва Озарбойҷон изҳороти муштарак имзо карданд, ки дар Қарабоғи Кӯҳӣ ҳама гуна амалиёти ҷангӣ ба анҷом мерасад. Мувофиқи он, як қатор ҳудудҳо ба Озарбойҷон мегузаранд ва Ереван чанд тои дигарашонро холӣ мекунад.

 

338

Автомобил ба ҷои дастаи сарбозон: "Терминаторҳо" ба майдони ҷанг баромаданд - навор

74
(Таҷдидшуда 20:59 03.12.2020)
Вазорати мудофиаи Русия навори озмоиши мошинҳои ҷангии уникалии "Терминатор"-ро, ки метавонад ду автомобили ҷангии пиёданизом ва як дастаи туфанги моториро иваз кунад, нашр кард

Танкронҳои Округи марказии ҳарбӣ ба омӯзиши мошинҳои ҳарбии уникалии "Терминатор" оғоз карданд, хабар медиҳад дафтари матбуоти Вазорати мудофиаи Русия.

Автомобилҳо дорои хусусияти баланди тезҳаракатӣ буда, бо таҷҳизоти муосири контроли оташ таъмин гаштаанд.

Мошинҳои "Терминатор" метавонанд танк ва худравҳои ҷангии пиёданизом, ҳавопаймо ва чархболҳоро маҳбут кунанд.

Чунин як худрав метавонад ду автомобили ҷангии пиёданизом ва як дастаи туфанги моториро иваз кунад.

Коршиносон таъкид мекунанд, ки озмоиши бомуваффақияти "Терминаторҳо" имконият медиҳад, ки онҳоро ба ҷангафзор шомил карда, қатъан қудрати ҷангии нерӯҳои танкҳои Русияро тақвият бахшанд.

Силоҳи Русия: натиҷаҳои аввалияи соли 2020

Пештар фармондеҳи қӯшунҳои Округи марказии ҳарбии Русия генерал-полковник Александр Лапин дар бораи расидани ҳашт махзани пуштибонии ҷаганда барои озмоиш дар дивизияи танкӣ, ки дар вилояти Челябинск қарор дорад, гуфта буд.

Қайд карда мешавад, ки истифодаи "Терминаторҳо" мӯҳлати хидмати танкҳоро бештар мекунад ва имконияти онҳоро фарохтар мегардонад.

 

74
Барчаспҳо:
навор, автомобил

Раҳмон: мо бо нигаронӣ вазъи Афғонистонро пайгирӣ мекунем - навор

83
(Таҷдидшуда 19:53 03.12.2020)
Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд

Эмомалӣ Раҳмон, раисҷумҳури Тоҷикистон дар нишасти СААД аз вазъи Афғонистон гуфт.

Кишвардори Тоҷикистон зикр кард, ки дар баробари ин, таҳдидҳои ҷаҳонии терроризм, ифротгароӣ, инчунин, шаклҳои гуногуни тундгароӣ ва ҷинояткории муташаккили фаромиллӣ бо шумули гардиши ғайриқонунии маводи мухаддир, тамоюли болоравиро доранд.

“Нерӯҳои мухталифи террористиву ифротгаро аз ниятҳои харобиовари худ даст накашидаанд ва дар минтақаҳои гуногуни ҷаҳон, аз ҷумла бевосита дар наздикии мавзеи масъулияти СААД, фаъолона амалҳои худро идома медиҳанд”, - қайд кард Эмомалӣ Раҳмон.
Вай афзуд, ки Тоҷикистон бо нигаронӣ раванди ташвишовари вазъият дар Афғонистонро, аз ҷумла дар минтақаҳои шимоливу шарқии он, пайгирӣ менамояд.

Ба дасти Толибон супориданд: Амрико Афғонистонро тарк мекунад

Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд.

Ҳамзамон вай таъкид дошт, ки дар пасманзари вазъияти муташанниҷи имрӯза дар ҷаҳон аҳамияти тақвият бахшидан ба иқтидори СААД барои муқовимати самарабахш ба хатару таҳдидҳои амниятӣ дучанд меафзояд.

Инчунин Эмомалӣ Раҳмон қайд кард, ки пас аз ҷаласаи имрӯза вазифаҳои раёсат дар СААД ба Тоҷикистон мегузаранд.

83
Барчаспҳо:
навор, нигаронӣ, Афғонистон, Эмомалӣ Раҳмон
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

1059
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

1059