Роҳ ба сӯи зиндагии ором: сулҳбонони рус долони Лочинро аз минаҳо пок карданд

83
(Таҷдидшуда 18:35 19.11.2020)
Нерӯҳои сулҳбонони рус пурра долони Лочин ва қисмҳои роҳ ба сӯи Степанакерт –пойтахти напазируфтаи Қарабоғи Кӯҳӣро аз минаҳо пок карданд. Онҳо ҳамчунин нуқтаи назоратӣ дар наздикии шаҳри Шуша таъсис доданд

Ин иқдом ҳаракати мошинҳо дар роҳи долони Лочин имконпазир кард. Аввалин мошинҳо алакай дар ин роҳ ҳаракатро шурӯъ карданд. Дар ояндаи наздик интизор меравад тавассути ин роҳ муҳоҷирон ба хонаҳои худ баргарданд.

Вазъ дар Қарабоғи Кӯҳӣ дар охири моҳи сентябр шиддат гирифт. 9 ноябр миёни роҳбарони Русия Озарбойҷон ва Арманистон созишнома дар бораи оташбас дар минтақа ба имзо расид.

Сулҳбонони Русия дар Қарабоғ дар ҳошияи созишномаи имзокардаи Русия, Арманистон ва Озарбойҷон қарор доранд. Ба ин минтақа,

Русия ҳудуди 2 ҳазор низомияшро ирсол кардааст. Мувофиқи созиш сулҳбонони Русия дар минтақа 5 сол мемонанд ва пас аз он истиқрорашонро автоматӣ тамдид мекунанд.

83
Барчаспҳо:
мина, сулҳ, Қарабоғи Кӯҳӣ, Арманистон, Озарбойҷон, Русия
(24:59 / 206.66Mb / )

Лавров нишасти СААД - ро натиҷагирӣ кард - навор

23
(Таҷдидшуда 15:02 02.12.2020)
Рӯзи 1 декабр вазири корҳои хориҷии Русия Сергей Лавров нишасти матбуотӣ баргузор карда, ҷаласаи Шӯрои вазирони корҳои хориҷӣ ва Шӯрои вазирони мудофиаи Созмони Аҳдномаи Амнияти Дастаҷамъӣ (СААД) - ро натиҷагирӣ кард

Қаблан Шӯрои вазирони дифоъи кишварҳои узви СААД як қатор лоиҳаҳо ва санадҳои марбут ба таъмини нерӯҳои дастаҷамъии созмон, фаъолияти сулҳҷӯёна ва омӯзиши кадрҳоро баррасӣ ва тасвиб карданд.

Суханронии Владимир Путин дар нишасти СААД - пахши мустақим

Ҳамин тариқ, СААД қарор кард, ки ҳуҷҷатҳои нақшаи ҷойгиркунии фаврии нерӯҳои вокуниши сареъро бо назардошти вазъи кунунӣ таҷдид назар кунад.

Эмомалӣ Раҳмон дар нишасти СПАД ширкат мекунад

23
Барчаспҳо:
натиҷагирӣ, нишаст, Сергей Лавров, Русия
(48:33 / 783.71Mb / просмотров видео: 8)

Суханронии Владимир Путин дар нишасти СААД - пахши мустақим анҷом ёфт

156
(Таҷдидшуда 15:50 02.12.2020)
Президенти Русия, Владимир Путин дар нишасти Созмони Аҳдномаи Амнияти Дастаҷамъӣ ширкат ва суханронӣ мекунад

Тоҷикистонро дар ин нишаст президенти кишвар, Эмомалӣ Раҳмон намояндагӣ менамояд. Соли 2021 Тоҷикистон раисии СААД - ро бар дӯш мегирад.

Интизор меравад, ки дар навбати аввал Тоҷикистон масъалаи таҳкими амният дар минтақа ва вазъият дар марзи Тоҷикистону Афғонистонро баррасӣ мекунад.

Эмомалӣ Раҳмон дар нишасти СПАД ширкат мекунад

Ҳамчунин ҷонибҳо масъалаи баргузории тамриноти муштараки низомиро, ки соли 2021 дар Тоҷикистон баргузор хоҳад шуд, баррасӣ мекунанд.

Дар ин нишаст президенти Белорус Александр Лукашенко, кишвардори Қазоқистон Қосим - Ҷомарт Тоқаев, иҷрокунандаи вазифаи президенти Қирғизистон Талант Мамитов, сарвазири Арманистон Никол Пашинян ва дабири кулли СПАД Станислав Зас ширкат мекунанд.

156
Барчаспҳо:
нишаст, сарони кишварҳои аъзои СААД, Владимир Путин, Русия

Муаррифии ваксинаи "Sputnik V" –и Русия дар СММ

0
(Таҷдидшуда 17:21 02.12.2020)
Федератсияи Русия аз нахустин кишварҳои созандаи ваксинаи зидди коронавирус дастовардашро дар СММ муаррифӣ мекунад

ДУШАНБЕ, 2 дек – Sputnik. Имрӯз дар Созмони Милали Муттаҳид намояндагии доимии Русия дар ин созмон ва Вазорати тандурустӣ ваксинаи Sputnik V-ро муаррифӣ мекунанд.

"Дар чорабинӣ роҳбари Вазорати тандурустии Федератсияи Русия Михаил Мурашко, намояндаи доимии Русия дар СММ Василий Небензя, роҳбари Фонди сармоягузории мустақими Русия (РФПИ) Кирилл Дмитриев ширкат меварзанд",-хабар медиҳад, РИА Новости аз қавли сухангӯи намояндагии доимӣ Фёдор Стржижовский.

Номбурда гуфтааст, ки чорабинии маҷозии "Sputnik V: Ваксинаи зидди COVID-19" дар ҳошияи иҷлосияи махсуси Ассамблеяи Генералии СММ баргузор мешавад.

Манбаъ мегӯяд, дар ин нишаст дар бораи ваксинаи сохти Русия маълумоти муфассал дода мешавад.

Моҳи август Вазорати тандурустии Русия нахустин ваксини зидди коронавирус дар ҷаҳонро ба қайд гирифт, ки онро Маркази илмиву тадқиқотии эпедидемиологӣ ва микробиологии ба номи Гамалеи якҷо бо Бунёди маблағгузориҳои мустақими Русия коркард кардааст. Ба он номи "Спутник V"-ро доданд. Доруро дар ду марҳила бо фосилаи се ҳафта мегузаронанд. 

Навбат барои дарёфти ваксинаи Русия: Урупо бойкот мекунад - видео

Гуфта мешавад, ваксина аз санҷиш пурра гузашта, афзалиятҳои асосии он, бехатарӣ, самаранокӣ ва набудани оқибатҳои манфии дарозмуддат мебошанд.

Путин дар бораи 2 ваксинаи русии зидди COVID-19: сеюмаш дар ҳоли омодашавист

Ёдовар мешавем қаблан раисиҷумҳури Русия гуфт, ҳамзамон ваксинаи дуввуми Русия низ омода шуда, сеюмаш дар роҳ аст.

0
Барчаспҳо:
вируси корона, дору, СММ, Русия