Нашри навори тамрини низомиёни Русия дар Тоҷикистон - видео

158
(Таҷдидшуда 20:06 20.11.2020)
Вазорати мудофиаи Русия навори тирпаронии артиллериро дар размоишгоҳҳои Лоҳур ва Самбулӣ нашр кардааст

Соли 2020 тирандозони пойгоҳи низомии 201-уми Русия дар Тоҷикистон беш аз ҳазор ҳадафро мавриди оташкушоӣ қарор доданд, хабар дод котиботи Ҳавзаи марказии низомии Русия.

Таъкид шудааст, ки тамринҳо дар майдонҳои Лоҳур ва Самбулӣ баргузор шудаанд. Дар навори нашршуда тирандозон расидан ба ҳадаф дар шароити гуногунро тамрин мекунанд.

Аз ҷумла низомиёнро зарур буд, ки бо истифодаи ҳавопаймоҳои бехалабон ва техникаҳои артиллерию иктишофӣ дар як муддати маҳдуд аз уҳдаи иҷрои вазифа бароянд.

Бештари размоишҳо шабона гузаронда шуданд. Тамринот дар чунин шароит барои беҳтар кардани малакаи тирандозӣ баргузор шуданд. Аз ҷумла 50 дарсади амалиёт дар вақти торикӣ роҳандозӣ гардиданд.

Дар маҷмуъ тирандозҳо беш аз 100 размоиши тактикии тирандозӣ ва идораи оташи артиллериро тамрин кардаанд.

Маврид ба зикр аст, ки аз 20 то 28 ноябр дар размоишгоҳҳо дар Тоҷикистон тамриноти муштараки низомиёни Русия ва Тоҷикистон дар се марҳила баргузор мешаванд.

Зимни размоиш такмили малакаи ҳифзи иншооти муҳиму стратегӣ, ҳамла алайҳи гуруҳҳои ғайриқонунии мусаллаҳ, иҳотагирӣ ва оташкушоии маҷмӯӣ дар назар аст.

158
Барчаспҳо:
размоиш, тамрин, Русия-Тоҷикистон

Автомобил ба ҷои дастаи сарбозон: "Терминаторҳо" ба майдони ҷанг баромаданд - навор

174
(Таҷдидшуда 20:59 03.12.2020)
Вазорати мудофиаи Русия навори озмоиши мошинҳои ҷангии уникалии "Терминатор"-ро, ки метавонад ду автомобили ҷангии пиёданизом ва як дастаи туфанги моториро иваз кунад, нашр кард

Танкронҳои Округи марказии ҳарбӣ ба омӯзиши мошинҳои ҳарбии уникалии "Терминатор" оғоз карданд, хабар медиҳад дафтари матбуоти Вазорати мудофиаи Русия.

Автомобилҳо дорои хусусияти баланди тезҳаракатӣ буда, бо таҷҳизоти муосири контроли оташ таъмин гаштаанд.

Мошинҳои "Терминатор" метавонанд танк ва худравҳои ҷангии пиёданизом, ҳавопаймо ва чархболҳоро маҳбут кунанд.

Чунин як худрав метавонад ду автомобили ҷангии пиёданизом ва як дастаи туфанги моториро иваз кунад.

Коршиносон таъкид мекунанд, ки озмоиши бомуваффақияти "Терминаторҳо" имконият медиҳад, ки онҳоро ба ҷангафзор шомил карда, қатъан қудрати ҷангии нерӯҳои танкҳои Русияро тақвият бахшанд.

Силоҳи Русия: натиҷаҳои аввалияи соли 2020

Пештар фармондеҳи қӯшунҳои Округи марказии ҳарбии Русия генерал-полковник Александр Лапин дар бораи расидани ҳашт махзани пуштибонии ҷаганда барои озмоиш дар дивизияи танкӣ, ки дар вилояти Челябинск қарор дорад, гуфта буд.

Қайд карда мешавад, ки истифодаи "Терминаторҳо" мӯҳлати хидмати танкҳоро бештар мекунад ва имконияти онҳоро фарохтар мегардонад.

 

174
Барчаспҳо:
навор, автомобил

Раҳмон: мо бо нигаронӣ вазъи Афғонистонро пайгирӣ мекунем - навор

94
(Таҷдидшуда 19:53 03.12.2020)
Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд

Эмомалӣ Раҳмон, раисҷумҳури Тоҷикистон дар нишасти СААД аз вазъи Афғонистон гуфт.

Кишвардори Тоҷикистон зикр кард, ки дар баробари ин, таҳдидҳои ҷаҳонии терроризм, ифротгароӣ, инчунин, шаклҳои гуногуни тундгароӣ ва ҷинояткории муташаккили фаромиллӣ бо шумули гардиши ғайриқонунии маводи мухаддир, тамоюли болоравиро доранд.

“Нерӯҳои мухталифи террористиву ифротгаро аз ниятҳои харобиовари худ даст накашидаанд ва дар минтақаҳои гуногуни ҷаҳон, аз ҷумла бевосита дар наздикии мавзеи масъулияти СААД, фаъолона амалҳои худро идома медиҳанд”, - қайд кард Эмомалӣ Раҳмон.
Вай афзуд, ки Тоҷикистон бо нигаронӣ раванди ташвишовари вазъият дар Афғонистонро, аз ҷумла дар минтақаҳои шимоливу шарқии он, пайгирӣ менамояд.

Ба дасти Толибон супориданд: Амрико Афғонистонро тарк мекунад

Роҳбари давлат гуфт, чунин вазъият аз мо аксуламалҳои саривақтии ҳамаҷонибаро, аз ҷумла тавассути андешидани чораҳои зарурӣ ҷиҳати таҳкими ҳифзи сарҳадоти ҷанубии СААД, тақозо менамояд.

Ҳамзамон вай таъкид дошт, ки дар пасманзари вазъияти муташанниҷи имрӯза дар ҷаҳон аҳамияти тақвият бахшидан ба иқтидори СААД барои муқовимати самарабахш ба хатару таҳдидҳои амниятӣ дучанд меафзояд.

Инчунин Эмомалӣ Раҳмон қайд кард, ки пас аз ҷаласаи имрӯза вазифаҳои раёсат дар СААД ба Тоҷикистон мегузаранд.

94
Барчаспҳо:
навор, нигаронӣ, Афғонистон, Эмомалӣ Раҳмон
Денежные купюры.

Ҷаҳиши қурби рублу евро дар Тоҷикистон: Бонки миллӣ арзиши асъори хориҷиро ълон кард

0
(Таҷдидшуда 01:24 04.12.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз, 4-уми декабр эълон кард

ДУШАНБЕ, 3 дек — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1483 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3000 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.7397 то 13.6000 сомонӣ арзёбӣ кардааст.

Хариду фурӯши 1 рублро бошад, Бонки миллӣ имрӯз аз 0.1503 то 0.1494 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" хариду фурӯши 1 рублро имрӯз аз 0,1500 то 0,1520 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1500 то 0.1530 ва дар "Алифбонк", 1 рубл аз 0,1500 то 0,1530 сомонӣ нишон дода шудааст.

Дурнамои норушан: долларро дар охири соли 2020 чӣ интизор аст

 

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

0