Ба дасти Толибон супориданд: Амрико Афғонистонро тарк мекунад

252
(Таҷдидшуда 18:45 01.12.2020)
Амрико аз рӯзи имзои созишнома бо ҷунбиши Толибон (мамнӯъ дар қаламрави Русия) дар Афғонистон беш аз 10 пойгоҳҳои низомии худро бастанд

Дар ин бора нашрияи The Washington Post дар истинод ба мақомдорони амрикоиву афғоне, ки номашон зикр нашудааст, хабар доданд. Амрико ва “Толибон” моҳи феврали соли 2020 созишномаи таърихиеро ба имзо расониданд.

Тибқи яке аз бандҳои ин созишнома нирӯҳои Амрико бояд дар давоми 14 моҳ Афғонистонро пурра тарк кунанд. Қаблан раисҷумшҳури Амрико Доналд Трамп хабар дода буд, ки Амрико теъдоди пойгоҳҳои низомиашро дар Афғонистон ба маротиб коҳиш хоҳад дод.

Тибқи иттилои мақомдорони расмӣ то миёнаи моҳи январ шумори нирӯҳои амрикоӣ дар Афғонистон аз 5000 то 2500 ҳазор нафар расонида мешавад.  

Толибон дар ивази он, дар бахши амниятӣ ба Амрико ваъдаҳои хос дода, ба оғози гуфтугӯҳои байнулафғонӣ розӣ шудаанд.

Доналд Трамп, раисҷумҳури Амрико дар изҳороти гуфта буд, ки "пас аз хуруҷи нирӯҳои амрикоӣ аз Афғонистон, мумкин аст, Толибон ба ҳукумати Кобул пирӯз шаванд ва қудратро ба даст гиранд". Доналд Трамп ин суханонро рӯзи 6-уми март дар Кохи Сафед ба хабарнигорон баён кард.

Ӯ дар идома гуфт, "дар ниҳоят, кишварҳо худ бояд ғами худро хӯранд. Мо наметавонем бист соли дигар дар он ҷо монем. Бист сол дар онҷо будем ва аз он кишвар ҳимоят кардем. Наметавонем 20 соли дигар дар онҷо бошем. Дар ниҳоят, онҳо бояд аз худ дифоъ кунанд. Мо бояд ба кори кишвари худ ҳам бирасем".

252
Барчаспҳо:
баста, пойгоҳҳои низомӣ, Толибон, Амрико, Афғонистон

Эмгузаронии оммавӣ алайҳи COVID-19 дар Русия оғоз мешавад-навор

95
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

95
Барчаспҳо:
вируси корона, беморӣ, навор, Русия, Русия

Нахустин дар соли 2021: машқи чархболҳои Русия дар куҳистони Тоҷикистон

108
(Таҷдидшуда 20:23 15.01.2021)
Халабонҳои чархболҳои пойгоҳи низомии 201-уми Русия дар Тоҷикистон нахустин бор дар соли равон парвозҳои тамриниро дар куҳҳо анҷом доданд

Дар размоишҳо чархболҳои ҷангии Ми-24 ва Ми-8-и пойгоҳи низомии Русия дар Тоҷикистон иштирок карданд.

Ҳайати халабонҳо ҳаракатҳои парвозҳои ҷуфтиро тамрин намудаанд.

Ин нахустин машқи халабонҳо дар соли нави 2021 мебошад. Зимни размоишҳо халабонҳо беш аз 10 вазифаи ҷангиро иҷро намуданд.

Яке аз вазифаҳо ошкор кардани ҳадафҳои пинҳонкардашуда дар шароити куҳистон буд.

Соли 2020 халабонҳои пойгоҳи низомии 201-ум мунтазам парвозҳои тамриниро анҷом медоданд.

Аз ҷумла соли гузашта низомиёни Русия дар беш аз 10 парвозҳои тактикӣ машқ карданд. Беш аз 30 машқи ҷанги ҳавоӣ гузаронда, ҳамлаи ҳавоии ҳарифи шартиро гардонданд. Панҷяки тамринҳо дар вақти шабона гузаронда мешуданд.

108
Барчаспҳо:
пойгоҳ, Русия, тамрин, чархбол, Тоҷикистон
Муин Гафуров. Архивное фото

Набарди дидании "Тоҷик": пирӯзии Муин Ғафуров бар Уолтери Коста-Рикӣ-видео

0
(Таҷдидшуда 09:41 16.01.2021)
Муин Ғафуров бо тахаллуси "Тоҷик" пас аз чанд муддати дур будан аз майдон бо бозгашташ намояндаи Коста-Рика Уолтер Замораро мағлуб кард

ДУШАНБЕ, 16 янв – Sputnik. Муҳорибаи ахири “Тоҷик”шоми гузашта  соати 19:00 бо вақти Душанбе дар шаҳри Абу-Даби Илоёти Мутаҳидаи Араб дар Ҷиу Ҷитсу арена доир гашт.

Вазишкори тоҷик дар ин муҳориба пешсаф буд ва аз худ маҳорати баланд нишон дод. Бо ҳамалоти пай дар пайи ва шадид то охири бозӣ инони рақобатро дар даст дошт ва холҳои бештарро соҳиб шуд.

Дар охир бо қарори доварон Муин Ғафуров ғолиб дониста шуд.

Муин Ғафуров варзишгари ҷавон ва серҷоизатарин миёни варзишкорони кишвар дар ин намуди вазриш мебошад.

Ӯ ҳамагӣ 25 сол дорад, аммо дар ин синну сол ба чандин мукофоту ҷоизаҳо сарфароз гардида, рақобатҳои сатҳи ҷаҳониро ба нафъи худ анҷом додааст.

Муин қаҳрамони ҷаҳон дар риштаи самбои ҳарбӣ (WCSF), қаҳрамон ҷаҳон оид ба  грепплинг (FILA), қаҳрамони ҷаҳон аз рӯи MMA (WKA) мебошад.

Вай ҳамчунин барандаи унвони Устоди варзиши самбои ҳарбӣ низ ҳаст.

Ғафуров тайи солҳои ахир талош дорад, ки ба бузургтарин майдони рақобатҳои UFC шомил шавад, аммо то кунун бенатиҷа буданд.

0