Чӣ гуна Русия “Маҷрои шимол-2”-ро наҷот медиҳад - видео

212
(Таҷдидшуда 20:35 08.12.2020)
Киштии русии “Академик Черский” ба қитъаи нотамоми лӯлаи гази “Маҷрои шимол-2” расид. Қаблан ба ҷониби лӯлаи газ киштии лӯлагузори “Фортуна” равона шуда буд

Гуфта мешавад, ки ҳарду киштӣ метавонанд “Маҷрои шимол-2”-ро созанд, чун сохтмони лӯлаи газ феълан дар марҳилаи ниҳоист.

Гази Русия ба Аврупо бо ду хат тариқи Баҳри Балтика мерасад, аз ҷумла ба Олмон ва дигар кишварҳои аврупоӣ. Аммо ин лоиҳа ба далели таҳримоти ИМА дучори мушкил шуда, иштирокдорони лоиҳа мавриди фишори таҳримҳо қарор гирифтаанд.

Гуфта мешавад, ки лӯлаи мазкур ба Вашингтон барои фурӯши гази моеъаш ба Аврупо халал мерасонад, бинобар ин сохтмони лӯларо амрикоиҳо бо фишору таҳримот қатъ карданиянд.

Мисол, сафорати ИМА дар Берлин аз ИА ва Олмон даъват кард, ки “Маҷрои шимол-2”-ро таҳрим кунанд.

Маскав ба ин даъват посух дод, ки “лӯлаи Русия, кай ва ба куҷое нараваду бар асоси кадом созишномаҳое асоснок нашавад, даҳсолаҳо вокуниши якмароми ИМА-ро дар пай дорад, - зӯроварии сиёсӣ ва мухолифати ғайриқонунӣ”.

Иштирокдорони лоиҳа инчунин таҳримоти ИМА алайҳи “Маҷрои шимол-2”-ро танқид доранд.

Аврупоиҳои қаторӣ низ амали ИМА-ро дахолат меноманд. Аз ҷумла СНХ Кристиан Эрб, сокин ва сиёсатмадори шаҳри Саснитс гуфт, ин тиҷорат аст, ки Русия ва Олмон аз он баҳраманданд.

“Дар мавриди муносиботи байналмилалӣ, ин чизи муқаррарӣ аст, ки ҳар кас мехоҳад маҳсулоти худро ба гунаи беҳтарин фурӯшад, фарқ надорад, он газ аст, нафт ё халтаи биринҷ. Бояд ба шарикон иҷозат дода шавад, ки тибқи созишҳои худ амал кунанд. Фикр мекунам, ки дахолати берунӣ, махсусан аз ҷониби ИМА ин ҷо зиёдатист”, - таъкид кард сиёсатмадор.

Дар иддаояш ИМА пайваста ҳимоят аз манофеи аврупоиро баҳона меорад ва дар зимн намегӯяд, ки гази моеъаш барои аврупоиҳо гаронтар аз гази русӣ хоҳад буд

Иштирокдорони лоиҳа муътақиданд, ки “Маҷрои шимол-2”-ро месозанд ва ҳеч гуна фишори амрикоӣ халал намерасонад.

212
Барчаспҳо:
газ, лӯлаи газ, Русия

Размикори тоҷик варзишгари ӯзбекро мисли кудак латукуб кард видео

1305
(Таҷдидшуда 19:49 02.03.2021)
Як иштибоҳ ва муҳориба барои варзишкори ӯзбек анҷом ёфт: размикори тоҷик Муҳибшо Гулобов ӯро ба накаут равон кард

Боз як муҳорибаи ҷолиб дар турнири "Колизей. Мусобиқиаи Чемпиоҳо" баргузор шуд.

Дар ин мусобиқи варзишкорон аз Русия, Тоҷикистон, Қирғизистон, Арманистон ва Ӯзбекистон иштирок доштанд.

Барои муҳориба ба майдон размикори тоҷик Муҳибшо Гулобов ва варзишкори ӯзбек Нуриддин Ҳазратқулов баромаданд.

Рақобати ин ду варзишкор дар даври аввали мусобиқа анҷом ёфт. Баъд аз иштибоҳи размикори ӯзбек варзишкори тоҷик ӯро ба накаут равон карду сипас мисли кудак латукуб намуд. Ҳамин тавр Муҳибшо Гулобов бар рақиби худ пирӯз шуд. 

Ҳамон лаҳза ки Ҳазратқулов каме таваҷуҳашро гум кард, варзишкори тоҷик чанд зарбаҳои ҳадафнок зад. Варзишкори ӯзбек аз зарбаҳои сахти Муҳибшо ба замин уфтод ва сипас натавонист дубора боло шавад.

1305
Барчаспҳо:
пирӯз, ӯзбекон, размикор, тоҷик

Вулқон дар Индонезия бо таркиши қавӣ хокистарро то панҷ километр пароканда кард - навор

77
(Таҷдидшуда 15:10 02.03.2021)
Дар Интернет аввалин видеои хурӯҷи вулқони Индонезия пайдо шуд, ки муддати тӯлонӣ ҳеҷ гуна фаъолият нишон надод ва хатар эҷод накард

Дар Индонезия вулқони Синабунг абри хокистарро ба масофаҳои зиёди атрофи худ рехт. Кӯҳ сутуни чархзанандаи хокистаррангро ба осмон партофтааст.

Дар Интернет фавран наворҳо аз лаҳзаи хокпошии ин вулқон роҳ ёфт, ки касро ба ҳайрат мегузорад. Абри хокистаранг осмони минтақаҳои аҳолинишинро фаро гирифтааст. Тақрибан 6 киломметр дуртар аз вулқон 12 деҳаи аҳолинишин ҷой гирифтаанд.

Наздиктарин шаҳр ин Каро мебошад. Ҳарчанд хатари вулқон ба сокинони ин  шаҳр намерасад, вале мақомот аз мардум хоҳиш мекунанд, ки ба ҳар сурат эҳтиёткор бошанд.

Тибқи иттилои Маркази вулқоншиносии Индонезия, ин аввалин хурӯҷи бузург аз моҳи августи соли 2020 аст ва дар маҷмӯъ, вулқони Синабунг тақрибан 400 сол боз дар хоб аст.

Чанд ҳафта пеш, вулқоншиносон аллакай ба афзоиши фаъолияти онро пешгӯӣ карданд.

77
Барчаспҳо:
навор, Индонезия
День 3 марта

Зодрӯзи Акашариф Ҷӯраев ва нахустин пирӯзии Майк Тайсон: имрӯзи таърих

0
(Таҷдидшуда 14:30 02.03.2021)
Рӯзи 3 март Рӯзи байналмилалии табиати ёбоӣ, Рӯзи байналмилалии нависанда буда дар Қирғизистон – Рӯзи парчами давлатӣ ва дар Судон – Рӯзи ваҳдати миллӣ мебошад

Рӯзи 3 март дар ҷаҳон чӣ рух дод

Соли 1842 дар ИМА аввалин маротиба дар таърихи ҷаҳон қонун дар бораи танзими меҳнати кӯдакон қабул карда шуд.

День 2 марта
© Sputnik/ Стас Этвеш/ Мария Вишнякова

Соли 1973 Конвенсия оид ба савдои байналмилалии намудҳои ҳайвоноти ваҳшӣ ва набототи ёбоии зери хатари нобудшавӣ қарордошта қабул гардид.

Соли 1987 боксёри машҳури америкоӣ Майк Тайсон аввалин маротиба унвони чемпиони ҷаҳонро ба даст овард.

Соли 1991 дар Латвия ва Эстония раъйпурсии умумихалқӣ баргузор гардид, ки дар он аксарияти аҳолӣ барои баромадан аз ҳайати Иттиҳоди Шӯравӣ овоз доданд.

Рӯзи 3 март дар Тоҷикистон чӣ рух дод

Соли 1992 миёни Ҷумҳурии Тоҷикистон ва Ҷумҳурии Фаронса муносиботи дипломатӣ барқарор карда шуданд.

Соли 2009  Президенти Тоҷикистон Эмомалӣ Раҳмон фармон ба имзо расониданд, ки тибқи он Муассисаи давлатии таълимии «Донишкадаи исломии Тоҷикистон» ба Муассисаи давлатии таълимии «Донишкадаи исломии Тоҷикистон ба номи Имоми Аъзам» тағйири ном кард.

Соли 2010 ФИФА рӯйхати нави раддабандии худро нашр намуд. Дар раддабандии мазкур дастаи мунтахаби Тоҷикистон  20 зина боло рафта, беҳтарин ҳисобида шуд ва мақоми 128-умро ишғол кард.

Соли 2010 дар ноҳияи Ёвон  бо иштироки Эмомалӣ Раҳмон корхонаи саноатии истеҳсоли борхалтаҳо ба кор дароварда шуд, ки дар як сол метавонад то 10 миллион борхалта барои гирифтани орд, ғалла, намак ва дигар ашёи рўзгор истеҳсол намояд.

Соли 2014 дар шаҳри Душанбе ҷаласаи муштараки  навбатии ҳайатҳои ҳукуматии  Ҷумҳурии Тоҷикистон ва Ҷумҳурии Қирғизистон баргузор гардид.

Соли 2017 Эмомалӣ Раҳмон ба муносибати 25-умин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Фаронса ба Президенти ин кишвар Франсуа Жерар Жорж Олланд барқияи табрикӣ ирсол намуд, ки дар он, аз ҷумла, омадааст: "Мо аз он қаноатмандем, ки тӯли ин солҳо муносибатҳои байнидавлатӣ ва ҳамкории гуногунарсаи судманди кишварҳоямон ба таври муассир густариш ёфта, тобишҳои ҷадиду созанда пайдо кардаанд. Тоҷикистон густариши ҳамкориро бо Франсия яке аз самтҳои афзалиятноки сиёсати хориҷии худ медонад".

Ҷашнҳои рӯзи 3 март

  • Рӯзи байналмилалии табиати ёбоӣ.
  • Рӯзи байналмилалии нависанда.
  • Дар Қирғизистон – Рӯзи парчами давлатӣ.
  • Дар Судон – Рӯзи ваҳдати миллӣ.

Рӯзи 3 март дар Тоҷикистон кӣ таваллуд шуд

Соли 1894 — Акашариф Ҷӯраев, ҳофизи мардумии Тоҷикистон. 

Соли 1919 — Александр Усенко, шоири русзабони Тоҷикистон. 

Соли 1940 — Баҳром Сироҷев, собиқадори соҳаи энерджии Русия.

0
Барчаспҳо:
таърих, барои имрӯз, ҷашн, Тоҷикистон
Мавзуъ
Истеҳсоли "Фолксваген" ва шомил шуданиТоҷикистон ба САҲА: имрӯзи таърих
110 сол пеш Тоҷикистонро заминҷунбии шадид ларзонду кӯли Сарез пайдо шуд: имрӯзи таърих
Мавлуди Гул Шералӣ ва ихтирои нахустин лифти электрикӣ: имрӯзи таърих
Дар Украина ҳукм қатл бекор ва дар Тоҷикистон афсарон соҳиби хона шуданд: имрӯзи таърих
Тоҷикистон ба узвияти СММ пайваст: имрӯзи таърих