Сегонаи ҳастаии Русия дар амал видео

192
(Таҷдидшуда 13:52 11.12.2020)
Русия даво барои поин овардаи таби Амрико ва НАТО пайдо кард. Дар Русия машқҳои нирӯҳои мушаки стротежики Русия анҷом ёфт

Нирӯҳои мушакии стротежик, ҳавопаймоҳои дурпарвози мушакбар ва киштиҳои зериобии ҳастаӣ "Карелия" машқҳои муштаракро анҷом доданд.

Артиши Русия 10 дар ин машқҳо мушаки дурбурди стротежикро санҷиш карданд. Зимни машқҳои мазкур омодагии нирӯҳои стротежики Русия санҷида шуд.

Бо ҳамин машқҳо низомиёни Русия ба Амрико ва шариконаш ҳушдор доданд, ки иғвои зиёд алайҳи Русия кадом рӯзе метавонад ба кишварҳои Ғарб хисороти зиёдеро орад.

Идома дар навори мо тамошо кунед.

192
Барчаспҳо:
мушак, НАТО, Амрико, машқ, Русия

COVID, президентии Трамп ва Apple Watch: пешгӯиҳои "Симпсонҳо" - видео

74
Яке аз дарозтарин филмҳои тасвирӣ дар таърихи Иёлоти Муттаҳидаи Амрико натанҳо бо саҳнаҳои ҳаҷвӣ, балкӣ бо пешгӯиҳои худ машҳур аст

Масалан Доналд Трампро ҳанӯз 10 сол пеш дар ин филм ба ҳайси президенти ИМА интихоб карда буданд.

Трампро аз филми "Дар хона танҳо" ҳам хориҷ карданд - навор

Дар ҳамон филм аввалин маротиба соатҳои Apple Watch, чанд чол пеш аз инқилоби "себӣ" пайдо шуда буданд.

Ҳаводорони филми тасвирии "Сипмсонҳо" боз чанд лаҳзаи дигари пешбинишударо дарёфт карданд:

  • ҷароҳати футболбози бразилиягӣ Неймар дар қаҳрамонии ҷаҳон;
  • пайдоиши шахсияти Грета Турберг;
  • вирусе, ки тамоми ҷаҳонро фаро гирифтааст. Дар ин бора дар сериале, ки ҳанӯз соли 1993 наворбардорӣ шудааст, гуфта мешавад. Он замон ин маризӣ "осака -вирус" ном гирифта буд;
  • Камала Харрис дар маросими савгандёдкунии раҳбари нави "Қасри Сафед" - Ҷо Байден.

Дигар пешбиниҳои хонаводаи "Симпсонҳо" - ро дар навори боло тамошо кунед.

74
Барчаспҳо:
вируси корона, Доналд Трамп, ИМА

Навори пирӯзии мутлақи Асрор Воҳидов: рақиби африқоияшро мағлуб кард - видео

134
(Таҷдидшуда 19:45 25.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии "RCC Boxing Promotions" камарбанди WBO (Созмони ҷаҳонии бокс)-ро соҳиб гашт

Ин рақобати нуҳуми Воҳидов буд, ки бидуни шикаст поён ёфт. Мусобиқот шоми 23 январ дар шаҳри Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Ёдовар мешавем, Асроров ахири соли гузашта варзишкори украинӣ Данило Савченко ва қабл аз он Ержан Залилов, муштзани қазоқ, бо лақаби "Ракета"-ро шикаст дод.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

134
Барчаспҳо:
навор, варзишгари тоҷик, пирӯзӣ
Сотрудники полиции недалеко от места теракта в Берлине

Ҳукми зиндони як тоҷик ба ҷурми терроризм дар Олмон

0
(Таҷдидшуда 19:42 26.01.2021)
Парвандаи пурсарусадо ифшои гурӯҳи террористӣ, ки шаҳрвандони Тоҷикистон дар даст доштан ба он гумонбар мешуданд, ба анҷом расид ва ҳукми додгоҳ содир шуд

ДУШАНБЕ, 26 янв — Sputnik. Дар Олмон яке аз аъзои гурӯҳи террористӣ, ки зодагони Тоҷикистон мебошанд, ба 7 соли зиндон маҳкум шуд, менависад Deutsche Welle.

Тибқи маълумоти додгоҳ, маҳкумшуда гуноҳи худро қисман эътироф кардааст ва инчунин аз амалҳои худ пушаймон шуда, иқрор кардааст, ки "аз кардааш сахт пушаймон аст."

Шояд маҳз изҳори пушаймонӣ буд, ки маҳкумшуда аз ҷазои сангинтар раҳоӣ ёфт: додситонӣ  8,5 соли зиндонро талаб карда буд.

Сарнавишти панҷ айбдоршавандаи дигари парванда номаълум боқӣ мондааст. Ҳамаи шаш шаҳрванди Тоҷикистон аъзои яке аз ячейкаҳои ДИИШ мебошанд (як созмони террористии дар Русия мамнӯъ).

Ёдовар мешавем, ки қаблан як зодаи Тоҷикистон дар якҷоягӣ бо дигар шаҳрвандони ҷумҳурӣ як гурӯҳи террористии ДИИШ-ро дар Олмон таъсис дода, дар Аврупо ҳамлаҳои террористӣ омода карда, ба шариконаш кӯмаки молиявӣ мерасонд.

Аз ҷумла, яке аз пешвоёни ДИИШ дар Сурия ба як ҷавони 30-сола дастур додааст, ки дар Олмон алайҳи "кофирон" ҷиҳод оғоз кунад ва ба ӯ амали террористӣ дод.

Раҳмон хостори таҳияи феҳрасти ягонаи созмонҳои террористӣ дар ИДМ шуд

Мувофиқи тафтишот, гурӯҳ инчунин силоҳи ҳастаӣ ва якчанд маҷмӯа барои сохтани бомбаҳо дошт.

Дар рӯйхати ҷиноятҳо инчунин кӯшиши куштор мавҷуд аст. Айбдоршавандаҳо барои куштор дар Албания 40 000 доллар фармоиш қабул карданд. Ду тоҷик барои иҷрои ин супориш ба Албания рафтанд, аммо боздоштшудагон кушторро ба анҷом нарасонданд.

0
Барчаспҳо:
терроризм, Олмон, ҳукм, тоҷикистонӣ