Мария Захарова сиёсати таҳримбандии Амрикоро шарҳ дод: ин як беморист

73
(Таҷдидшуда 12:50 13.12.2020)
Намояндаи расмии вазорати умури хориҷаи Русия Мария Захарова таҳримҳои нави Амрико бар зидди Русияро шарҳ дод

Барои мо аҷиб аст, ки дар шароити мушкили сиёсӣ ва эпидемиологӣ дар Амрико ва ҷаҳон, назаре вуҷуд дорад, ки гӯё Русия дар нақзи ҳуқуқи инсон айбдор дониста мешавад, гуфт Мария Захарова намояндаи расмии Вазорати умури хориҷаи Русия.

“Ба ҷои он ки ба суолҳои мубрами мардуми Амрико, ҷавоб диҳанд, қонунгузорон ба мавзӯе даст мезананд, ки ба онҳо ҳеҷ рабте надорад”, - гуфт Захарова.

Вазорати умури хориҷаи Русия таъкид кардааст, ки ин ҳама эъломияҳои Амрико асос надорад ва дар ин бора ин кишвар ҳатто аз далели ҷиддӣ низ бархурдор нест.

“Маълум аст, ки таҳдиди афсонаӣ аз тарафи Маскав – ин як маҳсулот барои ошхонаи дохилии Амрико аст. Ин як беморӣ аст”, - илова кард Мария Захарова.

Намояндаи Вазорати умури хориҷаи Русия ҳамчунин изҳори умедворӣ кард, ки бемор сиҳат мешавад ва миёни Маскаву Вашингтон гуфтугӯи судманд барои ҳалли мушкилиҳои ҷиддии глобалӣ барқарор мешавад.

73
Барчаспҳо:
сиёсат, таҳрим, Амрико, Русия

Таркиши вулқон дар Италия мардумро ба таҳлука андохтааст - видео

58
(Таҷдидшуда 19:17 20.01.2021)
Мардуми шаҳр хоб мекунанду, вулқони Этна бедор мешавад. Гарчанде сӯзиши вулқон дар навор ҳайбатовар намояд ҳам, коршиносон мегӯянд он ба мардум хатаре надорад

Шаби гузашта вулқони Этна воқеъ дар шарқи соҳили дарёи Ситсилия, аз хоб бедор шуд. 

Сӯзиши вулқон ва хокбод заминларзаеро ба вуҷуд овард. 

Сутуни азиме аз хокистар, ки баландии он чор километр аст, дар болои вулқон ба осмон бархост.

Мақомоти Италия бонги хатар заданд. Аммо, коршиносон, ҳатто бо вуҷуди видеоҳои даҳшатбор ва нооромии мардуми маҳаллӣ, мегӯянд, Этна ҳанӯз барои сокинони ҷазира хатаре надорад.

Этна баландтарин вулқони фаъол дар Урупо ба шумор меравад. Ба ҳисоби миёна, дар давоми се моҳ як маротиба вулқон ба таркиш медарояд. Тақрибан дар 150 сол як маротиба вулқон метавонад ягон деҳаеро хароб кунад.

58
Барчаспҳо:
қасди сӯзиш, Италия

Эҳтиром ба анъана: Путин се маротиба вориди шикофи ях шуд - навор

223
(Таҷдидшуда 17:44 20.01.2021)
Кишвардори Русия Владимир Путин солҳост, ки анъанаҳои мардумиро пос медорад ва имсол низ дар арафаи иди масеҳиён ғусли таъмид кард

Владимир Путин раисҷумҳури Русия имсол низ дар иди таъмид иштирок кард. Котиботи президенти Русия мегӯяд, Владимир Путин солҳост, ки ба анъанаҳои мардумӣ эҳтироми хос мегузорад ва дар ин иди барои масеҳиён муҳим иштирок мекунад.

"Владимир Путин субҳи имрӯз дар вилояти Маскав ғусли таъмид кард. Ин анъанаи мардумӣ яке аз идҳои асосии масеҳӣ - Таъмиди Худовандро қайд мекунад", - омадааст дар хабари котиботи раҳбари Русия. 

Инчунин аксҳои президент бо ҷомаи гӯсфандӣ ва мӯзаҳои намадин нишон дода шудаанд, ки ба шикофи ях ворид мешавад. меравад. Дар наворҳо омадааст, ки Владимир Путин се маротиба худро дар об ғута зада, сипас аз дохили он берун мешавад.

Крганов гуфт, ки оё мусалмонон метавонанд ғусли таъмид кунанд

Масеҳиёни православӣ дар саросари ҷаҳон 19 январ яке аз идҳои асосии масеҳӣ, Таъмиди Худовандро ҷашн мегиранд.

Одатан, шаби 19 январ оббозии эпифанӣ оғоз меёбад.

Дар Қазоқистон, бинобар пандемияи коронавирус, оббозӣ дар як қатор минтақаҳоро манъ намуданд.

223
Барчаспҳо:
ях, об, навор, Владимир Путин
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

0
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

0
Барчаспҳо:
Ҷом, Футбол, Тоҷикистон