Амрико бар зидди Туркия барои хариди С-400 аз Русия таҳримҳо ҷорӣ кард

120
(Таҷдидшуда 16:56 16.12.2020)
Амрико бар зидди Туркия барои хариди сомонаи дифоии С-400-и сохти Русия таҳримҳо ҷорӣ кард

Ба ин тартиб, Иёлоти Муттаҳида мехоҳад, Туркияро барои хариди мушакҳои русии С-400 "ҷазо" диҳад.

Тибқи иттилои Вазорати молияи Амрико, маҳдудиятҳо бештар ба Котиботи саноии дифоии Туркия ва роҳбарони он, инчунин, ба се мақомдори баландпояи Туркия рабт доранд. Таҳримҳо тибқи банди 231 қонуни СAATSA “Дар бораи муқовимат ба душманони Амрико тариқи таҳримҳо” ҷорӣ карда шуданд.

 Тадбирҳои Вашингтон зидди Анкара, бино ба ҳисобҳои Амрико, бояд ба иқтисоди Туркия зиён расонанд. Ба навиштаи расонаҳо, мушкилоти иқтисодии дар пайи вабои коронавирус ба миён омада, алакай рушди иқтисоди Туркия коҳиш додаанд.

Ҳанӯз миёнаҳои соли гузашта мақомоти Амрико гуфта буданд, ки харидории низоми мушакии С-400 аз сӯи Туркия барои ҳавопаймоҳои F-35-и амрикоӣ хатар эҷод мекунанд, зеро мушакҳои С-400 бо ҳавопаймоҳои F-35 мухолифат доранд.

Дар ҳамин ҳол, Котиби давлатии Амрико Майк Помпео гуфта буд, ки ин чораҳо бар зидди Русия равона шуданд. Чигуна ба ин иқдмҳои Вашингтон Сергей Лавров ҷавоб дод дар навори мо бубинед.

120
Барчаспҳо:
С-400 "Триумф", Туркия, таҳрим, Русия, Амрико

Таркиши вулқон дар Италия мардумро ба таҳлука андохтааст - видео

58
(Таҷдидшуда 19:17 20.01.2021)
Мардуми шаҳр хоб мекунанду, вулқони Этна бедор мешавад. Гарчанде сӯзиши вулқон дар навор ҳайбатовар намояд ҳам, коршиносон мегӯянд он ба мардум хатаре надорад

Шаби гузашта вулқони Этна воқеъ дар шарқи соҳили дарёи Ситсилия, аз хоб бедор шуд. 

Сӯзиши вулқон ва хокбод заминларзаеро ба вуҷуд овард. 

Сутуни азиме аз хокистар, ки баландии он чор километр аст, дар болои вулқон ба осмон бархост.

Мақомоти Италия бонги хатар заданд. Аммо, коршиносон, ҳатто бо вуҷуди видеоҳои даҳшатбор ва нооромии мардуми маҳаллӣ, мегӯянд, Этна ҳанӯз барои сокинони ҷазира хатаре надорад.

Этна баландтарин вулқони фаъол дар Урупо ба шумор меравад. Ба ҳисоби миёна, дар давоми се моҳ як маротиба вулқон ба таркиш медарояд. Тақрибан дар 150 сол як маротиба вулқон метавонад ягон деҳаеро хароб кунад.

58
Барчаспҳо:
қасди сӯзиш, Италия

Эҳтиром ба анъана: Путин се маротиба вориди шикофи ях шуд - навор

223
(Таҷдидшуда 17:44 20.01.2021)
Кишвардори Русия Владимир Путин солҳост, ки анъанаҳои мардумиро пос медорад ва имсол низ дар арафаи иди масеҳиён ғусли таъмид кард

Владимир Путин раисҷумҳури Русия имсол низ дар иди таъмид иштирок кард. Котиботи президенти Русия мегӯяд, Владимир Путин солҳост, ки ба анъанаҳои мардумӣ эҳтироми хос мегузорад ва дар ин иди барои масеҳиён муҳим иштирок мекунад.

"Владимир Путин субҳи имрӯз дар вилояти Маскав ғусли таъмид кард. Ин анъанаи мардумӣ яке аз идҳои асосии масеҳӣ - Таъмиди Худовандро қайд мекунад", - омадааст дар хабари котиботи раҳбари Русия. 

Инчунин аксҳои президент бо ҷомаи гӯсфандӣ ва мӯзаҳои намадин нишон дода шудаанд, ки ба шикофи ях ворид мешавад. меравад. Дар наворҳо омадааст, ки Владимир Путин се маротиба худро дар об ғута зада, сипас аз дохили он берун мешавад.

Крганов гуфт, ки оё мусалмонон метавонанд ғусли таъмид кунанд

Масеҳиёни православӣ дар саросари ҷаҳон 19 январ яке аз идҳои асосии масеҳӣ, Таъмиди Худовандро ҷашн мегиранд.

Одатан, шаби 19 январ оббозии эпифанӣ оғоз меёбад.

Дар Қазоқистон, бинобар пандемияи коронавирус, оббозӣ дар як қатор минтақаҳоро манъ намуданд.

223
Барчаспҳо:
ях, об, навор, Владимир Путин
Тими наврасони Тоҷикистон (U-17)

Рақибони тими наврасони тоҷик дар "Ҷоми Иттиҳод" муайян шуданд

0
(Таҷдидшуда 20:41 20.01.2021)
Кумитаи миллии олимпии Тоҷикистон рақибони дастаи мунтахаби наврасони ҷумҳурӣ оид ба футбол – “U-17”-ро дар мусобиқаи байналмилалии “Ҷоми рушд-2021” номбар кард

ДУШАНБЕ, 20 янв — Sputnik. Тибқи иттилои Кумитаи миллии олимпӣ, футболбозони то 17-солаи тоҷик дар “Ҷоми рушд-2021” бо тимҳои мунтахаби наврасони Белорус, Қазоқистон ва Молдова рақобат мекунад.

“Тими мунтахаби наврасони Тоҷикистон (U-17) бо роҳбарии сармураббӣ Аҳлиддин Турдиев дар 17-ум мусобиқаи байналмилалии “Ҷоми рушд-2021”, ки аз 31 январ то 6 феврал дар пойтахти Белорус – шаҳри Минск доир мегардад, иштирок мекунад”,  - омадааст дар иттилоия.

Манбаъ афзуд, барои пирӯзӣ дар ин мусобиқа 4 дастаи мунтахаби наврасони соли таваллудашон на бештар аз 2004 талош мекунанд. Дар “Ҷоми рушд-2021” дар Минск футболбозони навраси тоҷик бо ҳамсолонашон аз Қазоқистон (31 январ), Молдова (3 феврал) ва Белорус (6 феврал) бозӣ хоҳанд кард.

Футбол: бозиҳои ниҳоии Ҷоми Тоҷикистон-2020 маълум шуд

Мусобиқаи анъанавии зимистона дар толори футболи Минск тибқи системаи даврӣ дар як давр баргузор мешавад. Ғолиб аз рӯи холҳои бадастоварда муайян мегардад, тавзещ дод Кумитаи олимпӣ.

0
Барчаспҳо:
Ҷом, Футбол, Тоҷикистон