Посухи тунди Лавров ба таҳримҳо алайҳи Русия - видео

284
(Таҷдидшуда 19:50 24.12.2020)
Вазири умури хориҷаи Русия, Сергей Лавров маҳудудиятҳои нави Амрикоро, ки зидди Русия ҷорӣ гардиданд, бо лаҳни тунде тавзеҳ дод

Маскав на танҳо ба таҳримҳои Вашингтон посух медиҳад, балки дар бораи муносибатҳои Амрикову Русия хулосаҳои изофагие мебарорад, изҳор дошт вазири умури хориҷаи Русия, Сергей Лавров.

Вай гуфтааст, ки Амрико дер боз бо Русия сиёсати бадбинонаро пеш гирифтааст.

"Ин амалҳои Вашингтонро метавон гуфт, ки хати стратегии Иёлотро муайян мекунад. Онҳо бо ин корашон мехоҳанд рақибони тиҷорияшонро бо роҳҳои ғайри қобили қабул заиф кунанд. Ин корашон нақзи дурушти меъёрҳои Ташкилоти умумиҷаҳонии тиҷорӣ мебошад", - гуфтааст Лавров.

Ба гуфтаи ӯ, ИМА ошкоро меъёрҳои ҳуқуқи байналмилалиро нодида мегирад. 

"Вақте ки шарикони аврупоии мо доимо ба зарурати танзими ҷаҳон дар асоси қонунҳо таъкид мекунанд, онҳо бояд дарк кунанд, ки чигуна бозӣ мекунанд. Онҳо бояд дарк кунанд, ки ин дар охир зидди ҳама гуна кишвари ҷаҳон метавонад анҷом ёбад", - гуфт вазир.

Чаро Иёлоти Муттаҳида аз иттифоқи низомии Русия ва Туркия метарсад: видео

Ёдовар мешавем, ки чанде пеш Иёлоти Муттаҳида алайҳи Русия таҳримҳои нав ҷорӣ кард. Ҳудуди 45 ширкат ва ташкилоте, ки бо Қувваҳои Мусаллаҳи Федератсияи Русия алоқаманданд, ба рӯйхати таҳримот ворид шуданд. Ба ин феҳраст Вазорати мудофиа ва дигар ширкатҳои бузург шомил аст.

Маҳдудиятҳо ба Чин низ рабт доранд. Дар маҷмӯъ 103 ташкилот ба рӯйхати таҳримҳо шомил карда шуданд.

284

Ҳамсояҳо аз кӯдаки 9-сола ба пулис шикоят бурданд - навор

61
Кӯдак, ки мусиқинавоз будааст, ба гуфтаи шикоятбарандагон - ҳамсояҳо ба оромии онҳо доим халал мерасонидааст

 Дар шаҳри Челябински Русия ҳамсояҳо аз болои кӯдаки 9-сола шикоят бурдаанд. 

Тавре сокинони бинои серошёна қайд кардаанд, писарак шабона ғижжак менавохтааст ва ба оромии онҳо халал расонидаву онҳоро ба хоб рафтан намемондааст.

Ситораи мусиқии Русия ба ҷонибдории писараки мусиқинавоз бархостанд.

Гузориши пурраро аз навори мо тамошо кунед.

61

Конор Макгрегор ва Дастин Поре: ҷанги чашм ба чашм - видео

270
(Таҷдидшуда 16:47 23.01.2021)
Конор Макгрегор ва Дастин Поре тамошобинонро бо ҷанги чашм ба чашми пеш аз муҳорибаи қарибулвуқуъ дар UFC дар ҳаяҷон гузоштанд

Сабқати Коннор Макгрегор ва Дастин Поре шаби 23 ба 24 январ дар Амороти Муттаҳидаи Араб, баргузор хоҳад шуд.

Мухлисон муҳорибаи ин ду варзишкорро бесаброна интизоранд.

Тибқи баҳогузории букмекерон ғолиби эҳтимолии сабқат Макгрегор дониста мешавад. Эҳтимоли ғолибияти Пореро таҳлилгарон ҳудуди 33 дарсад арзёбӣ кардаанд. Эҳтимолияти мусовӣ муодили 2 дарсад мебошад.

Ин нахустин қувваозмоии Макгрегор ва Поре дар майдон нест. Сентябри соли 2014 Макгрегор дар даври аввал Пореро ба нокаут фиристод.

Як рӯз пеш аз муҳориба варзишкорон мухлисонро бо ҷанги чашм ба чашм мухлисонро ба ҳаяҷон оварданд. Пас аз ин ҷанг варзишкорон дасти ҳамдигарро фишурданд, ба ҳозирин барои дастгирӣ ташаккур гуфтанду аз муҳорибаи қарибулвуқуъ  чанд сухан гуфтанд.

Бояд гуфт, ки дар размҳои омехта Макгрегор 26 сабқат гузаронд, ки аз он 22 ададашро бурид. Дар чор қувваозмоӣ бохт.

Дар маҷмуъ Поре 32 сабқат гузарондааст, ки 26 ададашро бо пирӯзӣ ва 6 ададро бо шикаст анҷом додааст. Поре на танҳо дар қувваозмоиҳои UFC, балки WEC низ иштирок мекунад.

270
Барчаспҳо:
қаҳрамони UFC, чашм, ҷанг, тамошобинон, муҳориба, Макгрегор
Бокс, архивное фото

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 00:27 24.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0