Лаҳзаҳои асосии сабқати наврасони футболбози Тоҷикистону Эрон-видео

158
(Таҷдидшуда 18:49 27.12.2020)
Федратсияи футболи Тоҷикистон – U-16 навори лаҳзаҳои ҷолиби сабқати дӯстонаи мунтахаби наврасони футболбози Тоҷикистону Эронро нашр кардааст

Тибқи иттилои ФФТ, ин дуюмин сабқати дӯстона буд, ки бо пирӯзии тими меҳмону мағлубияти мизбон анҷом ёфт.

Қувваозмоии наврасони футболбози Тоҷикистону Эрон бо ҳисоби 0:1 анҷом ёфт. Голи ягонаи бозиро Амир Иброҳимзода дар дақиқаи 29-уми сабқат ба ҳадаф расонд.

Бозии аввали дӯстонаи ин ду тим бо ҳисоби 1:4 ба фоидаи наврасони эронӣ анҷом ёфта буд.

Ин бохт дар ҳолест, ки футболбозони то 19-солаи тоҷик дар бозии аввали дӯстона ба ҳамсолони эронии худ бо ҳисоби 2:1 ғолиб омаданд.

Голҳоро Алӣ Субҳонӣ,  Абдулмумин Забиров ва Шаҳром Самиев ба ҳадаф расонидаанд. Бозии дуюми футболбозони то 19-солаи Тоҷикистону Эрон имрӯз дар майдони марказии  Душанбе баргузор мешавад.  

158
Барчаспҳо:
бохт, бурд, футбол, Эрон, Тоҷикистон

Ҳамсояҳо аз кӯдаки 9-сола ба пулис шикоят бурданд - навор

78
Кӯдак, ки мусиқинавоз будааст, ба гуфтаи шикоятбарандагон - ҳамсояҳо ба оромии онҳо доим халал мерасонидааст

 Дар шаҳри Челябински Русия ҳамсояҳо аз болои кӯдаки 9-сола шикоят бурдаанд. 

Тавре сокинони бинои серошёна қайд кардаанд, писарак шабона ғижжак менавохтааст ва ба оромии онҳо халал расонидаву онҳоро ба хоб рафтан намемондааст.

Ситораи мусиқии Русия ба ҷонибдории писараки мусиқинавоз бархостанд.

Гузориши пурраро аз навори мо тамошо кунед.

78

Конор Макгрегор ва Дастин Поре: ҷанги чашм ба чашм - видео

328
(Таҷдидшуда 16:47 23.01.2021)
Конор Макгрегор ва Дастин Поре тамошобинонро бо ҷанги чашм ба чашми пеш аз муҳорибаи қарибулвуқуъ дар UFC дар ҳаяҷон гузоштанд

Сабқати Коннор Макгрегор ва Дастин Поре шаби 23 ба 24 январ дар Амороти Муттаҳидаи Араб, баргузор хоҳад шуд.

Мухлисон муҳорибаи ин ду варзишкорро бесаброна интизоранд.

Тибқи баҳогузории букмекерон ғолиби эҳтимолии сабқат Макгрегор дониста мешавад. Эҳтимоли ғолибияти Пореро таҳлилгарон ҳудуди 33 дарсад арзёбӣ кардаанд. Эҳтимолияти мусовӣ муодили 2 дарсад мебошад.

Ин нахустин қувваозмоии Макгрегор ва Поре дар майдон нест. Сентябри соли 2014 Макгрегор дар даври аввал Пореро ба нокаут фиристод.

Як рӯз пеш аз муҳориба варзишкорон мухлисонро бо ҷанги чашм ба чашм мухлисонро ба ҳаяҷон оварданд. Пас аз ин ҷанг варзишкорон дасти ҳамдигарро фишурданд, ба ҳозирин барои дастгирӣ ташаккур гуфтанду аз муҳорибаи қарибулвуқуъ  чанд сухан гуфтанд.

Бояд гуфт, ки дар размҳои омехта Макгрегор 26 сабқат гузаронд, ки аз он 22 ададашро бурид. Дар чор қувваозмоӣ бохт.

Дар маҷмуъ Поре 32 сабқат гузарондааст, ки 26 ададашро бо пирӯзӣ ва 6 ададро бо шикаст анҷом додааст. Поре на танҳо дар қувваозмоиҳои UFC, балки WEC низ иштирок мекунад.

328
Барчаспҳо:
қаҳрамони UFC, чашм, ҷанг, тамошобинон, муҳориба, Макгрегор
Ново-Ангренской ТЭС,  Узбекистан

Худкушии сардори коргоҳ баъди садамаи нерӯгоҳи ҳароратие дар Ӯзбекистон

0
Сардори коргоҳе, ки дар садамаи ТЭС-и Ново-Ангрени Узбакистон ширкат дошт, пас аз бозпурсии мақомот худкушӣ кардааст

ДУШАНБЕ, 24 январ - Sputnik. Раҳбари коргоҳи нерӯгоҳи ҳароратии Ново-Ангрен худкушӣ кард, хабар медиҳад хабарнигори Sputnik Узбекистон бо истинод ба хадамоти матбуотии Вазорати энергетика.

Бв иттилои манбаъ, мард дар хонаи худ худкушӣ кардааст.

Қаблан хабар дода шуда буд, ки сардори коргоҳ ба тафтишот ҷалб шуда, барои бозпурсӣ даъват шудааст.

Ёдовар мешавем, ки субҳи 20 январ се корманд дар бинои панҷуми нерӯгоҳи ҳароратии Ново-Ангрен бар асари хуруҷи омехтаи ғубори ангишт ҷони худро аз даст доданд. Се коргари дигар маҷрӯҳ шуданд.

Вазорати энергетика мегӯяд, ки қабл аз иҷрои кор ба гурӯҳи пудратчиён дастур дода шуд ва ба ин объект иҷозати зарурӣ гирифтанд.

Тибқи иттилои Вазорати ҳолатҳои фавқулода, дар натиҷаи ҳолати фавқулода инфрасохтор ва таҷҳизоти технологии нерӯгоҳ осеб надидаанд.

Фоҷиа: худкушии модари ҷавоне, ки ба кори саҳро машғул буду тифлаш аз тасф ҷон дод

Тафтиши ҳодиса идома дорад. Ба оилаҳои халокшудагон аз давлат ба маблаги 105 миллион сум товон дода мешавад.

0
Барчаспҳо:
худкушӣ, садама, Ӯзбекистон