Киҳо дар давраи ҳамагирӣ тиҷоратро гарм карданд - видео

208
(Таҷдидшуда 16:45 14.01.2021)
Ҳамагирии коронавирус ба иқтисод зарбаи сахт зад, вале баъзе тоҷирони моҳир тавонистанд, савдоро гарм кунанд

Соли 2020 аксари мардумро аз даромад маҳрум кард, вале барои бархе имконоти нав фароҳам овард. Масалан тоҷир аз Тоҷикистон дар давраи ҳамагирӣ тиҷорати худро бо фурӯши растаниҳои табобатӣ оғоз кард.

Ҳазориспандро аз қадимулайём мардуми Осиёи Марказӣ чун даво истифода мекарданд. Ҳазориспандро дуд мекарданд ва бо дуди он манзилу биноҳоро безарар мегардониданд. Ин анъана то кунун дар Тоҷикистон боқӣ мондааст.

Хуршед Тураев ҳазориспандро ба банчаҳо ҷудо карда ва ба фурӯш баровард. Мизоҷон хеле зиёданд, ҳатто аз хориҷи кишвар низ фармоиш мешавад.

Дар Гурҷистон бошад варзишкори машҳур Лаша Лоинишивили бо мардум дар ҳавои тоза ба тамрини бадан машғул мешавад.

Дар Қирғизистон бошад, мардум аз хона набаромада тариқи онлайн дар залҳо машқ мекунанд.

208
Барчаспҳо:
Ҷаҳон, вируси корона, тиҷорат

Ҳамсояҳо аз кӯдаки 9-сола ба пулис шикоят бурданд - навор

78
Кӯдак, ки мусиқинавоз будааст, ба гуфтаи шикоятбарандагон - ҳамсояҳо ба оромии онҳо доим халал мерасонидааст

 Дар шаҳри Челябински Русия ҳамсояҳо аз болои кӯдаки 9-сола шикоят бурдаанд. 

Тавре сокинони бинои серошёна қайд кардаанд, писарак шабона ғижжак менавохтааст ва ба оромии онҳо халал расонидаву онҳоро ба хоб рафтан намемондааст.

Ситораи мусиқии Русия ба ҷонибдории писараки мусиқинавоз бархостанд.

Гузориши пурраро аз навори мо тамошо кунед.

78

Конор Макгрегор ва Дастин Поре: ҷанги чашм ба чашм - видео

328
(Таҷдидшуда 16:47 23.01.2021)
Конор Макгрегор ва Дастин Поре тамошобинонро бо ҷанги чашм ба чашми пеш аз муҳорибаи қарибулвуқуъ дар UFC дар ҳаяҷон гузоштанд

Сабқати Коннор Макгрегор ва Дастин Поре шаби 23 ба 24 январ дар Амороти Муттаҳидаи Араб, баргузор хоҳад шуд.

Мухлисон муҳорибаи ин ду варзишкорро бесаброна интизоранд.

Тибқи баҳогузории букмекерон ғолиби эҳтимолии сабқат Макгрегор дониста мешавад. Эҳтимоли ғолибияти Пореро таҳлилгарон ҳудуди 33 дарсад арзёбӣ кардаанд. Эҳтимолияти мусовӣ муодили 2 дарсад мебошад.

Ин нахустин қувваозмоии Макгрегор ва Поре дар майдон нест. Сентябри соли 2014 Макгрегор дар даври аввал Пореро ба нокаут фиристод.

Як рӯз пеш аз муҳориба варзишкорон мухлисонро бо ҷанги чашм ба чашм мухлисонро ба ҳаяҷон оварданд. Пас аз ин ҷанг варзишкорон дасти ҳамдигарро фишурданд, ба ҳозирин барои дастгирӣ ташаккур гуфтанду аз муҳорибаи қарибулвуқуъ  чанд сухан гуфтанд.

Бояд гуфт, ки дар размҳои омехта Макгрегор 26 сабқат гузаронд, ки аз он 22 ададашро бурид. Дар чор қувваозмоӣ бохт.

Дар маҷмуъ Поре 32 сабқат гузарондааст, ки 26 ададашро бо пирӯзӣ ва 6 ададро бо шикаст анҷом додааст. Поре на танҳо дар қувваозмоиҳои UFC, балки WEC низ иштирок мекунад.

328
Барчаспҳо:
қаҳрамони UFC, чашм, ҷанг, тамошобинон, муҳориба, Макгрегор
Молоток судьи, архивное фото

Додгоҳ нафаре, ки ҳамсари бародарашро ғорат кард, ҷазо дод

0
Додгоҳи шаҳри Панҷакен ҳукми сокини маҳаллӣ С. М-ро содир кард, ки дар ҷинояти дуздӣ муттҳама мешавад

ДУШАНБЕ, 24 янв – Sputnik. Бино ба иттилои дафтари матбуотии додгоҳи шаҳри Панҷакент, шаҳрванд С.М. бо иттиҳоми ғорати хонаи бародараш муҷозот шуд.

Ба иттилои манбаъ, судшуда санаи 26 июни соли гузашта, оиди ҷои нигоҳдошти маблағҳои пулии ҳамсари бародараш, ки аслан дар суроғаи шаҳри Гулистон кӯчаи Ҷавонӣ ҳамчун иҷоранишин истиқомат карда, муваққатан  дар шаҳри қарор дошт, маълумот пайдо мекунад.

Ӯ худи ҳамон рӯз тахминан соати 14.00 дақиқа бо мақсади дуздии маблағҳои зикршуда, аз сумкаи дастии ҳамсари бародараш пинҳонӣ калиди дари даромади хонаи иҷоравиашро гирифта, пинҳонӣ ба шаҳри Гулистон омада,  аз фурсати муносиб, яъне набудани аъзои оила вориди хонаи мазкур гардидааст.

“Сипас зулфини қулфи  сандуқи дохили хонаро шикаста, аз дохили он бо тариқи  ниҳонӣ 5000 доллари ИМА, мутаносибан бо асъори миллӣ маблағи 51537 сомону 50 дирамро тасарруф намуда, ба ҷабрдида зарари калони моддӣ расонида, аз ҷои ҳодиса ғайб задааст”,- афзудааст, манбаъ..

Гуфта мешавад, ӯ худи ҳамон рўз ба ҷои истиқоматии доимиаш баргашта, дар оянда маблағҳои бо роҳи ҷиноят ба даст овардаашро давра ба давра барои манфиатҳои худ сарф кардааст.

Манбаъ мегӯяд, ҷазо ба муттаҳам бо дастрасии моддаи 244 қисми 3 банди “а” Кодекси ҷиноятии Ҷумҳурии Тоҷикистон ҷазои сазовор содир кард.

Ғорати ташкилоти бонкӣ дар Панҷакент: пул наёфт ноутбукҳоро рабуд

Мавриди зикр аст, ки моддаи 244 қисми 3 банди “а” Кодекси ҷиноятии Ҷумҳурии Тоҷикистон дуздӣ дар ҳаҷми калон буда, он маҳрум сохтан аз озодӣ ба мӯҳлати аз панҷ то ҳашт сол аз озодиро пешбинӣ мекунад.

0