Конор Макгрегор ва Дастин Поре: ҷанги чашм ба чашм - видео

403
(Таҷдидшуда 16:47 23.01.2021)
Конор Макгрегор ва Дастин Поре тамошобинонро бо ҷанги чашм ба чашми пеш аз муҳорибаи қарибулвуқуъ дар UFC дар ҳаяҷон гузоштанд

Сабқати Коннор Макгрегор ва Дастин Поре шаби 23 ба 24 январ дар Амороти Муттаҳидаи Араб, баргузор хоҳад шуд.

Мухлисон муҳорибаи ин ду варзишкорро бесаброна интизоранд.

Тибқи баҳогузории букмекерон ғолиби эҳтимолии сабқат Макгрегор дониста мешавад. Эҳтимоли ғолибияти Пореро таҳлилгарон ҳудуди 33 дарсад арзёбӣ кардаанд. Эҳтимолияти мусовӣ муодили 2 дарсад мебошад.

Ин нахустин қувваозмоии Макгрегор ва Поре дар майдон нест. Сентябри соли 2014 Макгрегор дар даври аввал Пореро ба нокаут фиристод.

Як рӯз пеш аз муҳориба варзишкорон мухлисонро бо ҷанги чашм ба чашм мухлисонро ба ҳаяҷон оварданд. Пас аз ин ҷанг варзишкорон дасти ҳамдигарро фишурданд, ба ҳозирин барои дастгирӣ ташаккур гуфтанду аз муҳорибаи қарибулвуқуъ  чанд сухан гуфтанд.

Бояд гуфт, ки дар размҳои омехта Макгрегор 26 сабқат гузаронд, ки аз он 22 ададашро бурид. Дар чор қувваозмоӣ бохт.

Дар маҷмуъ Поре 32 сабқат гузарондааст, ки 26 ададашро бо пирӯзӣ ва 6 ададро бо шикаст анҷом додааст. Поре на танҳо дар қувваозмоиҳои UFC, балки WEC низ иштирок мекунад.

403
Барчаспҳо:
қаҳрамони UFC, чашм, ҷанг, тамошобинон, муҳориба, Макгрегор

Қапид ва буғӣ кард: размикори тоҷик дар як дақиқа рақиби қирғизашро аз пой афтонд - видео

229
(Таҷдидшуда 19:29 03.03.2021)
Рақобат миёни размикори аз Тоҷикистон ва намояндаи Қирғизистон, бо як ҳайбат оғоз шуду зуд анҷом ёфт

Охири ҳафтаи гузашта дар Маскав мусобиқаи муҳорибаи омехта дар Колизей: Battle of Champions 19 баргузор шуд. Дар октагон варзишгарон аз Русия, Тоҷикистон, Қирғизистон, Арманистон, Ӯзбекистон ва Туркманистон ба ҳам омаданд.

Қувваозмоии Мирзокарим Шарифзода аз Тоҷикистон ва Мирлан уулу Айдемир аз Қирғизистон назаррас буд.

Ҳарду варзишгар дар вазни 61 кило мубориза бурданд. Ҳарду барои варзиши касбӣ хеле ҷавонанд.

Шарифзода аз сонияҳои аввал ду зарба зад. Варзишгар аз Қирғизистон ба ҳамла шитофт, аммо ин иштибоҳи ӯ буд.

Ҷанговар аз Тоҷикистон душманро дастгир карда, муборизи қирғизро дастгир ва буғӣ кард.

Ҷанг дар камтар аз як дақиқа ба поён расид.

229
Барчаспҳо:
пирӯзӣ, зӯрозмоии размикорон, размикор, қирғиз, тоҷик

Зебоиҳои баҳори Тоҷикистон бо сурудҳои Далер Назар видео

86
(Таҷдидшуда 19:22 03.03.2021)
Дар шабакаи интернет наворе нашр шуд, ки дар он бо садо додани гитара ва хондани сурудҳои Далер Назар дар яке минтақаи зебоманзари Тоҷикистон зебоиҳои баҳорӣ ин минтақа нишон додашудааст

Бо фаро расидани баҳор, сокинони Тоҷикистон ба тамошои манзараҳои зебои кишвар шитоб мекунанд.

Сокинон бо рафиқони худ кушиш мекунанд берун аз деҳаву шаҳру ноҳияҳо браванд, то аз ҳавои кӯҳистону табиати зебо лаззат баранд.

Дар Интернет видеои зебои баҳорӣ нашр шудааст, ки дар он бозии волейбол дар берун, омода кардани оши палов барои варзишгарон ва албатта овозхонии маъруфтарин сурудҳои баҳорӣ дида мешавад.

Маълум аст, ки видео дар Нуробод, дар 135-километрии шарқи шаҳри Душанбе, ба навор гирифта шудааст.

Худи деҳаи кӯҳистонӣ дар навор бениҳоят зебову ҷолиб менамояд. Дар доманаи кӯҳҳо аллакай аввалин гулҳои баҳорӣ пайдо шуданд, ки онҳо дар пасманзари нишебиҳои барфпӯш фарқ мекунанд.

86
Барчаспҳо:
зебо, Далер Назаров, суруд, баҳор, Тоҷикистон
Сотрудники милиции совместно с другими силовыми структурами продолжают обеспечивать правопорядок и общественную безопасность на приграничной территории  кыргызско-таджикском участке

“Бензини қирғизӣ”: Қирғизистон ба марзҳои Тоҷикистон нерӯи низомӣ эъзом кардааст

0
(Таҷдидшуда 01:54 04.03.2021)
Бино ба иттилои дарёфтӣ, Қирғизистон ба хотири ҷилавгирӣ аз қочоқи нафту маводи нафтӣ ба марзҳояш бо Тоҷикистон нерӯи низомӣ эъзом кардааст

ДУШАНБЕ, 04 мар — Sputnik. Манобеъи Sputnik Тоҷикистон дар марзи Тоҷикистону Қирғизистон мегӯянд, ин нерӯҳо дар имтидоди марзи ду кишвар бо назорати гузаргоҳҳо ва роҳҳои пинҳонӣ машғул хоҳанд буд.

“Ҳадафи аслии онҳо ҷилавгирӣ аз афрод ва ё гурӯҳҳоест, ки ба Тоҷикистон маводи нафтии Русияро дубора (реэкспорт) ва ғайриқонунӣ содир мекунанд. Ин қабил авомил то кунун бензин ва дигар фаровардаҳои нафтиро ба Тоҷикистон қочоқ мекарданд ва аз ин тиҷорати худ фоидаҳои ҳангуфт медиданд" - гуфтанд ин манобеъ.

Манбаъ ҳамчунин афзуд, ки акнун ҳукумати Қирғизистон ҷиддан тасмим гирифтааст, ки аз фаъолиятҳои ғайриқонунии қочоқчиён ҷилавгирӣ кунад. 

3 марти соли равон сарвазири Қирғизистон Улукбек Марипов ба як қароре имзо гузошт, ки бино ба он, содироти нафту фаровардаҳои нафтӣ аз Қирғизистон ба ҳудудҳои берун аз Иттиҳоди иқтисодии Авруосиё манъ шуд.

Расонаҳои Қирғизистон хабар доданд, ки ин қарор ба хотири ҷилавгирӣ аз коҳиши бесобиқаи ин навъи мавод дар бозори дохилӣ содир шудааст ва ин мамнуъият содироти нафту фаровардаҳои нафтӣ аз тариқи роҳҳои мошингард ва оҳанро дарбар гирифтааст, ки то пур шудани бозори дохилӣ ё ташкили бозорҳои муштараки нафту фаровардаҳои нафтии Иттиҳоди иқтисодии Аврупо идома хоҳад дошт.

Бино ба иттилои ин манобеъ, ин мамнуъият ба маҳсулоти нафтие, ки тавассути афроди алоҳида аз хоки Қирғизистон барои истифодаи шахсӣ харидорӣ мешаванд, рабт надорад, аммо як шахс метавонад хазинаи сӯхт (бак) - и мошинашро пур кунад ва ҳам дар як зарфи ҷудогона бо ҳаҷми на беш аз 20 литр ин навъи маводро харидорӣ намояд.

Бино ба қарори сарвазири Қирғизистон, мақомоти зидахли ин кишвар – шуруъ аз Хадамоти гумруку марзбонӣ то вазорати нақлиёту Хадамоти мубориза бо ҷиноятҳои иқтисодии ин кишвар дастури қатъӣ гирифтаанд, ки аз ҳар гуна талош барои содироти ғайриқонунии нафту фаровардаҳои нафтӣ ҷилавгирӣ намоянд. 

Ин қарор аз рӯзи имзо шуданаш, яъне 3 марти соли равон, ба иҷро даромадааст.

Тибқи иттилои расмӣ, Қирғизистон бо саҳми 2,02% сеюмин кишвари воридкунандаи маҳсулоти нафтӣ пас аз Русия (78,43%) ва Қазиқистон (15,24%) ба бозори Тоҷикистон маҳсуб мешавад. Ин кишвар дар соли 2020 дар ҳаҷми 11 ҳазору 780, 93 тон маҳсулоти нафтӣ, аз қабили бензину сӯзишвории дизелӣ, ба маблағи 5 миллиону 333 ҳазору 248 доллар ворид кардааст.

Ин ҳам омори расмӣ аст, аммо дар асл бештарин маводи нафтии Қирғизистон ба Тоҷикистон дубора ва ғайриқонунӣ содирот мешавад. Ин маводи нафтиро Қирғизистон аз Русия ба даст меорад. Аммо дар ин тиҷорати ғайриқонунӣ чӣ қадар маблағ гардиш мекунад, омори расмӣ хомӯш аст.

0
Барчаспҳо:
эъзом, қочоқчиён, марз, Қирғизистон, Тоҷикистон