"Як қадами хуби рамзӣ": гоми нахустини Русияву Амрико барои коҳиши танишҳо

163
(Таҷдидшуда 18:30 28.01.2021)
Маҷлиси Думаи Русия рӯзи чаҳоршанбе тарҳи тамдиди 5 солаи Созишнома оид ба паймони коҳиши таслиҳоти ҳастаиро тасвиб кард

Дар пайи гуфтугӯи телефонии ахири Владимир Путин ва Ҷо Байден, раисони ҷумҳурии Русия ва Амрико ва тавофуқи ду тараф барои мубодилаи ёддоштҳои дипломатӣ дар заминаи тамдиди ин паймон, Путин тарҳи тамдиди ин паймонро ба Думаи Русия пешниҳод кард.

Ин тарҳ рӯзи чаҳоршанбе бо унвони "Тавофуқномаи тамдиди паймон байни Русия ва Амрико барои коҳишу маҳдудсозии таслеҳоти таҳоҷумии роҳбурдӣ" дар Думаи Русия ба раъй гузошта шуд ва намояндагон бо тамдиди панҷсолаи он мувофиқат карданд.

Сергей Рябков, муовини вазири умури хориҷаи Русия ахиран эълом кард: Ин паймон ба муддати панҷ сол бидуни пешшарт ва бидуни ҳеҷ замимае тамдид мешавад.

Бар асоси Созишнома оид ба паймони коҳиши таслиҳоти ҳастаӣ, ки соли 2010 миёни Русия ва Амрико баста шуд, ду кишвар тавофуқ карданд теъдоди кулоҳакҳои ҳастаии роҳбурдии худро ба ҳазору 550 адад, мустақар бар рӯйи ҳаддиаксар 700 мушаки баллистики қорапаймо ва бомбаафкани роҳбурдӣ маҳдуд кунанд.

Давлати Доналд Трамп, раиси ҷумҳурии собиқи Амрико барои тамдиди Паймони старти нав шартҳоеро матраҳ мекард, ки бо мухолифати Русия рӯ ба рӯ шудаву сарнавишти ин паймонро номаълум карда буд.

163
Барчаспҳо:
коҳиш, паймон, созишнома, Амрико, Русия

Раҳмон дар бораи таҳдиди обшавии пиряхҳои Помир: навор

29
(Таҷдидшуда 20:01 04.03.2021)
Президенти Тоҷикистон Эмомалӣ Раҳмон аз сиёсатмадорони ҷаҳон даъват кард, ки ба обшавии пиряхҳои кӯҳӣ таваҷҷӯҳ кунанд, ки ин метавонад барои инсоният оқибатҳои бебозгашт ба бор орад

Дар нахустин ҷаласаи Гурӯҳи сатҳи баланд оид ба об ва иқлим дар шакли видеоконфронси СММ, президенти Тоҷикистон Эмомалӣ Раҳмон якчанд масъалаи муҳимро ба миён гузошт.

Президент, аз ҷумла, аҳамияти таваҷҷӯҳи ҷиддиро ба захираҳои об қайд кард, ки имрӯз тағирёбии иқлим ба ҳаёти ҳаррӯза ислоҳот ворид карда истодааст ва аз ин рӯ ҷаҳон шоҳиди обшавии босуръати яхҳо дар гӯшаҳои гуногуни сайёра мебошад.

"То охири аср, мо метавонем аз се ду ҳиссаи пиряхҳои Ҳимолойро аз даст диҳем. Чунин вазъият дар пиряхҳои Помир низ ба вуқӯъ мепайвандад. Намунаи равшани он обшавии пиряхҳои континенталии ҷаҳон дар Тоҷикистон аст",-  гуфт Президент. 

Сарвари давлат мушаххас кард, ки вай пиряхи Федченкоро дар назар дорад, ки дарозии он беш аз 75 километр аст.

Вай гуфт, ки тибқи маълумоти олимон, пиряхи Федченко дар тӯли 70-80 соли охир беш аз як километр ақибнишинӣ кардааст ва дар масоҳат 44 километри мураббаъ коҳиш ёфтааст.

Ғайр аз он, он ҳаҷми худро беш аз 15 километри мукааб аз даст додааст; суръати миёнаи ақибнишинии забони пирях дар як сол 16 метрро ташкил медиҳад.

Барои омӯзиши пиряхҳои Тоҷикистон беш аз 25 миллион сомонӣ ҷудо шуд

Дар ин робита, Президенти Тоҷикистон аз сиёсатмадорон даъват ба амал овард, ки таваҷҷӯҳи СММ-ро ба ин ҷалб кунанд, зеро ҳамаи ин ба оқибатҳои хеле манфӣ оварда мерасонад.

Масалан, об шудани пиряхҳо дар Арктика ва Антарктида боиси баланд шудани сатҳи уқёнуси ҷаҳонӣ мегардад ва ин дар навбати худ метавонад ба ҳаёт ва беҳбудии садҳо миллион сокини Замин таҳдид кунад.

29

Размикори тоҷик дар як дақиқа рақиби русашро мағлуб кард - видео

94
(Таҷдидшуда 19:09 04.03.2021)
Муқовимати Артем Кургулини рус ва размикори тоҷик Аҳмад Боқараев бо пирӯзии боэътимод ва зебо ба анҷом расид

Охири ҳафтаи гузашта мусобиқаи муҳорибаҳои омехта: "Колизей: Батли чемпионҳо 19" баргузор шуд.

Дар октагон паҳлавонон аз Русия, Тоҷикистон, Қирғизистон, Арманистон ва Ӯзбекистон вохӯрданд.

Задухӯрд байни ҷанговари рус Артем Кургулин ва варзишгари Тоҷикистон Аҳмад Бойқараев шадид ҷараён гирифт.

Паҳлавонони ҷавон аз дақиқаҳои аввал кӯшиш накарданд, ки ба задухӯрдҳои бераҳмона дохил шаванд, балки дар дақиқаҳои баъдӣ "ҳамдигарро санҷиданд".

Пас аз зарбаҳои мутақобила, Кургулин қарор кард, ки тоҷикро санҷида, ба муборизаи наздик мегузарад.

Қапид ва буғӣ кард: размикори тоҷик дар як дақиқа рақиби қирғизашро аз пой афтонд - видео

Аммо паҳлавони Русия ноком шуд: Бойқараев гарданашро сахт гирифту, рақибро печутоб дод ва боздошт. Пас аз чанд сония варзишкори рус аз пой афтид.

Пас аз пирӯзӣ, мухлисони варзишкори тоҷик ба майдон баромаданд ва ғолибро табрик карданд.

94
Барчаспҳо:
мағлубият, пирӯзӣ, зӯрозмоии размикорон, Русия, Тоҷикистон

Раҳмон: CASA 1000 миёни Осиёи Марказӣ ва Ҷанубӣ иқдоми саривақтист

0
Раисҷумҳури Тоҷикистон дар 14-умин Саммити Созмони ҳамкории иқтисодӣ иштирок ва сузханронӣ кард

ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.

Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.

Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.

Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.

Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.

Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.

Покистон мехоҳад созишномаи тарҳи CASA - 1000 - ро ислоҳ кунад

Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.

Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.

0