Ҳамлаи гов ба корафтодагон дар беморхона - видео

798
Дар Колумбия, як гови хашмгин ба бемороне, ки интизори қабули табиб буданд, ҳамла кардааст. Навори ҳодиса дар интернет нашр шуд

Тавре RT хабар медиҳад, қазия дар клиникаи шаҳрии Сан-Рафаэл, шаҳри Сан-Луис рух додааст. Гови калоне ғайричашмдошт аз даромадгоҳи асосӣ ба беморхона ворид шуда, ба корафтодагони беморхона ки интизори табиб буданд, ҳамла кардааст.

Камераи назоратии видеоӣ ҳамлаи говро ба зане, ки ба замин афтода буд ва дар кунҷе монда буд, сабт кардааст.

Тавре дида мешавад, ҳайвон ӯро на якбору дубор, балки чанд маротиба мезанад. Чанд мард кӯшиш мекунанд, ки говро аз бино берун кунанд, аммо ин кор ба онҳо дарҳол муяссар намешавад.

Баъди чанд муддат зан ба ҳар ҳол аз "чангал"-и ҳайвон халос мешавад.

Табибон ба зани маҷрӯҳ кӯмаки тиббӣ расониданд. Ҷароҳати бардоштаи вай сабук арзёбӣ мешавад. 

Ҳамчунин ба беморхона хисороти молӣ низ расидааст.

Маълум шудааст, ки соҳиби гов дар наздикии беморхона ба сар мебурдааст ва дар ҳамон рӯзи ҳодиса фирор кардаву ба бемористон сар халондааст.

Мард аз табибону зани маҷрӯҳ узрхоҳӣ кардаву гуфтааст, омодаи пардохти хисорот аст.

798

Мардҳо ғамгину занҳо дар интизори гул Боку дар арафаи ҷашни 8 март

3
(Таҷдидшуда 10:04 08.03.2021)
Мардҳо дар Озарбойҷон ба занҳои худ дар ҷашни 8 март чӣ туҳфа мекунанд? Sputnik Озарбойҷон дақиқи кард, ки мардон ба занони худ чӣ гуна тӯҳфаҳо тақдим мекунанд. Муфассалтар дар навор тамошо кунед

Тиҷорати гул дар 8 март дар авҷ аст.

Дар ин рӯзҳо нархи гулҳо ба осмон мерасанд. Дар ин рӯз ҳар як мард мехоҳад гулдастаи беҳтаринро интихоб кунад. Ҳамин тавр, дар ин рӯзҳо арзиши як лола ба 5 (3 доллар) манат ва садбарг ба 6 (3,5 доллар)манат мерасад. Ҳамин тариқ, арзиши миёнаи як даста гули хоксорона тақрибан 25-30 манат (наздик ба 18 доллар)-ро ташкил медиҳад.

Бо вуҷуди ин, нархномаҳо танҳо табъи мардонро хира мекунанд, дар ҳоле ки занон ба иди дӯстдоштаи худ омодагӣ мегиранд. Тавре ки маълум шуд, занон дар ин рӯз интизори тӯҳфаҳо ҳастанд. Онҳо интизори як даста гул ё атр мебошанд. Дар баробари ин, худи занҳо барои оила ва дӯстон тӯҳфаҳо омода мекунанд.

Дар ин рӯзҳо мардон кушиш мекунанд занон, модарон ва хоҳарони худро бо як даста гул табрик намоянд. Мисли ҳамеша, мардон дар ин рӯз то лаҳзаи охир пушти хариди тӯҳфаҳо мераванд.

3
Барчаспҳо:
мард, тӯҳфа, занон, дақиқ, туҳфа, Озарбойҷон

Сулҳбонони рус сокинони Қарабоғро таҳният гуфтанд - видео

69
(Таҷдидшуда 17:34 07.03.2021)
Нерӯҳои посдори сулҳ мошинҳоеро, ки занон савор буданд, здоштанд, аммо на барои тафтиш, балки барои тақдими гул

Нерӯҳои посдори сулҳи Русия дар постгоҳҳои долони Лачин ба сокинони Қарабоғи Кӯҳӣ гул тақдим карданд.

 "Хушбахтӣ, саломатӣ ба шумо!" - таманно мекарданд низомиён ба занони арман. Дар посух, бонувон изҳори сипос мекарданд, бархе аз онҳо ки калонсол буданд, низомиёнро ба оғуш мегирифтанд.

Тибқи иттилои хадамоти матбуоти Вазорати мудофиаи Русия, хизматчиёни ҳарбӣ ҷинси латифро бо Рӯзи дарпешистодаи занон табрик гуфтанд.

Қайд карда мешавад, ки посдорони сулҳи Русия иҷрои вазифаҳоро оид ба таъмини бехатарии мошинҳои шаҳрвандӣ дар тӯли долони Лачин идома медиҳад.

Сарони Русия, Арманистон ва Озарбойҷон - Владимир Путин, Никол Пашинян ва Илҳом Алиев изҳороти муштарак дар бораи оташбас дар Қарабоғро қабул карданд. Тибқи ин изҳорот, оташбаси комил дар Қарабоғи Кӯҳӣ аз 10 ноябр эътибор пайдо кардааст. Ҷониби Арманистон ба як қатор имтиёзҳои ҳудудӣ розӣ шуд.

Пас аз шикаст дар Қарабоғ Пашинян тасмим гирифтааст дар артиш ислоҳот кунад

Барои назорати оташбас ва амалиёти ҷангӣ, дар минтақаи низои Қарабоғи Кӯҳӣ як контингенти посдори сулҳи Федератсияи Русия ба миқдори 1960 низомӣ, 90 бронетранспортер, 380 адад мошин ва техникаи махсус ҷойгир карда шуд.

69