Алорағми Амрико: "Спутник V" ҷаҳонро тасхир мекунад - навор

185
"Спутник V" ба бозори ҷаҳонӣ роҳ ёфт ва интизор меравад, Аврупо дар зудтарин фурсат сабти ном кардани ваксинаи сохти Русияро рӯи даст мегирад

Амрико ҳамоно аз дипломатҳои худ талаб дорад, ки ба ҳеҷ сурат аз ваксинаи сохти Русия эм нагиранд. Аврупо бошад аллакай ба муассирияти ваксинаи Русия қоил шуд ва дар ояндаи наздик онро сабти ном хоҳад кард.

Зимнан, рӯзи шанбе Русия боз як ваксинаи дигарро сабти ном кард, ки он аллакай саввумин ваксинаи сохти ин кишвар мебошад.

Сарвазири Русия Михаил Мишустин аз сабти ном шудани ваксинаи "КовиВак" хабар дода гуфт, 120 ҳазор вояи нахустини ин ваксин аллакай аз моҳи март мавриди истифодабарӣ қарор мегиранд.

Ҳоло дар Русия имкони алайҳи маризии коронавирус эм гирифтан имконпазир аст. Ҳазорҳо шаҳрвандандон, ки алайҳи ин беморӣ масуният надоранд бо ваксинаи "Спутник V" эм карда мешаванд.

Илова бар ин, моҳи ноябр дуюмин ваксинаи Русия "ЭпиВакКорона" низ сабти ном шуд.

Ба ҳамин минвол, таваҷҷӯҳ ба ваксина сохти Русия ҳамарӯза дар ҳоли афзоиш аст. Агар чӣ Амрико комилан муқобили ваксинаҳои Русия аст.

185
Барчаспҳо:
навор, Амрико, Русия

Сафар ба Миррих лағв мешавад? ин навбат ҳам мушаки Илон Маск таркид - навор

24
Прототипи мушаки такроран истифодашавандаи Илон Маск барои парвоз ба Миррих пас аз чанд дақиқаи фуруд таркид

Ҳавопаймои Starship SN10 тавонист фуруд ояд, аммо дар натиҷаи сӯхтор дар киштӣ сӯзишвории ракета таркид.

Тавре дар навор мушоҳида мешавад, мушак пас аз бозгашт ҳаракаташ суст шудаву давоми чанд сония метаркад.

Ширкати Илон Маск видеои пурраи озмоишҳоро дар канали расмии худ дар Ютуб нашр кард.

Гуфта мешавад, ки таркиш ҳангоми фуруд аз фишори пасти зарфи сӯзишворӣ ҳангоми фуруд рух додааст.

Ин севвумин озмоиши пайдарпайи номуваффақи ин мушак аст, ки ду прототипи қаблӣ ҳангоми фуруд омадан дучор омадаанд.

Аммо, Илон Маск ва кормандони ӯ дар SpaceX бовар надоранд, ки партобҳо бенатиҷа анҷом ёфтанд. Барои тафсилоти бештар дар бораи орзуи парвоз ба Миррих навори омоданамударо тамошо кунед

24
(0:57 / 6.34Mb / просмотров видео: 4491)

Путин гуфт, чӣ гуна Маскав ҳамкасби ӯро аз Аврупо тасхир кард - навор

177
(Таҷдидшуда 12:39 06.03.2021)
Кишвардори Русия Владимир Путин дар Кремл мулоқоти шахсӣ баргузор намуд, ки пас аз он дар бораи тассуроти як ҳамкасби худ аз Аврупо дар бораи Маскавро нақл кард

Ҳамкасби аврупоии Владимир Путин аз "зинда" будани шаҳри Маскав дар ҳайрат мондааст. Ба нақли раисҷумҳури Русия, ҳамкасби ӯ пас аз ташриф овардани ба Маскав таассуроти худро ба ӯ баён намудааст.

Марди аврупоӣ аз он дар тааҷҷуб мондааст, ки роҳҳои шаҳр пур аз нақлиёту мардум ҳама аз пайи кору пайкори худ ҳастанд.

Ӯ бо таассуф вазъияти кишварҳои аврупоиро нақл намуд, ки дар роҳҳо теъдоди ками мошинҳо ҳаракат мекунанд ва ҳамчунин мардумро низ дар кӯча зиёд дидан ғайри имкон аст. Ҳама ҷо баста аст, - изҳор доштааст камкасби Путин.

"Метавон гуфт, ки танҳо дар якҷоягӣ бо талошҳо, аз ҷумла дар арсаи байналмилалӣ, мо метавонем пирӯзии ниҳоӣ бар коронавирусро ба даст орем", - таъкид кард Президенти Федератсияи Русия.

Пандемияи коронавирусӣ, ки соли гузашта аз Чин паҳн шуда буд, тақрибан дар ҳамаи кишварҳо доман зад. Тибқи маълумоти Донишгоҳи Ҷонс Хопкинс, дар ҷаҳон қариб 116 миллион ҳолати сирояти нави коронавирус ошкор шудааст, зиёда аз 2,5 миллион нафар фавтидаанд.

177
Барчаспҳо:
навор, Русия, Владимир Путин

Кай ҳамагирии коронавирус анҷом меёбад: пешгӯии навбатии СҶБ

0
(Таҷдидшуда 18:53 06.03.2021)
Намояндаи Созмони ҷаҳонии Беҳдошт дар масъалаи ваксина ба сабру таҳаммул даъват кард, зеро эм кардани ҳамаи сокинони сайёра якбора ғайриимкон аст

ДУШАНБЕ, 6 мар – Sputnik. Ҳамагирии коронавирус дар соли 2021 хотима намеёбад. Дар ин бора сардори шӯъбаи урупоии Созмони Ҷаҳонии Беҳдошт (СҶБ) Ҳанс Клюге дар мусоҳиба бо Die Welt  гуфт.

Ба гуфтаи ӯ, соли 2021 "як соли дигари COVID хоҳад буд", аммо агар дар соли 2020 мардум дар бораи бемории нав каме иттилоъ дошта будандд, ҳоло пандемия "пешгӯишаванда ва идорашаванда аст".

"Соли 2020 terra incognita, номуайянии илмӣ ва сиёсӣ буд. Пас аз як сол, мо чизҳои бештареро медонем. Мо асбобҳо, барномаҳои ташхисӣ дорем, ваксина дорем. Барои ман, дар кори худ нақшаи пешакӣ муҳим аст. Пандемия то аввали соли 2022 хотима хоҳад ёфт", - гуфт ӯ дар мусоҳиба.

Ба ақидаи ӯ, муҳим аст, ки чӣ гуна кишварҳо маҳдудиятҳоро бекор мекунанд: агар зуд ба амал ояд, вазъ ба тасвири аввала бармегардад.

Клуге инчунин даъват кард, ки дар масъалаи ваксина мардум сабур бошанд, зеро эм кардани ҳамаи сокинони сайёра якбора ғайриимкон аст.

0
Барчаспҳо:
пешгӯӣ, вируси корона, хатм, СҶБ