Харобшавии қасру бошишгоҳҳои таърихӣ дар Украина - видео

77
(Таҷдидшуда 14:44 22.02.2021)
Чаро мақомоти Украина барои барқарорсозии иншооти пурқимати таърихӣ шитоб намекунанд ва кӣ метавонад мероси фарҳангиро аз нобудшавӣ наҷот диҳад

Ҳавопаймоҳои бесарнишин даҳҳо ёдгории меъмории Украинаро ба навор гирифтанд, ки дар ҳоли хароб қарор доранд.

Дар ҷангалҳои минтақаи Винниса, маҷмааи қаср ва боғ аз даст рафта истодааст, ки бошишгоҳи оилавии граф Константин Ксидо буд. Ҳоло бинои таърихӣ ба мисли бисёр ёдгориҳои меъмории Украина дар ҳолати садамавӣ қарор дорад.

Дар вилояти Лвов як калисои 500-сола, ки ба феҳристи мероси ЮНЕСКО шомил карда шудааст, дар ҳоли нобудшавӣ қарор дорад. Нобудшавӣ инчунин ба наққошие, ки дар калисо ҳифз шудааст, таҳдид мекунад.

Дар минтақаи Черкас як бошишгоҳи асри 18 дар ҳоли харобшавист, қасри графҳои Рееви асри 19 дар вилояти Ивано-Франковск низ беназорат партофта шудааст.

Дар маҷмӯъ, дар Украина тақрибан 130 ҳазор иншооти мероси фарҳангӣ мавҷуданд, ки беш аз 8 ҳазор онҳо корҳои таъмиру барқароркуниро талаб мекунанд.

Аммо мақомоти Украина барои барқарорсозӣ шитоб намекунанд. Оё касе метавонад ҷойҳои таърихиро наҷот диҳад? Барои тафсилот видеои Sputnik - ро бубинед.

77
Барчаспҳо:
таърих, Украина

Ин чӣ аҷиб аст: бонувон дар ҳаракатҳои аҷиби акробатикӣ нишон доданд видео

170
(Таҷдидшуда 17:22 08.03.2021)
Ду гимнастбоз аз Русия дар параплан ҳаракатҳои гимнастикиро нишон доданд. Дар баландӣ, духтарони бидуни бандҳои эҳтиётӣ ҳаракатҳои акробатикӣ нишон доданд

Ду духтари гимнастбоз аз шаҳри Бердски Русия дар параплан маҳорати худро нишон доданд.

Ҳамаи ҳаракатҳои акробатики дар баландии тақрибан 600 метр нишон дода шуд.

Фозилова нахустин тоҷикдухтарест, ки ба тими Гурҷистон пайваст

Дар ҷаҳон бори аввал аст, ки гимнастбозон дар баландии 600 метр бидуни бандҳои эҳтиётӣ барнома намоиш доданд. Обу ҳаво ва набудани бандҳои эҳтиётӣ ба намоиши ин барнома халал нарасонданд.

Чемпионати ҷаҳон-2022: санаи бозӣ байни мунтахаби Тоҷикистон ва Муғулистон дақиқ шуд

Варзишгарон таъкид карданд, ки бори дигар барнолмаҳо баландтар аз 600 метр намоиш дода мешаванд.

170
Барчаспҳо:
варзиш, ҳаракат, барнома, Русия

Мардҳо ғамгину занҳо дар интизори гул Боку дар арафаи ҷашни 8 март

106
(Таҷдидшуда 10:04 08.03.2021)
Мардҳо дар Озарбойҷон ба занҳои худ дар ҷашни 8 март чӣ туҳфа мекунанд? Sputnik Озарбойҷон дақиқи кард, ки мардон ба занони худ чӣ гуна тӯҳфаҳо тақдим мекунанд. Муфассалтар дар навор тамошо кунед

Тиҷорати гул дар 8 март дар авҷ аст.

Дар ин рӯзҳо нархи гулҳо ба осмон мерасанд. Дар ин рӯз ҳар як мард мехоҳад гулдастаи беҳтаринро интихоб кунад. Ҳамин тавр, дар ин рӯзҳо арзиши як лола ба 5 (3 доллар) манат ва садбарг ба 6 (3,5 доллар)манат мерасад. Ҳамин тариқ, арзиши миёнаи як даста гули хоксорона тақрибан 25-30 манат (наздик ба 18 доллар)-ро ташкил медиҳад.

Бо вуҷуди ин, нархномаҳо танҳо табъи мардонро хира мекунанд, дар ҳоле ки занон ба иди дӯстдоштаи худ омодагӣ мегиранд. Тавре ки маълум шуд, занон дар ин рӯз интизори тӯҳфаҳо ҳастанд. Онҳо интизори як даста гул ё атр мебошанд. Дар баробари ин, худи занҳо барои оила ва дӯстон тӯҳфаҳо омода мекунанд.

Дар ин рӯзҳо мардон кушиш мекунанд занон, модарон ва хоҳарони худро бо як даста гул табрик намоянд. Мисли ҳамеша, мардон дар ин рӯз то лаҳзаи охир пушти хариди тӯҳфаҳо мераванд.

106
Барчаспҳо:
мард, тӯҳфа, занон, дақиқ, туҳфа, Озарбойҷон
Председатель Высшего совета национального примирения Афганистана Абдулла Абдулла

Вокуниши мақомоти афғон ба тарҳи сулҳи нави Амрико

0
(Таҷдидшуда 19:13 08.03.2021)
Тарҳи нави давлати Амрико дар бораи ташкили давлати муваққат ё ҳукумати мушорикатӣ бо Толибон дар Афғонистон вокуниши шадиди мақомоти ин кишварро дар пай доштаву давлати Афғонистон таъкид кардааст, ки Кобул ҳаргиз таслими хостаҳои ғайриқонунии Амрико намешавад

ДУШАНБЕ, 8 март – Sputnik.  Раиси Шӯрои олии мусолиҳаи миллии Афғонистон рӯзи душанбе дар вокунише тунд ба номаи ахири вазири умури хориҷаи Амрико гуфт, ки давлати Байден наметавонад бо зӯру фишор хостаҳои ғайриқонунии худро ба мардуми Афғонистон таҳмил ва давлати Афғонистонро водор ба ташкили давлати муваққат кунад, иттилоъ додааст хабаргузории "Парстудей".

Абдуллоҳ Абдуллоҳ дар маросими гиромидошти ҳафтумин солгарди даргузашти Муҳаммадқосими Фаҳим, собиқ муовини аввали раёсати ҷумҳурии Афғонистон дар Кобул изофа кард, ки вахомати авзои амниятӣ мардумро дар шароити душворе қарор додааст ва ҷомеаи маданӣ, расонаҳо, хабарнигорон, уламои динӣ ва ҳеч як аз афроди ҷомеа масуният надоранд.

Дар ҳамин ҳол, Амруллоҳ Солеҳ, муовини аввали раиси ҷумҳурии Афғонистон ҳам дар ин маросим таъкид кард, Кобул сулҳи омиронаро намепазирад ва дар муқобили он меистад.

Амруллоҳ Солеҳ тарҳи нави сулҳи Зулмай Халилзод, намояндаи Амрико дар умури Афғонистонро «санади нанг» номид ва изофа кард, ки мақомоти афғонистонӣ ҳаргиз чунин санадеро имзо нахоҳанд кард.

Муовини аввали раиси ҷумҳурии Афғонистон изҳор дошт, ки ҳамон гуна, ки Амрикову Ғарб ҳақ доранд дар бораи сарнавишти низомиёни худ бо Толибон нишаст баргузор кунанд, мо ҳам ҳақ дорем дар бораи сарнавишти шаҳрвандони худ бар асоси манофеи миллии кишварамон тасмим бигирем.

Амруллоҳ Солеҳ афзуд, ки давлати Кобул ҳаргиз ҳозир намешавад бо сарнавишти мардуми худ муомила ва созиш кунад.

Тарҳи нави Амрико барои сулҳ дар Афғонистон

Вазири умури хориҷаи Амрико дар номае ба Муҳаммад Ашраф Ғанӣ, вайро таҳдид кардааст, ки бо тарҳи нави давлати Амрико дар хусуси ташкили давлати муваққат ва ё ҳукумати мушорикатӣ бо Толибон мувофиқат кунад.

0
Барчаспҳо:
сулҳ, Кобул, Толибон, вокуниш, Амрико, Афғонистон