Ороиши мӯйи сари мардон тӯли 100 сол

200
Дар ин видео бубинед, чи гуна шакли ороиши мӯйи сари мардон дар давоми сад соли ахир тағйир ёфтааст.
200
Барчаспҳо:
давом, сол, сад, шакл, мӯй, ороиш, мардон
Сотрудники медицинской службы в аэропорту Душанбе

Пешгӯии изтиробовари коршинос: коронавирус ба Тоҷикистон ҳам мерасад

6331
(Таҷдидшуда 13:17 11.04.2020)
Сармутахассиси бемориҳои сироятии Қазоқистон, профессор Динагул Баешева мегӯяд коронавирус Тоҷикистон ва Туркманистонро низ фарогир мешавад

ДУШАНБЕ, 10 апр — Sputnik. Тоҷикистон ва Туркманистон низ аз сирояти коронавирус канор намемонанд, вале беморӣ ба ин кишварҳо дертар мерасад, мегӯяд сармутахассиси бемориҳои сироятии Қазоқистон, профессор Динагул Баешева.

Мақомоти Туркманистон мегӯянд, феълан ягон ҳолати гирифторӣ аз коронавирус дар кишвар ба қайд гирифта нашудааст. 

Бино бар гузориши расмии намояндаи доимии Созмони ҷаҳонии беҳдошт дар Тоҷикистон, Галина Перфилиева то ҳол дар Тоҷикистон низ ягон ҳолати гирифторӣ ба COVID-19 сабт нашудааст.

"Ҳамааш аз муносибати мақомот ба ин мушкилот ва интизоми мардум вобаста аст. Чуноне мегӯянд, ҳоло шом нашудааст. Вақте коронавирус дар Чин зуҳур кард, ҳама ҳадз мезаданд, ки дар Қазоқистон низ ин беморӣ паҳн мешавад, вале чуноне мебинед ба Қазоқистон сироят на аз Чин балки аз Урупо омад. Дақиқан Тоҷикистон ва Туркманистон низ эҳтимол аст ба ин эпидемия гирифтор шаванд, вале каме баъдтар. Чуноне Қазоқистон ва Қирғизистон, ки дертар аз кишварҳои Урупо сироят шуданд", - гуфт Баешева дар суҳбат бо РИА Новости.

Ӯ қайд кард, ки дар пешгирии коронавирус интизом ва муносибати мардум, хеле муҳим аст.

Праздничный концерт в Худжанде
© Официальная страница пресс-службы президента РТ в Facebook.

"Нахуст ин, ки ҷудоикунӣ хеле самаранок аст, агар мардум ин принсипҳоро риоя мекарданд, ҳатто ба бастани сарҳадҳо ниёз намемонд. Дар Ҷопон сарҳадҳоро низ набастанд, чораҳои вижа роҳандозӣ накарданд, вале маргу мир дар ин кишвар дар қиёс бо кишварҳои Урупо камтар аст. Онҳо пӯшидани ниқоб ва зиндагии ҷудогонаро одат кардаанд ва ин чиз барои онҳо аҳамияти бузург дорад", - гуфт Баешева.

Ӯ ҳамчунин қайд кард, ки дар Қазоқистон аз аввали зуҳури коронавирус аз ҷониби мақомот чораҳои вижа роҳандозӣ шуд.

"Таҳлилҳо манфӣ": фавти марди 60-сола ва карантинкунии 13 сокини Ҷаббор Расулов дар Хуҷанд

"Пас аз эъломи пандемияи коронавирус, Қазоқистон вазъи фавқуллода, қарантина эълом кард, вале мо фарҳанги зиндагии ҷудогонаро надорем, аммо чораҳои пешгирикунандаи мақомот самараи худро доданд ва паҳншавии сироят каме бозистод, дар қиёс бо кишварҳое, ки чунин чораҳоро аз аввали зуҳури беморӣ сарфи назар карданд", - гуфт Баешева.

Коршинос бовар дорад, давлатҳое, ки то ҳол ин бемориро таҷриба накардаанд, бояд аз баргузории чорабиниҳои оммавӣ худдорӣ кунанд.

Созмони ҷаҳонии беҳдошт 11 март сирояти COVID-19 - ро пандемия эълом кард.

Супоришҳои Раҳмон ба Вазорати тандурустӣ барои пешгирӣ аз коронавирус

Бино ба гузориши СҶБ то имрӯз дар ҷаҳон беш аз 1,35 миллион ҳолати сироятшавӣ ба қайд гирифта шуда, зиёда аз 89,4  ҳазор кас ҷон бохтааст.

Ҳамагирии коронавирус

Коронавирус авохири моҳи декабри соли 2019 дар Вуҳани Чин зуҳур кард ва зуд дар дигар кишварҳо паҳн шуд.

Тибқи омори ахир, то 9 апрел беш аз 1,5 миллион кас дар 209 кишвари ҷаҳон аз коронавирус сироят шудааст. Беш аз 89,4 ҳазор нафар ҷон бохта, пизишкон 337,1 беморро табобат карданд.

6331
Барчаспҳо:
пешгӯӣ, коршиносон, вирус, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Маймунҳо дар қасди дуздии камера

49
(Таҷдидшуда 18:07 20.06.2016)
Ҳамдунаҳо камераро дарёфт карда тасмим гирифтанд онро рабоянд. Дар навор рӯшан аст, ки чи гуна ҳамдунаҳо камераро тоб дода ва маззаи онро мечашанд.
49
День 15 июля

Ҷашнҳои рӯзи 15 июл дар Тоҷикистон ва ҷаҳон

0
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

0
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон