Джеб Буш. Архивное фото

Буш бовар дорад, ки бародараш президенти ояндаи ИМА аст

24
(Таҷдидшуда 12:57 08.12.2014)
Дар интихоботи ояндаи президентии Амрико дар соли 2016 рақобати аслӣ миёни пайвандони собиқ сарварони ин давлат- ҳамсари Билл Клинтон- бону Хиллари ва бародари Ҷорҷ Буши хурдӣ- Ҷеб сурат мегирад.

ДУШАНБЕ, 8 дек — Sputnik. Дар интихоботи президентии соли 2016-и ИМА рақибони асосӣ Хиллари Клинтон ва Ҷеб Буш мебошанд, менависад Газета.Ru.

Ҷорҷ Буш бо таваҷҷӯҳи хосааш ба хонаводаи Клинтон маълум аст, ӯ Хиллариро "хешованд"-и наздики худ мехонад. Аммо, новобаста ба ин, президенти собиқ ба ғалабаи бародараш Ҷеб, губернатори пешини иёлати Флорида боварӣ дорад.

 Хонаводаҳои Бушу Клинтон ҳанӯз аз интихоботи соли 1992 миёни ҳам барои ҳокимият рақобат мекунанд. Он замон Билл Клинтон дар интихобот Ҷорҷ Буши калониро мағлуб карда, соли 2000-ум бошад, Буши хурдӣ дар баробари Алберт Гор, собиқ ноиби Клинтон пирӯзӣ ба даст овард.

Буш дар бораи ширкати бародараш- Ҷеб  дар интихоботи президентии оянда дар даҳаи дуюми моҳи ноябри соли равон иттилоъ дода, иброз дошт, ки шонси ғалабаи ӯ 50 ба 50 аст.

Муносибат бо Бушҳо дар Америка мутафовит аст. Буши калони соҳибэҳтиром буда, дар мавриди Буши дуввум (Ҷорҷ) инро наметавон гуфт.

Аснои ҳукмронии Буши калонӣ рейтинги обрӯяш то ба 86 % боло рафта (замони ҷанг дар Халиҷи Форс), вақти болоравии андоз то ба 40 % коҳиш ёфт, иттилоъ медиҳад радиои Озодӣ. Маъруфияти собиқ президенти ИМА дар ҳоли ҳозир рӯ ба афзоиш буда, он дар доираи 60 % қарор дорад.

Ба ғайр аз Ҷеб Буш, номзадҳои эҳтимолӣ аз Ҳизби ҷумҳурихоҳон- Крис Кристи, губернатори Ню-Ҷерси ва сенаторҳо- Марко Рубио ва Рэнда Полоро низ ном мебаранд.

Ҷо Байден, ноиби райисҷумҳури феълӣ метавонад дар баробари Хиллари Клинтон номзад ба мақоми президентӣ бошад, менависад "Аргументы и факты".

24
Барчаспҳо:
рейтинг, рақобат, интихобот, ноибрайис, президенти ИМА, Полоро, Марко Рубио, Алберт Гор, Хиллари Клинтон, Ҷеб, Ҷеб Буш, Ҷорҷ Буш, Амрико, Халиҷи Форс, Флорида, ИМА
Американский телеведущий Ларри Кинг

Даргузашти рӯзноманигори маъруф Ларри Кинг аз коронавирус

48
(Таҷдидшуда 20:35 23.01.2021)
Рӯзноманигори маъруфи ҷаҳонӣ Ларри Кинг дар синни 87-солагӣ вафот кард. Ӯро чанде пеш дар пайи сироят аз коронавирус ба бемористон интиқол дода буданд

ДУШАНБЕ, 23 янв — Sputnik. Муҷрии машҳури телевизиони амрикоӣ Ларри Кинг аз коронавирус даргузашт. Дар ин бора дар саҳифаи вай дар Твиттер хабар дода мешавад.

Рӯзноманигор 87 сол дошт.

Ҳудуди 3 ҳафта пеш Кинг дар пайи сироятёбӣ аз коронавирус ба бемористони Лос-Анҷелес интиқол ёфта буд. Маълум аст, ки ба ғайр аз коронавирус, рӯзноманигор муддати зиёде бо бемории саратон ва паёмадҳои сактаи мағзӣ мубориза мебурд.

Владимир Соловёв, роҳбари Иттиҳоди журналистони Русия ба наздикон ва ихлосмандони Ларри Кинг изҳори ҳамдардӣ кардааст. Вай таъкид намудааст, ки ба воситаи студияи Ларри Кинг нафарони зиёди боистеъдод ва машҳур гузаштанд.

"Кинг аз машҳуртарин ва барҷастатарин рӯзноманигорони амрикоӣ дар ҷаҳон буд. Муҷриёни зиёде, аз ҷумла ман аз вай нозукиҳои касбро омӯхтаем", - қайд кардааст Соловёв.

Ёдрас мешавем, Ларри Кинг муаллифи барномаи ба тамоми ҷаҳон машҳури Larry King Live буд, ки аз соли 1985 то соли 2010 дар телевизиони CNN мебурд.

Ба рӯзноманигор дар "Хиёбони шӯҳрат" дар Ҳолливуд ситора гузоштаанд. Ҳамчунин вай дорандаи ҷоизаҳои машҳури "Эмми" ва "Пибоди" буд.

48

Туркия ба истеҳсоли ваксинаи "Спутник V" шурӯъ мекунад

78
(Таҷдидшуда 18:12 23.01.2021)
Интизор меравад, пас аз истеҳсоли ваксин он ҳам дар дохили бозори ин кишвар ба ҳам ба дигар давлатҳо интиқол меёбад

ДУШАНБЕ, 23 янв — Sputnik. Фонди сармоягузории мустақими Русия бо як истеҳсолкунандаи пешбари маҳсулоти дорусозии Туркия оид ба истеҳсоли ваксинаи коронавируси "Спутник V" дар Туркия шартнома ба имзо расонидааст, хабар медиҳад РИА Новости.

"Ҳаҷми эҳтимолии истеҳсол миллионҳо дозаи ваксинаи "Спутник V" дар як сол аст. Масъалаи тавсеаи эҳтимолии истеҳсолот дар оянда низ баррасӣ мешавад. Ваксина ҳам ба бозори дохилии Туркия ва ҳам ба кишварҳои дигар интиқол меёбад", - таъкид мешавад дар хабар.

Фонди сармуягузории мустақими Русия мегӯяд, шарикони туркӣ ба ваксинаи сохти русӣ, ки 90 дарсади сареҳияти он собит шудааст, таваҷҷӯҳ зоҳир намуданд.

Ваксинаи "Спутник V", ки аллакай аз озмоиши пурраи клиникӣ баромадааст ва мавриди истифода қарор гирифтааст, дар кишварҳое чун  Беларуссия, Аргентина, АМА, Маҷористон, Сербия, Боливия, Алҷазоир, Фаластин, Венесуэла, Парагвай ва Туркманистон роҳ ёфтааст.

Ҳоло бошад раванди сабти ном шудани он дар Иттиҳоди Аврупо идома дорад.

Ёдовар мешавем, ки рӯзи 19 январ тавассути ҳавопаймо ваксинаи мазкур ба низ Тоҷикистон интиқол ёфт ва маъракаи эмгузаронӣ бар зидди коронавирус дар пойгоҳи низомии 201-уми Русия дар Тоҷикистон оғоз ёфтааст.

Эмгузаронии низомиёни рус дар Тоҷикистон оғоз шуд – видео

Нахустин маъракаи эмгузаронӣ аз пизишкони беморхонаи 451-уми ҳарбии Русия шурӯъ шуда буд. Сипас эмгузаронӣ миёни ҳайати фармондеҳон, қувваҳои навбатдории пойгоҳ ва сарбозон, идома ёфт.

Дар маҷмӯъ, ба ҷумҳурӣ 1100 адад воя воксина расонида шуд. Барои амн нигоҳ доштани воксинаҳо, онҳо дар сандуқҳои махсус интиқол ёфтанд.

78
Барчаспҳо:
Русия, истеҳсол, Туркия
День 24 января

Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих

0
(Таҷдидшуда 19:43 23.01.2021)
Рӯзи бистучоруми январ ҳамчун Рӯзи байналмилалии эскимо мебошад. Зимнан дар ин рӯз дар Ҳиндустон аз Рӯзи миллии духтарон ва дар Британияи Кабир Рӯзи ёдбуди қурбониёни генотсид дар Ҷанги дуюми ҷаҳонӣ таҷлил мегардад

Рӯзи 24 январ дар ҷаҳон чӣ рух дод

Соли 1939 дар Чили заминҷунбии шадид ба амал омад, ки дар натича зиёда аз 50 ҳазор нафар ба ҳалокат расиданд.

 

Последствия землетрясения и цунами в Чили 16 сентября 2015 года
Pablo Ovalle Isasmendi/AGENCIA UNO via AP
Последствия землетрясения и цунами в Чили 16 сентября 2015 года

Соли 1946 Комиссияи СММ оид ба энергияи атомӣ таъсис дода шуд.

Рӯзи 24 январ дар Тоҷикистон чӣ рух дод

Соли 2013 дар шаҳри Душанбе таҳти раёсати раисҷумҳури Тоҷикистон Эмомалӣ Раҳмон ҷаласаи Шӯрои амнияти Ҷумҳурии Тоҷикистон доир ба натиҷаҳои фаъолият дар соли 2012 ва вазифаҳо барои соли 2013 баргузор гардид.

День 3 января
© Sputnik/ Стас Этвеш/ Мария Вишнякова

Соли 2014 дар шаҳри Душанбе масоили вақт ва дурнамои ҳамкории мутақобиланд судманду гуногунҷанбаи Тоҷикистону Русия муҳокима карда шуданд.Соли 2014 пас аз анҷоми ҷаласаи 12-уми байниҳукуматии Тоҷикистону Русия оид ба ҳамкории тиҷоратӣ-иқтисодӣ шартномаи муштарак оид ба ҳамкории дуҷониба ба имзо расид.

Соли 2008 Стратегияи мубориза бо коррупсия дар Ҷумҳурии Тоҷикистон барои солҳои 2008-2012 қабул гардид.

Соли 2010 намояндагии дипломатии Шоҳигарии Арабистони Саудӣ фаъолияти худро дар Ҷумҳурии Тоҷикистон оғоз намуд.

Соли 2014 дар шаҳри Санкт-Петербурги Федератсияи Русия бозии кушодашавии Ҷоми "Иттиҳод-2014" миёни дастаҳои Тоҷикистон ва Эстония бо натиҷаи мусовӣ  2:2 ба анҷом расид.

Ҷашнҳои рӯзи 3 январ дар Тоҷикистон ва ҷаҳон

Соли 2017 дар Сафорати Япония дар Душанбе маросими баимзорасии 10 лоиҳаи нави Барномаи Ҳукумати Япония оид ба кумаки бебозгашт ва бехатарии гуманитарӣ барои ҳамаи қишрҳои аҳолӣ ба имзо расид.

Ҷашнҳои рӯзи 24 январ

  • Рӯзи байналмилалии эскимо.
  • Дар Британияи Кабир – Рӯзи ёдбуди қурбониёни генотсид  (қатли ом бо баҳонаҳои нажодӣ, миллӣ ва динӣ)  дар Ҷанги дуюми ҷаҳон.
  • Дар Ҳиндустон – Рӯзи миллии духтарон.
0
Барчаспҳо:
ҷашн, ҷаҳон, Тоҷикистон