Президент Украины Петра Порошенко. Архивное фото

Порошенко бори дигар Русияро дар бӯҳрони Украина гунаҳкор кард

11
(Таҷдидшуда 14:36 11.12.2014)
Сарвари Украина, ки алъон дар Австралия масоили воридоти ангишуту газро ба кишвараш баррасӣ мекунад, ба Русия муроҷиат кард. Пас аз мулоқоташ бо нахуствазир Тони Эббот, аснои нишасти матбуотӣ даъвои худро изҳор дошт.

ДУШАНБЕ, 11 дек — Sputnik. Пётр Порошенко, президенти Украина бори дигар масъулияти вазъ дар кишварро болои Русия таҳмил карда, ҳарфҳои моҳи сентябр гуфтаашро такрор сохт, хабар медиҳад РИА Новости.

"Лутфан, тирпаррониро қатъ кунед. Лутфан, гаравгонҳоро озод намоед. Лутфан, низомиёнро аз қалмрави ман берун кунед",- иброз дошт Порошенко  ҳангоми муроҷиат ба Русия дар Мелубрн аснои конфронси матбуотӣ.

Ҳамчунин, пешвои Украина аз ФР дархости бастани марзро бо кишвараш кард. Ба гуфташ, ин амал боиси "сулҳу субот дар Украина" баъди чанд ҳафта хоҳад шуд.

Моҳи сентябр низ Порошенко дар нишасти ташкилоти таҳлилии Амрико як чунин суханонро дар қиболи Русия таъкид карда буд.

"Ман мехоҳам ба ин масъала равшанӣ андозам, ки Украина на танҳо барои мустақилият ва дахлнопазирии қаламраваш, балки барои демократияЮ сулҳ  ва озодӣ ҷанг мекунад",- илова кард пешвои Украина дар Мелбурн.

Мақомоти Украина ва кишварҳои ғарбӣ ҳамеша аз Русия интиқод карда, Маскавро дар барафрӯхтани низоъ дар шарқи он кишвар гунаҳкор медонанд. Русия чандин бор эълом дошт, ки ҳеч иртиботе ба қазия надорад ва яке аз ҷонибҳои даргир маҳсуб намегардад. Баръакс, Маскав ҳамеша ҷонибдори ҳалли низоъ дар Украина буд ва ҳаст.

11
Барчаспҳо:
субот, сулҳ, ыанг, бӯҳрон, нахуствазир, президенти Украина, Эббот, Порошенко, Мелбурн, Австралия, Украина, Русия, Маскав
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

53
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

53
Солдаты спецназа США (зеленые береты) в Афганистане. Архивное фото

Коронавирус низомиёни Олмонро аз хоки Афғонистон берун кашид

165
(Таҷдидшуда 03:37 05.06.2020)
Шуморе аз низомиёни олмонии мустақар дар Афғонистон ба далели гирифторӣ ба коронавирус, хоки ин кишварро тарк карданд

ДУШАНБЕ, 5 июн – Sputnik.  Чаҳор низомии олмоние, ки дар фурудгоҳи Кобул карантин буданд шаҳри Мазори Шариф- маркази вилояти Балх  дар шимоли Афғонистонро ба мақсади Колон (Cologne) тарк карданд, радиои Садои Хуросон.

Дар ҳоле теъдоде аз низомиёни олмонӣ ба далели гирифторӣ ба корона аз хоки Афғонистон хориҷ шуданд, ки пеш аз ин неруи ҳавоии ин кишвар аз гирифтории бархе аз низомиёнаш ба корона хабар дода буд.

Пештар гуфта шуда буд, ки садҳо нафар аз низомиёни хориҷӣ ба фармондеҳии Амрико мустақар дар Афғонистон ба корона мубтало шуданд, ки ҳамин масъала боиси нигаронии мардум, мақомот ва низомиёни ин кишвар шуда буд.

Ёдрас мешавем, ки ахиран созмони ҷаҳонии беҳдошт мегӯяд, вазъи паҳншавии коронавирус дар ҷаҳон то ҳол дар ҳамон сатҳест, ки аввали сол буд.

Ханс Клюге, мудири бахши аврупоии Созмони ҷаҳонии тандурустӣ мегӯяд, бурузи дубораи коронавируси навъи нав ба тамоми ҷаҳон таҳдид мекунад.

Ба гуфтаи вай, мавҷи дувум агар пешгирӣ нашавад, мудҳиштар хоҳад буд.

Коронавируси навъи нав бори нахуст моҳи декабри соли 2019 дар Вуҳани Чин ошкор шуд. Уфунат зуд аз шаҳр ва кишвар паҳн гардид. 

То имрӯз дар ҷаҳон шумораи гирифторони навъи нави коронавируси COVID-19 ба бештар аз 6 миллиону 263 ҳазор расид.

Ҳамзамон, аз ин теъдод то имрӯз 2 миллиону 846 ҳазору 813 кас шифо ёфтаанд ва 373 ҳазору 899 тан вафот кардаанд.

165
Барчаспҳо:
мустақар, тарк, Олмон, вирус, Афғонистон
Портфель с документами, архивное фото

“Боло омад”: барканории прокурори ноҳияи Хуросон

0
(Таҷдидшуда 17:34 05.06.2020)
Саид Сафарзода, прокурори ноҳияи Хуросон, аз вазифа барканор шуд. Аммо ин барканорӣ то ба ҳол расман эълон нашудааст

ДУШАНБЕ, 5 июн – Sputnik. Як манбаъ дар мақомоти ҳукумати ноҳияи Хуросон дар таъйиди ин хабар ба Sputnik Тоҷикистон гуфт, Саид Сафарзода бо фармони прокурори генералии Тоҷикистон сурат гирифта, ӯ ба Душанбе рафтааст.

“Аз рӯи маълумоти мо, ӯ дар Душанбе ба вазифаи баландтар гузаштааст. Аммо то ба ҳол дар ҷои ӯ нафари тоза муаррифӣ нашудааст”, - гуфт манбаъ.

Тибқи иттилои сомонаи Прокуратураи генералии Тоҷикистон, Саид Сафарзода Шараф Мушовири адлияи дараҷаи 1 буда, соли 1985 Донишгоҳи миллии Тоҷикистон (он замон Донишгоҳи Давлатии Тоҷикистон ба номи В. И. Ленин) – ро хатм кардааст ва соли 2017 прокурори ноҳияи Хуросон таъин шудааст.

Тибқи муқаррароти қонунгузории Тоҷикистон, прокурор ҳуқуқи панҷ сол кор кардан дар як вазифаро дорад ва Сафарзода метавонист ду соли дигар кор кунад.

Ин барканорӣ то куҷо ба ҳаводиси 20 рӯзи ахир дар ноҳияи Хуросон рабт дорад, маълум нест. 14 ба 16 майи соли равон дар пайи боронҳои шадид дар ҷамоати деҳоти Садриддин Айнии ноҳияи Хуросони вилояти Хатлон селхезӣ ба вуқӯъ пайваста, даҳҳо хонаро тахриб кард ва даҳҳо нафарро дар кӯча гузошт.

Осебдидагон бо нишони эътироз аз набудани кӯмак роҳи Душанбе - Бохтарро бастанд. "То кӯмак нарасонанд, роҳро боз намекунем!"- шиор доданд онҳо.

Баъдтар ниҳодҳои ҳукуматӣ кӯмаки худро ба осебдидагон расонданд ва вазъ оддӣ шуд. Дар ҳамин ҳол, бино ба иттилои дарёфтӣ, Саид Сафарзода муовини ректори Донишкадаи такмили назди Прокуратураи генералии Тоҷикистон таъин шудааст.

Иттилои барканорӣ ва таъиноти нави Саид Сафарзода то ба ҳол расман таъйид нашудааст.

Тибқи иттилои дарёфтӣ, Саид Сафарзода муовини ректори Донишкадаи такмили назди Прокуратураи генералии Тоҷикистон таъин шудааст.

0