Эйфелева башня

Назарсанҷӣ: 66 % фаронсавиҳо мухолифи кӯмаки молиявӣ ба Украина

20
(Таҷдидшуда 09:04 26.12.2014)
Таҳқиқоти анҷомёфта дар се кишвари аврупоӣ аз сӯи оҷонсии ICM Research бо дархости Sputnik маълум кард, ки аксари пурсидашудаҳо дар Фаронса мухолифи идомаи ироаи кӯмакҳои молӣ аз сӯи ИА ба Украина мебошанд.

ДУШАНБЕ, 26 дек — Sputnik. Бар пояи тадқиқоти оҷонсии ICM Research бо дархости Sputnik, ки дар Олмон, Фаронса ва Британияи Кабир сурат гирифт, 66 % фаронсавиҳо идомаи ирсоли кӯмакҳои молӣ ба Украинаро ҷонибдорӣ намекунанд.

Оҷонсӣ ба сокинони ин се кишвари аврупоӣ бо саволи “ИА ба Украина ёрии молиявӣ мерасонад ва дар ҳоли ҳозир ҳаҷми он аз 1,6 миллиард евро гузашт, ба назари шумо Иттиҳоди Аврупо ин амалро идома бидиҳад, ё дигар маблағ ҷудо накунад?”, муроҷиат кард.

Дар маҷмӯъ, аҳолии кишварҳои аврупоӣ аксаран гуфтанд, ИА аллакай маблағи зиёд масраф кард ва идомаи маблғгузорӣ ба иқтисоди Украина бемантиқ аст. 55 % сокинон ҷонибдори қатъи кӯмакҳо мебошанд. Ҳамагӣ 35 % иброз доштанд, ки ироаи кӯмакҳои молӣ бояд идома кунад. Назари аврупоиҳо дар ин масъала мухталиф ҳаст.

Таври мисол, олмониҳо ҷонибдори зиёд кардани кӯмакҳои молиявӣ ба Украина ҳастанд (55 %). Дар Британияи Кабир ва Фаронса бошад, баръакс. Мутаносибан 59 ва 66 %-и аҳолии ин ду кишвар мухолифи идомаи ироаи кӯмакҳои молиявии ИА ба Украина мебошанд.

Ба суолҳои ҷомеашиносон аз оҷонсии ICM Research 3013 нафар посух гуфтанд. Интихоб аз рӯи ҷинс, сину сол, ҷуғрофия сурат гирифта, фосилаи итминон  +/- 3,1%  ва эҳтимолияти эътимод 95 %-ро ташкил медиҳад.

Тасвирбаён (инфографика)-и назарсанҷии таҳримҳои ИА ва ИМА алайҳи ФР
© Инфографика .
Тасвирбаён (инфографика)-и назарсанҷии таҳримҳои ИА ва ИМА алайҳи ФР

 

 

20
Барчаспҳо:
кӯмаки молиявӣ, таҳрим, ICM Research, Sputnik, Британияи Кабир, Фаронса, Олмон, Украина
Мавзуъ
Назарсанҷӣ: ИМА ва ИА дар ҳамоҳангӣ алайҳи ФР таҳрим ҷорӣ карданд
Сербистон аз эъломи таҳрим алайҳи Русия худдорӣ кард
Русия - Ғарб: ҷанги таҳрим
Невеста идет босиком по дороге

Шавҳар кардан мехоҳем: эътирози арӯсшавандаҳо барои манъи баргузории маросими тӯй

1385
(Таҷдидшуда 15:07 09.07.2020)
Арӯсшавандаҳо аз ҳукумадорон талаб намудаанд, то қарори манъ намудани маросими баргузории тӯйро, ки дар пасманзари авҷи маризии коронавирус ҷорӣ гардида шуд, лағв намоянд

ДУШАНБЕ, 9 июл – Sputnik. Дасти кам 15 нафар арӯсшаванда дар Италия, ки маросими тӯйи онҳо ба хотири авҷи маризии коронавирус ба вақти дигар гузаронда шуд, даст ба эътироз заданд, хабар медиҳад The Daily Mail. 

Ба иттилои манбаъ, духтарон либоси арӯсиро ба бар намуда дар назди фаввораи Треви дар маркази Рим гирд омаданд то нигаронии худро дар робита ба манъ будани баргузории маросими арӯсӣ иброз кунанд.

Эрон: пас аз баргузории тӯй 50 кас ба коронавирус гирифтор шуданд

Зимнан, ба сафи арӯсшавандаҳо кормандони ташкилотҳое, ки маъракаи арӯсиро сомон медиҳанд пайвастанд ва то бинои парлумон роҳпаймоӣ намуданд.

Арӯсшавандаҳо дар даст шиорҳо бо навиштаҷоти "Тӯйҳо бидуни маҳдудият", "Шумо издивоҷи моро қатъ кардед", "Дари калисо барои баргузории тӯйро бастед", доштанд.

"Ман эътироз мекунам, зеро мехоҳам издивоҷ кунам! Тӯйи ман то соли оянда мавқуф гузошта шуд, дар ҳоле, ки ман аллакай ҳама чизро бо  рӯҳонӣ муҳокима карда будам. Аммо бо роҳбарияти тарабхона ва кошонаи ҳусн ба мувафиқа омада натавонистам", - афзудааст яке аз эътирозгарон.

Арӯсшавандаҳо дар сӯҳбат ба The Daily Mail изҳор доштаанд, "аз он ҳарос доранд, ки домодҳо то ин муддат фикри худро дар бораи издивоҷ намудан бо онҳо дигар мекунанд".

1385
Мигранты у здания Управления Федеральной миграционной службы России

Дар Русия 40% муҳоҷирон бо сабаби коронавирус бекор мондаанд

115
(Таҷдидшуда 15:12 09.07.2020)
Як таҳқиқот муаян кардааст, ки бештар аз 50% муҳоҷирон дар Русия тамоми манбаҳои даромади худро аз даст додаанд

ДУШАНБЕ, 9 июл — Sputnik. Дар Русия, бар асари пандемияи коронавирус бештар аз ҳама муҳоҷирони меҳнатӣ азият кашиданд, хабар медиҳад рӯзномаи тиҷоратии "Ведомости" бо истинод ба як пурсиши РАНХиГС.

Аз рӯйи натиҷаҳои ба даст омада, 40%-и муҳоҷирон ҳангоми пандемия бекор шуданд.

Илова бар ин, 35%-и муҳоҷирон маҷбур буданд ба рухсатии бемузд раванд.

Бештари тағирот ба муҳоҷироне, ки дар Маскав зиндагӣ мекарданд, таъсир расонд. Ҳамин тавр, 76% хориҷиён ҷои кори худро аз даст доданд ё ба рухсатии маҷбурӣ рафтанд.

Дар уммум 51% муҳоҷирон дар Русия ва 54% шаҳрвандони хориҷӣ дар Маскав гуфтаанд "ҳамаи манбаҳои даромад"-ро аз даст додаанд. Ҳамзамон, болоравии даромадҳо ва ё дар як сатҳ боқӣ мондани он танҳо 19% боқӣ мондааст.

Ёдовар мешавем, ки аз аввали сол ҷараёни муҳоҷират ба Русия нисбат ба ҳамин давраи соли 2019 беш аз 2 маротиба кам шудааст.

115

Паҳнсозони COVID–19 дар Тоҷикистон чӣ ҷазо мегиранд?

0
(Таҷдидшуда 21:14 09.07.2020)
Тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ мекунанд
Кадом ҷаримаҳо паҳнкунандагони коронавирусро дар Тоҷикистон таҳдид мекунанд
© Sputnik /

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Эълони ҷазои Зиёев барои таҷовузи духтарчаи сесола - акс

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

0
Барчаспҳо:
дурӯғ, дезинформация, ниқоби сиёҳ, ҳабс, ҷарима, Тоҷикистон