Маҷаллаи Charlie Hebdo. Акс аз бойгонӣ

Пайёмбар бо шиъори "Ман Шарли" дар маҷаллаи Charlie Hebdo нашр мешавад

13
(Таҷдидшуда 15:42 14.01.2015)
Шумораи тозаи “Шарли Ебдо” бо 3 миллион нусха рӯзи 14-уми январ бо нақше аз пайёмбари ислом Муҳаммад мунташир хоҳад шуд. Дастандаркорон гуфтанд, ки ин “шумораи зиндамондагон аст” – зеро он бидуни ҷалби кормандони изофӣ таҳия шудааст.

ДУШАНБЕ, 13 янв — Sputnik. Шумораи ҷадиди Charlie Hebdo бо теъдоди 3 миллион нусха рузи 14-уми январ бо танзе ба пайёмбар Муҳаммад ки шиъори Je suis Charlie "Ман Шарли" дар даст дорад, мунташир хоҳад шуд, хабар медиҳад РИА Новости.

Зикр мешавад, ки пайёмбар бо либоси сафед дар сафҳаи аввали маҷаллаи танзомез зери унвони Tout est pardonne ("Ҳама бахшида мешаванд") мунташир мешавад. Пайёмбар Муҳаммад дар сафҳаи аввал дар зерранги сабз ва ғамолуд тасвир хоҳад шуд.

Шумораи ҷадиди маҷалла рӯзи чаҳоршанбе ба фурӯш гузошта мешавад. Тирожи ин шумораи Charlie Hebdo 3 миллион нусха хоҳад буд, ҳарчанд дар гузашта тирожи он 60 ҳазор нусха буд ва тахминан нисфе аз он ба фурӯш мерафт.

"Мо ҳаргиз аз тасмими худ рӯй намегардонем, зеро дар акси ҳол ин ҳама маънӣ надорад" — мегӯяд вакили дифоъи маҷалла Ришар Малка, ки қаблан изҳор дошт, ки дар шумораи ҷадид корикотурҳо ба пайёмбар Муҳаммад ва танзҳои дигаре ба мавзӯъи мазҳаб ва сиёсат мунташир мешаванд.

Дар идораи маҷалла ин шумораро "шумораи зиндамондагон" унвон мекунанд, зеро онро кормандони амонёфтаи Charlie Hebdo бидуни ҷалби хабарнигорони изофӣ таҳия мекунанд.

Дар Фаронса аз 7-уми январ, рӯзе ки муҳоҷимон ба дафтари Charlie Hebdo ҳамла карданд, силсилаи ҳамалоти терористӣ оғоз шуданд. Муҳоҷимон ба дафтари маҷаллаи танзи Charlie Hebdo дар Порис ҳамла карда ва сӯйи ходимони он тирпарронӣ карданд. Муҳоҷимон аз ҷойи ҳодиса фирор карданд. Дар пайи ин ҳамла 12 нафар кушта ва 11 нафар захмӣ шуданд.

Дертар дар Фаронса раҳпаймоии ваҳдат сурат гирифт, ки иқдоми бесобиқа дар даҳсолаҳои ахир дониста мешавад. Тибқи иттилоъи расмӣ дар он беш аз якуним миллион нафар (ба иттилоъи ғайрирасмӣ — беш аз се миллион нафар) ширкат карда хотири қурбониёни ин ҳамлаи терористиро гиромӣ доштанд.

"Мо Шарли нестем"

Дар ҳамин ҳол дар расонаҳои ҷаҳонӣ дар бораи онҳое, ки алайҳи раванди ҷунбиши "Ман Шарли" ҳастанд, иттилоъ мунташир шудааст. Нахуст дар ин робита сиёсатмадор Жан-Мари ле Пен изҳори назар кардааст. Ба ӯ дар сойтҳои иҷтимоӣ блогнависон ҳамроҳ шуданд, ки дар куллия манотиқи ҷаҳон гурӯҳҳои "Мо Шарли нестем" таъсис медиҳанд.

Дар сойти иҷтимоии Facebook чанд сафҳае бо номи Je ne suis pas Charlie (Ман Шарли нестам) боз шудааст, ки теъдоди ширкаткунандагонаш ба 34 ҳазор нафар расидааст.

Яке аз ин гурӯҳҳо дар Facebook аз афроде, ки тоза ба ин сойти иҷтимоӣ ворид мешаванд, даъват кардааст, ки ба ҷунбиши "Ман Шарли нестам" пайваст шуда ва мухолифи нажодпарастӣ, исломгароӣ ва ҷудоихоҳӣ будани худро эълом кунанд.

Фаронса узви иттиҳоди байналмиллалӣ аст, ки ба мавзеъҳои "Давлати исломӣ" дар Сурия аз 23-уми сентябр ҳамалоти ҳавоӣ анҷом медиҳад. Аз моҳи август ҳамалоти мушобеҳ дар Ироқ низ сурат мегирад.

13
Барчаспҳо:
ҳамлаи терруристӣ, Charlie Hebdo, Муҳаммад, Фаронса
Мавзуъ
Ҳамдардии Эмомалӣ Раҳмон дар робита ба ҳодисаи террористӣ дар Порис
День 15 июля

Ҷашнҳои рӯзи 15 июл дар Тоҷикистон ва ҷаҳон

15
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

15
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон
Портфель с документами

Номаи бози миллионерҳо ба мақомдорон: андози моро ба хотири кумак ба мардум бештар кунед

297
(Таҷдидшуда 19:08 14.07.2020)
Як номаи кушодаро гурӯҳе иборат аз 83 нафар таҳия кардаанд. Дар байни онҳо актёр Стивен Сигал, сенариянавис Ричард Кертис, сармоягузор Ҷон О'Фарелл ва вориси Уолт Дисней Эбигейл Дисней қарор доштанд

ДУШАНБЕ, 14 июл – Sputnik. Зиёда аз 80 миллионер аз Иёлоти Муттаҳида ва шаш кишвари дигар аз мақомоти давлатҳои худ даъват карданд, ки андозҳои шахсони сарватмандро бештар кунанд, то иқтисодиётро дар шароити пандемия аз коронавирус барқарор кунанд, менависад Bloomberg.

Бахти баланд: мард барои ҳамсари бемораш лотерея харид ва миллионер шуд

Гурӯҳи 83 нафар мактуби кушодро унвонии якчанд ҳукуматҳо таҳия карданд. Дар он қайд мешавад, ки одамони сарватманд метавонанд дар "шифои ҷаҳони мо" нақши ҳалкунанда дошта бошанд.

"Мо беморонро дар шӯъбаҳои эҳёгарӣ нигоҳубин намекунем, мошини ёрии таъҷилиро намеронем, то беморонро ба беморхонаҳо интиқол диҳем, рафҳои мағозаҳои хӯроквориро пур намекунем, хӯрокро барои нафарони ниёзманд хона ба хона тақсим намекунем, аммо мо пул дорем, пули бисёр",  - изҳор доштанд муалифони мактуб.

Дар нома гуфта мешавад, оқибатҳои бӯҳроне, ки аз пандемия ба вуҷуд омадааст, тӯли даҳсолаҳо эҳсос хоҳад шуд, аз ин рӯ, ним миллиард одамон метавонанд ба сафи камбизоатон ҳамроҳ шаванд. Гузашта аз ин, садҳо миллион одамон ба далели баста шудани корхонаҳо, ҷойи корашонро аз даст медиҳанд.

"Баръакси миллионҳо одамон дар саросари ҷаҳон, мо аз талафоти эҳтимолии кор, хона ё қобилияти таъмини оилаи худ дар ташвиш нестем. Мо дар сафи пеши муборизон алайҳи ин маризӣ қарор надорем. Имконияти қурбон шудани мо ҳам аз ин маризӣ ночиз аст. Аз ин рӯ, хоҳиш мекунем, ки андози моро афзунтар кунед. Ин ягона интихоби дуруст аст. Инсоният аз пул муҳимтар аст", - гуфта мешавад дар идомаи нома.

Миёни нафароне, ки зери ин нома имзо гузоштанд, ҳунарманд Стивен Сигал, сенариянавис Ричард Кертис, сармоягузор Ҷон О'Фарелл ва вориси Уолт Дисней Эбигейл Дисней мебошанд.

297
Барчаспҳо:
андоз, мардум, кумак, миллионер, нома