Покистон. Акс аз бойгонӣ

Покистон ҳафт исломгарои ифротиро ба дор овехт

12
(Таҷдидшуда 15:24 13.01.2015)
Бар асоси омори расмӣ бо эъдоми ин теъдод, шумори афроде ки аз моҳи декабр то кунун дар Покистон ба дор овехта шудаанд ба 16 нафар расидааст.

ДУШАНБЕ, 13 янв — Sputnik. Давлати Покистон субҳи сешанбеи 13 январ 7 нафар аз терористҳои маҳкум ба маргро ба дор овехт, хабар медиҳад Дойчи Велле.

Иҷрои ҳукм дар зиндонҳои мухталифи Покистон сурат гирифтааст.

Бар асоси омори расмӣ бо эъдоми ин теъдод, шумори афроде ки аз моҳи декабр то кунун дар Покистон ба дор овехта шудаанд ба 16 нафар расидааст.

Давлати Покистон иҷрои ҳукми эъдомро омили муассир дар коҳиши сар задани ҷиноят дар ҷомеа медонад. Дар ин кишвар 6 сол муқаддам иҷрои ҳукми эъдом қатъ гардида буд.

Покистон пас аз шаш соли таваққуфи иҷрои ҳукми эъдом, аз моҳи декабр, пас аз ҳамлаи Толибон ба як мактаб дар шаҳри Пешовар бори дигар иҷрои ҳукми эъдомро аз сар гирифт.

Ин иқдоми Покистон интиқоди Созмони Милали Муттаҳид ва Иттиҳодияи Аврупоро барангехт. Ба рағми интиқодҳои байналмилалӣ, давлати Покистон эълом кард, ки тасмим дорад ҳукми эъдоми 500 ҷангҷуи маҳкум ба маргро иҷро кунад.

Ин тасмим вокуниш ба ҳамлаи хунини Толибон ба мактабе дар Пешовар андешида шудааст, ки дар пайи он 150 нафар кушта шуданд. Бештари қурбониёни ҳамлаи терористӣ донишомӯзон буданд.

Донишомӯзони ин мактаби вобаста ба артиш, пас аз чанд ҳафтаи таътил, рӯзи душанбеи 12 январ бори дигар ба мактаб бозгаштанд.

Сохтмонҳои омӯзишӣ дар Покистон акнун таҳти ҳифзи сарбозон, неруҳои пулис ё ғайринизомиёни давлат ҳастанд.

12
Барчаспҳо:
7 нафар, ҳамлаи терруристӣ, ба дор овехтан, эъдом, мактаб, ИА, СММ, Толибон, Пешовар, Покистон
Мавзуъ
Таслияти Эмомалӣ Раҳмон ба Навоз Шариф ва мардуми Покистон

Беш аз 3 ҳазор эронӣ дар як рӯз ба коронавирус гирифтор шуданд: 175 кас ҷон бохт

35
(Таҷдидшуда 19:28 25.09.2020)
Вазорати беҳдошт, дармон ва омӯзишии пизишкии Эрон омори тозаи гирифторӣ, шифо ва фавт аз коронавирусро нашр намуд

ДУШАНБЕ, 25 сен – Sputnik. Шабонарӯзи ахир дар Ҷумҳурии исломии Эрон 3521 ҳолати ҷадиди гирифторшавӣ ба маризии коронавирус сабт гардид, хабар медиҳад сухангӯйи Вазорати дармон ва омӯзиши пизишкии ин кишвар.

Ба иттилои Симо Содот Лорӣ, дар як рӯзи охир дасти кам 175 мариз ҷон бохтанд.

Ба ҳамин минвол, дар Эрон шумораи умумии гирифторони коронавирус ба 436 319 нафар расидааст. Ҳамчунин аз замони авҷ гирифтани ин маризӣ, 25 015 нафар қурбон шуданд.

Олимони туркӣ мегӯянд, коронавирус метавонад саратони мағзи сар ба вуҷуд орад

Ба гуфтаи сухангӯи  Вазорати беҳдошти Эрон, то кунун 367 829 нафар аз беморон беҳбуд ёфта, аз бемористонҳо мурраххас шудаанд .
Қобили зикр аст, ки дар тъдоди афроди мубтало ба вируси корона дар ҷаҳон низ ба беш аз 32 миллион нафар расидааст, ки аз ин теъдод  дасти кам  982 ҳазор нафари  ҷони худро аз даст доданду беш аз 23 миллион нафара ҳам беҳбуд ёфтаанд.

35
Барчаспҳо:
омор, маризӣ, Эрон
Мавзуҳо:
Пайомадҳои COVID-19 дар Тоҷикистон ва ҷаҳон

Олимони туркӣ мегӯянд, коронавирус метавонад саратони мағзи сар ба вуҷуд орад

262
Олимони Туркия таҳқиқ намуданд, ки маризии сироятии коронавирус метавонад саратони сарро ба вуҷуд орад

ДУШАНБЕ, 25 сен - Sputnik. Коронавирус метавонад саратони мағзи сарро ба вуҷуд орад ва ё ба рушди омосҳои мавҷуда мусоидат кунад. Ба чунин натиҷа олимони донишгоҳе дар Истамбул расиданд.

"Мувофиқи фарзияи мутахассисон, зарраҳои SARS-Cov-2 қодиранд бо ҳуҷайраҳои бофтаҳои асаб, ки дар рушди онкология иштирок доранд, пайваст шаванд".

Аммо олимон исрор меварзанд, ки ин хулосабарории ниҳоӣ набуда, ҳоло дар ин самт бояд таҳқиқотҳои нав гузаронд.

"Ҳар гуна вируси онкогенӣ, ки ба ҳуҷайра ворид мешавад, онро тағир медиҳад ва дар баъзе ҳолатҳо онро хатарзо мекунад. Аммо ин як раванди хеле тӯлонист, ки ҳатман таъсири омилҳои иловагии муҳити берунӣ ва дохилиро тақозо мекунад", - шарҳ додааст бозёфтҳои олимони туркиро, роҳбари лабораторияи саратоншиносии Блохин Ксения Смирнова ба нашрияи "Известия".

Зимнан, Андрей Васин як намояндаи дигари соҳаи тандурустии Русия изҳор намудааст, ки SARS-Cov-2 вируси РНК аст ва қобилияти ин гурӯҳи патогенҳо барои барангехтани саратон қаблан мушоҳида нашудааст.

262
Барчаспҳо:
саратон, таҳқиқот, олимон, Туркия
Мавзуҳо:
Пайомадҳои COVID-19 дар Тоҷикистон ва ҷаҳон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия