Сарбози артиши Украина. Акс аз бойгонӣ

Путин: артиши Киев ин легиони НАТО аст

11
Раиси ҷумҳури Русия Владимир Путин дар бораи афроди ҷанганда дар суфуфи артиши Украина изҳори назар кард. Ҳамчунин вай хабар дод, ки мӯҳлати будубоши атбоъи Украина дар қаламрави Русия метавонад афзоиш ёбад, зеро теъдоди зиёди афроди тозадаъвати артиши Украина ба Русия фирор мекунанд.

ДУШАНБЕ, 26 янв — Sputnik. Владимир Путин гуфт, ки артиши Украина дар асл легиони НАТО аст, ки ҳимояти манофеъи Украинаро ҳадаф надорад ва мақсадаш ҷилавгирии фаромиллии сиёсии Русия аст, навиштааст РИА Новости.

"Мо дар бисёр маврид артиши Украина мегӯем. Вале дар асл кӣ дар суфуфи он меҷангад? Воқеъан, он ҷо қисман бахшҳои расмии нерӯҳои мусаллаҳ ҳастанд, вале дар бештари маворид онҳо "гурӯҳҳои ихтиёрии миллӣ" мебошанд".

"Дар асл ин аллакай артиш нест, балки легиони хориҷӣ, дар ин маврид легиони НАТО аст, ки ҳеч гоҳ манофеъи миллии Украинаро дунбол намекунад", — гуфт раиси ҷумҳури Русия аснои сӯҳбат бо донишҷӯёни Донишгоҳи миллии "Горний" дар шаҳри Санкт-Петербург.

"Он ҷо ҳадаф комилан дигар аст ва онҳо ҷилавгирии аҳдофи фаромиллии Русияро дунбол доранд, ки бозгӯи аҳдофи миллии халқи Украина нест", — таъкид кард Путин.

Ҳамзамон, сарвари Русия зикр кард, ки эҳтимол дорад мӯҳлати будубоши атбоъи Украина дар қаламрави Русия тамдид шавад, зеро феълан бештаре аз даъватшудагони артиши Украина ба Русия фирор мекунанд.

Дар соли 2015 дар Украина се марҳилаи даъвати шаҳрвандон ба суфуфи артиш дар чорчӯби эъзоми навбатӣ гузаронида мешавад.

Мақомоти Украина дар авоили моҳи апрел дар қисмати ҷанубу шарқи кишвар алайҳи норизоиёни табадуллоти давлатӣ амалиёти низомӣ оғоз карданд.

Тибқи омори ахири СММ, беш аз 5 ҳазор нафар сокинони осоишта қурбонии ин амалиёт шудаанд.

11
Барчаспҳо:
изҳори назар, донишгоҳи "Горний", НАТО, Владимир Путин, Украина, Русия
Мавзуъ
Расонаҳо: даъвати ҷаласаи изтирории кумиссиюни НАТО аз сӯйи Украина
Назарсанҷӣ: 66 % фаронсавиҳо мухолифи кӯмаки молиявӣ ба Украина
Сардори Сарситоди Украина аз НАТО ёрӣ мехоҳад
Порошенко бори дигар Русияро дар бӯҳрони Украина гунаҳкор кард
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт

Даргузашти амири Қувайт дар синни 92-солагӣ

11
Шайх Сабоҳ ал- Аҳмад ал-Ҷобир ас-Сабоҳ, амири Давлати Қувайт дар сини 92-солагӣ  аз олам даргузашт

ДУШАНБЕ, 30 сен — Sputnik. Дар Иёлоти Муттаҳидаи Амрико куҳансолтарин ҳокими араб, амири Кувайт Сабоҳи IV дар синни 92-солагӣ даргузашт, хабар медиҳад РИА Новости.

Ба иттилои манбаъ, амир сар аз моҳи июл дар яке аз беморхонаҳои иёлати Миннесота бистарӣ шуда, ҷарроҳӣ шудааст.

Аз он вақт инҷониб, мақомоти Кувайт борҳо гузориш додаанд, ки саломатии Сабоҳи IV мӯътадил буда дар ҳоли беҳбуд аст.

Ҳамзамон, бародари хурди Сабоҳи IV ва шоҳзодаи валиаҳд Навоф ал-Аҳмад ал-Ҷобир ас-Сабоҳ ба ҳайси иҷрокунандаи амир таъин гардида буд.

Тибқи иттилои ҳукумат, амири нав валиаҳд Наваф ал-Аҳмад ас-Сабоҳ ҷойгузини Сабоҳи IV шудааст.

Сабоҳ ал-Аҳмад ал-Ҷобир ас-Сабоҳ сар аз моҳи январи соли 2006 дар Қувайт ҳукмронӣ мекард.

Қабл аз он, ӯ ба ҳайси сарвазир кор мекард ва пештар аз он тӯли даҳсолаҳо раёсати сиёсати хориҷии кишварро ба зима дошт.

11
Барчаспҳо:
шайх Сабоҳ ал-Аҳмад ал-Ҷаббор ас-Сабоҳ, даргузашт, Қувайт
Федеральный канцлер Германии Ангела Меркель

Чаро Меркел пинҳонӣ бо Навалний дидор кард?

84
(Таҷдидшуда 20:12 29.09.2020)
Рӯзномаи “Der Spiegel” хабар додааст, ки канслери Олмон Ангела Меркел дар беморхонаи Шарите дар Берлин бо як сафари махфӣ аз Алексей Навалний хабар гирифтааст

ДУШАНБЕ 29 сен – Sputnik. Нашрияи “Der Spiegel” навиштааст, ки Ангела Меркел, нахуствазири Олмон ба таври махфӣ дар бемористони Шаритеи Берлин Алексей Навалний мухолифи давлати Русияро аёдат кардааст.

Алекей Навалний низ дар саҳифаи Твиттер худ, гузориши нашрияи Олмонии Шпигел дар хусуси дидор бо Ангела Меркелро таъйид кард ва навиштааст, ки ин дидор як ҷаласаи хусуси ва гуфтугӯ бо хонавода буд.

Ёдарс мешавем, ки 20 август Алексей Навалний дар роҳи бозгашт аз шаҳри Омск ба Москва дар ҳавопаймо дучори мушкили ҷисмонӣ шуд ба навъе, ки ҳавопаймо ночор ба фуруди изтирорӣ дар шаҳри Томск шуд.

Сипас баъд аз беҳтар шудани вазъи саломатиаш оқои Навалний барои муолиҷа ба Олмон мунтақил шуд ва давлати Олмон эълом кард, ки бар асоси натоиҷи як озмоишгоҳи низомӣ дар ин кишвар, Алексей Навалний бо унсуре аз гурӯҳи маводи кимёии фалаҷкунанда мавсум ба"Навичок" масмум шудааст.

Аммо Вазорати хориҷаи Русия гузоришҳои олмониҳо дар бораи  Навалниро беасос донист.

Ахиран бемористони Шарите, ки дар шаҳри Берлин қарор дорад, рӯзи душанбе эълом кард,ки вазъият саломатии Алексей Навалний беҳбуд ёфт ва ӯ аз бемористон ҷавоб шуд.

84
Барчаспҳо:
сафар, мухолиф, рӯзнома, беморхона, махфӣ, хабар, бемористон, Олмон, Ангела Меркел