Алексис Тсипрас. Акс аз бойгонӣ

Расонаҳо: Ғарб аз муносиботи Юнон бо Русия нигарон аст

3
(Таҷдидшуда 11:35 30.01.2015)
Аз пойтахтҳои кишварҳои аврупоӣ баъд аз пирӯзии ҳизби СИРИЗА дар Юнон ва таъсиси ҳукумати ҷадиди ин кишвар пайёмҳои нигаронӣ садо доданд.

ДУШАНБЕ, 30 янв — Sputnik. ИА аз иртибототи қавии ҳукумати ҷадиди Юнон бо Москав нигарон аст, хабар медиҳад РИА Новости бо иқтибос аз маводи маҷаллаи Financial Times.

Нигаронии амиқи сиёсатмадорониро равобити амиқи хусусии сиёсатмадороне ба бор овардааст, ки бо Русия иртибот доранд.

"Мо зидди таҳримоте ҳастем, ки алайҳи Русия роҳандозӣ шудаанд. Миёни юнониҳо ва русҳо фарқияте нест", — гуфт вазири ҷадиди энергитикаи Юнон Панагиотис Лафазинис.

Раҳбари тозаинтихоби Юнон муғойири роҳандозии таҳримоти ҷадид алайҳи Русия аст ва дар моҳи майи соли гузашта Украинаро миллатгарои нав ном карда буд.

"Боиси таъассуф аст, ки фашистон ва миллатгароҳо дар Аврупо ба сари қудрат расиданд ва онҳо ҳадаф доранд ба суфуфи ИА бипайванданд", — гуфта буд он замон раҳбари баъдии ҳукумат Алексис Тсипрас.

Бо ин вуҷуд муаллифи матлаб бар ин назар аст, ки юнониҳо вазъи ба вуҷуд омадаро мехоҳанд ба манофеъи худ истифода кунанд.

"Бархе аз сиёсатмадорон ва таҳлилгарон суханронии Тсипрас алайҳи таҳримотро омодагӣ барои ҳазфи қарзҳои байналмиллалии Юнон арзёбӣ мекунанд.

Коршиносони дигар бар ин назаранд, ки ин амр натиҷаи тавзеъи нуфузи Русия дар ҷануби Аврупо аст", — омадааст дар матлаб.
Дар интихоботи ахири Юнон ҳизби чапгарои СИРИЗА пирӯз шуд ва Алексис Тсипрас, раҳбари он нахуствазири ин кишвар шуд.
СИРИЗА тақозо дорад, ки бархе аз қарзҳои Юнон аз ИА ва СБП ҳазф карда шаванд.

Рӯзи сешанбе Шӯрои Аврупо баёнияи раҳбарони кишварҳои узви ИА мунташир кард, ки дар он раҳбарони ВКХ дар дидори рӯзи панҷшанбе посухи муносиб, аз он ҷумла таҳримоти ҷадидро баррасӣ мекунад.

Мақомоти Юнон эълом карданд, ки барои тавзеъи чунин баёния ризоият надодаанд.

3
Барчаспҳо:
ҳукумати ҷадиди Юнон, СИРИЗА, ИА, Алексис Тсипрас, Панагиотис Лафазинис, Русия, Юнон
Мавзуъ
Пирӯзии СИРИЗА дар интихоботи парлумонии Юнон
Расонаҳо: Юнон метавонад аз Олмон бидеҳиҳоро бозпас бигирад

Беш аз 3 ҳазор эронӣ дар як рӯз ба коронавирус гирифтор шуданд: 175 кас ҷон бохт

40
(Таҷдидшуда 19:28 25.09.2020)
Вазорати беҳдошт, дармон ва омӯзишии пизишкии Эрон омори тозаи гирифторӣ, шифо ва фавт аз коронавирусро нашр намуд

ДУШАНБЕ, 25 сен – Sputnik. Шабонарӯзи ахир дар Ҷумҳурии исломии Эрон 3521 ҳолати ҷадиди гирифторшавӣ ба маризии коронавирус сабт гардид, хабар медиҳад сухангӯйи Вазорати дармон ва омӯзиши пизишкии ин кишвар.

Ба иттилои Симо Содот Лорӣ, дар як рӯзи охир дасти кам 175 мариз ҷон бохтанд.

Ба ҳамин минвол, дар Эрон шумораи умумии гирифторони коронавирус ба 436 319 нафар расидааст. Ҳамчунин аз замони авҷ гирифтани ин маризӣ, 25 015 нафар қурбон шуданд.

Олимони туркӣ мегӯянд, коронавирус метавонад саратони мағзи сар ба вуҷуд орад

Ба гуфтаи сухангӯи  Вазорати беҳдошти Эрон, то кунун 367 829 нафар аз беморон беҳбуд ёфта, аз бемористонҳо мурраххас шудаанд .
Қобили зикр аст, ки дар тъдоди афроди мубтало ба вируси корона дар ҷаҳон низ ба беш аз 32 миллион нафар расидааст, ки аз ин теъдод  дасти кам  982 ҳазор нафари  ҷони худро аз даст доданду беш аз 23 миллион нафара ҳам беҳбуд ёфтаанд.

40
Барчаспҳо:
омор, маризӣ, Эрон
Мавзуҳо:
Пайомадҳои COVID-19 дар Тоҷикистон ва ҷаҳон

Олимони туркӣ мегӯянд, коронавирус метавонад саратони мағзи сар ба вуҷуд орад

291
Олимони Туркия таҳқиқ намуданд, ки маризии сироятии коронавирус метавонад саратони сарро ба вуҷуд орад

ДУШАНБЕ, 25 сен - Sputnik. Коронавирус метавонад саратони мағзи сарро ба вуҷуд орад ва ё ба рушди омосҳои мавҷуда мусоидат кунад. Ба чунин натиҷа олимони донишгоҳе дар Истамбул расиданд.

"Мувофиқи фарзияи мутахассисон, зарраҳои SARS-Cov-2 қодиранд бо ҳуҷайраҳои бофтаҳои асаб, ки дар рушди онкология иштирок доранд, пайваст шаванд".

Аммо олимон исрор меварзанд, ки ин хулосабарории ниҳоӣ набуда, ҳоло дар ин самт бояд таҳқиқотҳои нав гузаронд.

"Ҳар гуна вируси онкогенӣ, ки ба ҳуҷайра ворид мешавад, онро тағир медиҳад ва дар баъзе ҳолатҳо онро хатарзо мекунад. Аммо ин як раванди хеле тӯлонист, ки ҳатман таъсири омилҳои иловагии муҳити берунӣ ва дохилиро тақозо мекунад", - шарҳ додааст бозёфтҳои олимони туркиро, роҳбари лабораторияи саратоншиносии Блохин Ксения Смирнова ба нашрияи "Известия".

Зимнан, Андрей Васин як намояндаи дигари соҳаи тандурустии Русия изҳор намудааст, ки SARS-Cov-2 вируси РНК аст ва қобилияти ин гурӯҳи патогенҳо барои барангехтани саратон қаблан мушоҳида нашудааст.

291
Барчаспҳо:
саратон, таҳқиқот, олимон, Туркия
Мавзуҳо:
Пайомадҳои COVID-19 дар Тоҷикистон ва ҷаҳон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия