Боздошти аъзои гурӯҳҳои тундгаро. Акс аз бойгонӣ

“Давлати исломӣ” амири Хуросонро таъин кард

41
(Таҷдидшуда 11:21 02.02.2015)
Раҳбарияти гурӯҳи тундгаро амири худ дар манотиқи Хурсонро, ки ба ақидаи онҳо, ҳамаи кишварҳои Осиёи Марказӣ, Афғонистон, Ҳинд ва Покистонро дарбар мегирад, таъйин кард.

ДУШАНБЕ, 2 фев — Sputnik. Гурӯҳи террористии "Давлати исломӣ" Ҳофиз Саид Хон, фармондеҳи як бахши гурӯҳи покистонии "Таҳрики Толибон"-ро амири Хуросон, ки ба он Тоҷикистон низ шомил мешавад, таъйин кард, хабар медиҳад Радиои Озодӣ.

Ба иттилоъи Озодӣ, дар ин бора сухангӯйи "Давлати исломӣ" Абу Муҳаммад Ал-Аднонӣ дар муроҷиати видиеоӣ, ки дар шабакаи интернет пахш шуд, хабар додааст.

Ҳофиз Саид Хон, ки ба симмати амир таъйин шудааст, дар гузашта фармондеҳи як ҷузъи гурӯҳи покистонии "Таҳрики Толибон" буд, ки дар авохири соли гузашта ба "Давлати исломӣ" қасам ёд кард. Вай дар бахши покистонии Толибон амири минтақаи Орақзай дар шимолу ғарби Покистон буд. Хабар дода мешавад, ки дар суфуфи "Давлати исломӣ" Ҳофиз Саид Хони 42-сола мудири бахши корҳои ин созмон буд.
Ҳамзамон, ба гуфтаи сухангӯйи "Давлати исломӣ", хабар медиҳад Озодӣ, раҳбари созмон Абу Бакр ал-Бағдодӣ ба вазифаи муовини амири Хуросон Мулло Абдул Рауф Хадимро таъйин кардааст, ки дар гузашта низ аз фармондеҳони Толибон буд.

Қаблан гузориш шуда буд, ки гурӯҳе аз собиқ аъзои Толибон, ки ба "Давлати исломӣ" гузаштаанд, Шӯрои Хуросонро ташкил кардаанд.
Дар навори ҷадиди видеоӣ, ки дар он аз таъини амир иттилоъ дода мешавад, сухангӯйи "Давлати исломӣ" изҳор дошт, ки ин созмон дар манотиқи Хуросон фаъолияти худро тавсеъа медиҳад.

Хуросон дар харитаи ин созмон аз куллия кишварҳои Осиёи Марказӣ, Афғонистон, Покистон ва Ҳинд иборат аст.

41
Барчаспҳо:
таъини амири Хуросон, "Давлати исломӣ", Абу Бакр ал-Бағдодӣ, Мулло Абдул Рауф Хадим, Ҳофиз Саид Хон, Ҳинд, Покистон, Осиёи Марказӣ, Афғонистон, Тоҷикистон
Мавзуъ
Гурӯҳи “Марг” ба “Давлати исломӣ” ва “Толибон” ҷанг эълом кард
“Давлати исломӣ” барои ташаннуҷи вазъ дар ОМ $70 миллион ҷудо мекунад
СПАД фаъолшавии "Давлати Исломӣ"-ро бе посух нахоҳад гузошт
Нефтяные насосы, архивное фото

Фурӯши рекордии нафти Русия ба Амрико

205
(Таҷдидшуда 19:05 15.08.2020)
Дар нимсолаи аввал Амрико аз Русия беш аз 9 миллион тонн маҳсулоти нафтӣ харидорӣ намудааст, ки баландтарин арқом то соли 2004 ба ҳисоб меравад

ДУШАНБЕ, 15 авг — Sputnik. Ҳамзамон Вашингтон бо ҳар роҳу восита мехоҳад пеши роҳи сохтмони лулаи гази “Маҷрои шимол-2”-ро бигирад, то вобастагии Арврупо аз маҳсулоти энержии Русияро кам кунад. Ин дар ҳолест, ки худи Амрико ба маҳсулоти нафтии Русия вобастагӣ пайдо кардааст.  

Содироти рекордӣ

Тибқи маълумоти Хадамоти федералии гумрукии Русия ин кишвар аз моҳи январ то июли соли равон аз ҳисоби фурӯши маҳсулоти нафтӣ ба Амрико 2,2 миллиард доллар фоида ба даст овардааст.

Ба Амрико дар ин давра 7,46 миллион тонн маҳсулоти нафтӣ содирот шудааст, ки ин 12 дарсади аз ҳаҷми умумии содиротро ташкил медиҳад.  Бештар аз ҳама маҳсулоти нафтии Русияро Нидерландия 12,19 миллион тонн, Амрико дар ҷои дуввум ва дар ҷои севум Малта қарор гирифтааст, ки аз Русия 4,4 миллион тонн маҳсулоти нафтӣ харидорӣ кардааст.

Нидерландия ва Малта ҳамчун макони транзитӣ дониста мешаванд, ки аз онҷо маҳсулоти нафтӣ ба дигар кишварҳои дунё содирот мешавад. Яъне фурӯши маҳсулоти нафтӣ ба Амрико метавонад ба маротиб зиёд бошад, чунки Хадамоти федералии гумрукии Русия ингуна содиротро ба назар намегирад.

“Дар ҳақиқат тибқи маълумоти Хадамоти иттилооти энергетикии Амрико (EIA) воридоти маҳсулоти нафтии Русия ба ин кишвар дар панҷ моҳи соли равон 68 миллион бушка ё 9,3 миллион тонаро ташкил додааст. Ин рақам нисбат ба арқоми пешниҳодкардаи Хадамоти федералии гумрукии Русия бештар аст. Чунки EIA Амрико истеҳсолкунанда на кишвари содиркунандаро ба ҳисоб мегирад”.

Дар ҳамин ҳол, Амрико хариди мазутро аз Русия нисбат ба моҳи июн 16 дарсад афзоиш доданд.

Оғози ивази маҳсулот

Ин дар ҳолест, ки Амрико худро аз хариди навъӣ нафти сангини Венесуэло маҳрум карданд ва фановариҳои баъзе аз корхонаҳои полоиши нафти Амрико қудрати коркарди нафити навъи сабуки Ҳавзаи халиҷи форс ва Техаси Ғарбиро надоранд.  Доналд Трамп бар зидди ширкати Венесуэла PVSDA таҳримҳо ҷорӣ кард ва пас аз ин корхонаҳои полоиши нафти Амрико ба мушкилоти ҷиддӣ  рӯ ба рӯ шуданд.

Корхнаҳои Халиҷи Мексика ва Соҳили шарқ ба вазъӣ ногувор дучор шуданд. Аз ҷумла ширкатҳои Citgo Petroleum, Valero Energy, Chevron.

Нафти Венесуэларо метавонист нафти Арабистони Сауди ҷойгузин кунад, аммо ин кишвар истеҳсоли нафтро маҳдуд кард. Ҳамин тариқ, иқтисод сиёсатро канор гузошт ва Амрико ба Русия муроҷиат кард.

“Вашингтон бо ҳар роҳу восита барои сохтмони “Маҷрои шимоли-2” ба ширкати Газпроми Русия мушкил эъҷод мекунад. Аммо ба хотири ба даст овардани ормонҳои иқтисодӣ Амрико бо Русия ҳамкорӣ мекунад”, - таъкид намудааст Александр Разуваев, мутахассиси ширкати “Алпари”.  

“Вазъӣ геополитикии ахир дар ҷаҳон бозори нафтро ба суди Русия бозгардонд ба хотири он ки Амрико ба кишварҳои содиркунандаи нафт таҳримҳо ҷорӣ кард. Ба ҳамин хотир нафти навъӣ Urals дар бозор ба унвони нафти вазнин ҷой афтод” – таъкид кард Александр Дужников, яке роҳбарони ширкати A3F Group.

Ба заъми ин қимати нафти Русия нисбатан арзонтар аст. Тибқи иттилои Вазорати дороии Русия нафти навъи Urals дар моҳи январ – июл дар бозорҳои ҷаҳонӣ ҳудудан 40,32 доллар  барои як бушка арзиш дошт. Дар ҳоле, ки дар моҳи январ – июли соли гузашта ҳудудан як бушка нафт 65,27 доллар арзиш дошт.

Бо анҷом ёфтани қарантина сарфи маҳсулоти нафти афзоиш ёфт.

Буҳрони соҳавӣ

Бино бар поин омадани қимати нафт шумори дастгоҳҳои ихроҷи нафт дар Амрико коҳиш ёфт. Лулаи нафти Dakota Access низ ба хотири нақзи қавонини экологӣ баста шуд.

Истихроҷи нафт аз 13,1 то 11,1 миллион тонн бушка дар як руз коҳиш ёфт. Ин ба ҳавзаҳои нафтии сланси Амрико аз ҷумла Перм, Игл-Форд, Баккенск, Ниобромск, Анадаркск, Аппалачинск ва Хейнсвилльск садама ворид кард.  тибқи иттилои мақомоти Амрико тавоноии миёнаи саноии нафткашӣ дар соли ҷорӣ 11,26 миллион бушкаро дар бар мегирад. Аммо дар соли 2021 11,14 миллион бушкаро ташкил хоҳад дод. То декабри соли равон маҳз Амрико дар коҳиши нафт дар бозори ҷаҳонӣ саҳми назаррас хоҳанд дошт.

Тибқи иттилои ширкати Haynes & Boone аз моҳи январи соли равон 36 ширкати амрикоӣ аз варшикастшавии худ иттилоъ доданд, ки қарзи онҳо ба 25,2 миллиард доллар расидааст.. аз ҷумлаи онҳо бузургтарин ширкати амрикоӣ Whiting Petroleum, California Resources ва Chesapeake Enеrgy. Дар моҳи июн боз ширкати амрикоӣ Extraction Oil & Gas, аз варшикастагӣ ба додгоҳ муроҷиат кардааст.

Тибқи маълумоти Rystad Energy то охири сол беш аз 150 ширкати амрикоӣ рӯ ба варшикастагӣ қарор доранд. Истихроҷи нафти сланси дар як шабона рӯз то панҷ миллион бушка коҳиш хоҳад ёфт. Дар ҳамин ҳол, ба гуфтаи ShaleProfile Analytics  соҳаи нафти Амрико се ҳисаи тавонои истихроҷи нафтро аз даст хоҳад дод.

205
Барчаспҳо:
маҳсулот, фурӯш, рекорд, нафт, Амрико, Русия
Ҳунарнамоии тими мунтахаби ҶТ дар марҳалаи selfdefence

Саломатии иштирокчиён муҳимтар аз ҳама: лағви Қаҳрамонии ҷаҳон оид ба таеквандо

27
(Таҷдидшуда 16:20 15.08.2020)
Шӯрои Таеквондои ҷаҳонӣ чемпионати ҷаҳон оид ба таеквондо миёни наврасонро дар соли 2020, ба хотири ҳифзи саломатии иштирокчиён, барҳам дод

ДУШАНБЕ, 15 авг — Sputnik. Ҷаласаи шӯро тариқи онлайнӣ сурат гирифт ва аъзои он розӣ шуданд, ки масъалаи амнияти оилаи таеквондо дар ҷои аввал меистад, хабар медиҳад Кумитаи милли олимпии Тоҷикистон.

Ба иттилои манбаъ, пас аз машварат бо федератсияҳои миллӣ, кумитаҳои Таеквондои ҷаҳонӣ, бахусус кумитаи тиббӣ ва зидди допинг ва дар мувофиқа бо мақомоти тандурустии маҳаллӣ оид ба барҳам додани чемпионати имсола қарор қабул гардид.

Ҳафт паҳлавони тоҷик барои иштирок дар мусобиқа ба Марокаш мераванд

Софияи Булғористон, ки мебоист чемпионати имсоларо моҳи октябр мизбонӣ мекард, акнун чорабиниро соли 2022 қабул мекунад.

"Мо аз он ки имсол чемпионати ҷаҳон миёни наврасонро дар София баргузор карда наметавонем, андуҳгинем. Вале бароямон ҳамеша возеҳ аст, ки солимии оилаи таеквондои ҷаҳонӣ бояд дар ҷои аввал бошад. Пас аз машварат ва баррасиҳои зиёд ба хулоса омадем, ки баргузор кардани чемпионат дар соли равон хатар дорад. Мо бовар дорем, ки соли 2022 София чорабиниро бошаҳомат мегузаронад", изҳор доштааст президенти ташкилоти "Таеквондои ҷаҳонӣ" Чунгвон Чоу.

Қарор дар бораи финали Гран прӣ дар Канкун-2020 (Мексика) ва Гранд слам дар Вуши-2020 (Чин), ки охири соли равон ба нақша гирифта шудааст, моҳи октябр дар ҷаласаи навбатии шӯро қабул карда мешавад. То он замон Таеквондои ҷаҳонӣ бо ташкилкунандагон ва ҷонибҳои дахлдор ҷиҳати огоҳ будан аз вазъияти ин кишварҳо дар тамоси доимӣ хоҳад буд.

27
Народный поэт Таджикистана Гулназар Келди

Вазорати фарҳанги Тоҷикистон ба наздикони Гулназар Келдӣ изҳори ҳамдардӣ кард

0
(Таҷдидшуда 19:54 15.08.2020)
Вазорат мегӯяд, ки аз даргузашти шоири мардумии Тоҷикистон, муаллифи Суруди миллӣ Гулназар Келдӣ сахт андӯҳгин аст

ДУШАНБЕ, 15 авг — Sputnik. Вазорати фарҳанги Тоҷикистон аз даргузашти шоири мардумии Тоҷикистон Гулназар Келдӣ изҳори андӯҳ карда, ба наздикони шоири маҳбуби тоҷик  ҳамдардӣ кардааст. Дар ин бора дафтари матбуоти вазорат гузориш медиҳад.

"Вазорати фарҳанги Ҷумҳурии Тоҷикистон ва аҳли фарҳангу ҳунари кишвар нисбати даргузашти Шоири халқии Тоҷикистон, муаллифи Суруди миллии Тоҷикистон Гулназар Келдӣ сахт андӯҳгин буда, ба пайвандони марҳум изҳори ҳамдардии амиқ мекунанд", - менависад манбаъ.

Ёдовар мешавем, ҳамагӣ чанд рӯз пеш Гулназар Келдӣ бо нишони маризии коронавирус бистарии беморхона гардида шуд ва ахиран рӯзи 13 - уми август ҷон ба Ҷонофарин супорид.

Марҳум чанд рӯз қабл дар сӯҳбат бо  Sputnik Тоҷикистон ба мардум насиҳат карда буд, ки "худатонро эҳтиёт кунед".

Он сӯҳбати шоир ба 11 август,  баъд аз хабари ба бемористон интиқол ёфтани шоир анҷом дода шуд. Гулназар Келдӣ, аз ҳамватанонаш хоҳиш карда буд, ки аз бемории ӯ  ташвиш накашанд.

Маросими видоъ бо устод Гулназар Келдӣ - навори муфассал

"Каме хастагиро эҳсос мекунам. Дар умум, вазъи сиҳатиам хуб аст. Ҳоло табобати профилактикӣ мегирам. Аз дӯстон хоҳиш мекунам, ки ташвиш накашанд, аммо худро сахт эҳтиёт кунанд”, - гуфта буд шоири халқии Тоҷикистон.

0