Бинои пулиси Москав. Акс аз бойгонӣ

Расонаҳо: идораи муҳоҷират ва зиддимухадироти Русия лағв мешаванд

8
(Таҷдидшуда 17:12 04.02.2015)
Дар сурати лағви ин ниҳодҳо, бархе аз кормандони Идораи зиддимухадирот ба суфуфи пулис ва кормандони Идораи муҳоҷират ба бахши шиносномадиҳии ВКД мегузаранд. Ҳалли масоили муҳоҷирати корӣ имкон дорад ба вазорати кор вогузор шаванд.

ДУШАНБЕ, 4 фев — Sputnik. Ба манзури коҳиши хароҷот Идораи зиддимухаддирот ва Идораи муҳоҷират (ФМС) лағв мешаванд ва вазоифи онҳо ба ВКД вогузор мешаванд, хабар медиҳад РИА Новости бо истинод ба рӯзномаи "Коммерсант".

Интизор меравад, ки бархе аз маъмуроти зиддимухаддиротӣ ба суфуфи ҷустуҷӯи ҷиноӣ ва кормандони Идораи муҳоҷират ба ҳайати раёсати шиносномадиҳӣ ва раводиди ВКД эъзом мешаванд. Масоили муҳоҷирати кориро имкон дорад бар дӯши вазорати кор ва назорат ба муомилоти қонунии мухаддиротро ба вазорати тандурустӣ вогузор кунанд.

"Ҳоло дар Идораи федероли назорат бар гардиши мухаддироти Русия 34 ҳазор корманд машғули кор ҳастанд. Эҳтимол меравад 27 ҳазор нафари онҳо барканор шуда ва 7,5 ҳазори дигар ба суфуфи ниҳодҳои ҷустуҷӯи ҷиноии ВКД эъзом шаванд", — иқтибос овардааст хабаргузорӣ аз "Коммерсант".

Ин амр имкон медиҳад, ки махориҷи будҷа ҳудуди 30 миллиард рубл сарфа карда шавад. Сарфа маъмулан аз барканории раҳбарият ва лағви вазоифи генералӣ ҳосил мешавад.

"Аз Идораи муҳоҷират ба ВКД дар назар аст ҳудуди 19,5 ҳазор корманд эъзом шаванд. Феълан дар ин ниҳод беш аз 40 ҳазор кормандон ва афсарони эъзомшуда аз ВКД ҳастанд", — тавзеъ дод муъовини раиси Кумитаи Дума дар умури амният ва ҷилавгирӣ аз фасод Александр Хинштейн.

Дар навбати худ, ба эътиқоди раҳбари Идораи зиддимухобиротӣ, лағви ниҳоди вай оқибати нохуше ва бадтар шудани вазъи ҷиноӣ дар умумро ба дунбол хоҳад дошт.

Манбаъ дар ин ниҳод ба "Коммерсант" хабар дод, ки тибқи шумориши вазорати молия, натоиҷи иқтисодии лағви Идораи зиддимухаддиротӣ танҳо дар соли 2017 ба даст хоҳад омад, вале мушкил ҳамин ҳоло эҳсос хоҳад шуд. Ба гуфтаи ин манбаъ, ҳазорон нафар маъмурони Идораи зиддимухаддиротӣ дар хиёбон мемонанд ва ба онҳо аз 2,5 то 4 миллиард рубл бояд ҷубронпулӣ дода шавад. Он нафароне, ки ба суфуфи ВКД эъзом мешаванд, низ бе кор мондашон мумкин аст, зеро дар он ҷо низ коҳиши то 100 ҳазор корманд дар назар аст.

8
Барчаспҳо:
лағви ниҳодҳои давлатӣ, ФМС, Идораи зиддимухаддирот, Идораи муҳоҷират, Александр Хинштейн, Русия
Мавзуъ
ВКД Русия: муҷозот барои фиреб дар тиҷоратро бояд тақвият дод
ИА таҳримот алайҳи Русия ва ҷудоихоҳон дар Донбассро тамдид кард
Вакцинация, архивное фото

Русия замони эмгузаронии сартосарӣ аз маризии коронавирусро эълон кард

149
(Таҷдидшуда 19:49 25.05.2020)
Русия сар аз авоили тирамоҳи соли равон ба эмгузаронии сокинон аз маризии сироятии коронавирус шурӯъ мекунад

ДУШАНБЕ, 25 май – Sputnik. Эмгузаронӣ алайҳи маризии коронавирус авоили тирамоҳ шурӯъ хоҳад шуд ва анқариб 6 - 9 моҳро дарбар хоҳад гирифт.

Дар Русия озмоиши ваксина бар зидди коронавирусро оғоз карданд

Дар ин бора мудири Маркази илмь - тадқиқотии ба номи Гамалея оид ба эпидемиология ва микробиологияи Вазорати тандурустӣ Александр Гинтсбург дар барномаи "Зиндагии солим" дар шабакаи аввали телевизиони Русия ибрози назар дошт.

"Табиист, ки ба якборагӣ ҳамаро эмгузарондан ғайриимкон аст. Аз ин рӯ мӯҳлати эмкунии сартосарӣ аз 6 то 9 моҳро дарбар мегирад", афзудааст ӯ.

Вай илова намуд, ки организми инсон пас аз маротибаи дуюм рӯбарӯ шудан бо вирус ва ҳамзамон ду маротиба эм гирифтан, нисбати он масуният пайдо мекунад.

Қаблан мудири марказ изҳор дошта буд, ки аз авохири тобистон дар Русия ба маъракаи эмгузаронӣ аз коронавирус шурӯъ мекунанд. Вале ҳоло ба гуфтаи ӯ талошҳои ҳамаҷониба ба харҷ дода шудааст, ки ин маърака ҳар чӣ зудтар баргузор гардад.

Ба гуфтаи вай, озмоишҳои клиникии ваксинҳо натиҷаҳои хуб доданд ва  интизор меравад, эмгузаронӣ сар аз 15 - уми июн пас аз гирифтани иҷозатномаи Вазорати тандурустӣ ба роҳ монда шавад.

149
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Афганские заключенные готовятся к освобождению из тюрьмы, архивное фото

Ашраф Ғанӣ 2 ҳазор ҷангҷуёни Толибонро афв мекунад: 100 нафар аллакай озод шуданд

29
(Таҷдидшуда 18:20 25.05.2020)
Рӯзи якшанбе раисҷумҳури Афғонистон Ашраф Ғанӣ амр дод, ки то 2000 нафар аъзои ҷунбиши радикалии Толибон ба озодӣ мебароянд

ДУШАНБЕ, 25 май – Sputnik. Мақомоти Афғонистон ба иҷрои нақшае пардохтанд, ки бояд 2 ҳазор узви ҷунбиши радикалии Толибон аз зиндон ба озодӣ бароянд.

Ба иттилои сухангӯйи Шӯрои Амнияти Миллии Афғонистон Ҷовид Файсал, рӯзи душанбе аллакай 100 ҷангии маҳкумшудаи Толибон маҳбасҳоро тарк намуда ба озодӣ баромаданд.

"Имрӯз ҳукумат 100 маҳбуси Толибонро аз зиндон озод кард, ки ин як иқдоми нек барои пешбурди талошҳои сулҳ, аз ҷумла дароз кардани оташбас (режим) ва фавран оғоз кардани музокироти мустақим аст", - навиштааст Фейсал дар Твиттер.

TOLO News бо истинод ба як сухангӯи ин шӯро гуфт, ки маҳбусон аз зиндони Баграм раҳо шудаанд.

Мақомдори афғон: Толибон ҳеҷ нияте барои сулҳ дар Афғонистон надорад

Рӯзи якшанбе президенти Афғонистон Ашраф Ғанӣ амр дод, ки 2000  аъзои ҷунбиши радикалии Толибонро дар арафаи Иди Фитр афв мекунад.

Дар охири моҳи феврал, дар як маросим дар Қатар, Амрико ва Толибон аввалин созишномаи сулҳро пас аз 18 соли ҷанг имзо карданд.

Шарти асосии ин созишнома хориҷ шудани низомиёни амрикоӣ аз хоки Афғонистон ва табодули маҳбусон ба ҳисоб меравад.

29
Барчаспҳо:
афв, Толибон, Афғонистон, Ашраф Ғанӣ