Алишер Усмонов. Акс аз бойгонӣ

Алишер Усмонов ба Фабио Капелло надодани маошашро шармандагӣ номид

37
(Таҷдидшуда 11:59 09.02.2015)
Тоҷири русиягӣ дар тӯли шаш моҳ напардохтани маоши сармураббии тими мунтахаби футболи Русияро ғайриқобили қабул ва шармандагӣ унвон кард.

ДУШАНБЕ, 9 фев — Sputnik. Тоҷири русиягӣ Алишер Усмонов изҳор доштааст, ки ба Иттиҳоди футболи Русия (ИФР) қарзи баимтиёзи мақсаднок додааст, ки онро танҳо барои додани қарзи маоши сармураббии тими мунтахаби футболи Русия Фабио Капелло истифода кардан мумкин аст, хабар медиҳад РИА Новости.

Ба Капелло ва масъули молии тими мунтахаби Русия Оресте Чинквини дар тӯли шаш моҳ маош пардохта нашудааст. Раиси ИФР Нолай Толстих борҳо изҳор дошт, ки созмон барои пардохти қарзи маош маблағ надорад.

"Ман барои худ зарур донистам, ки дар ҳалли ин мушкил расидагӣ кунам. Ба иттилоъи ман, қарзи ИФР аз Фабио Капелло 400 миллион рубл аст. Ва ман ба ИФР қарзи имтиёзноки мақсаднок додам, ки онро танҳо барои пардохти ин қарз истифода кардан мумкин аст", — гуфт Усмонов ба хабаргузории "Р-Спорт".

"Чунин вазъи омадаи ИФРро, ки ба он раҳбарият масъул аст, ғайри қобили қабул медонам. Ин шармандагӣ аст, ки нафаре ки барои Русия хидмат мекунад, барои кори худ маош намегирад", — гуфт Усмонов.

"Ман узви шӯрои ҳимоятгарони комитети ташкилии "Русия-2018" барои омодагӣ ба сабқати ҷаҳонии футбол ҳастам. Ва бо нигаронии вазири варзиши Русия (Виталий Мутко) дар робита бо фаолияти сармураббии тими мунтахаб Фабио Капелло мувофиқам", — зикр кард вай.

Ҳамакнун хабар расид, ки ИФР пардохти нахустини қарзашро адо кардааст.

Қаблан, рӯзи панҷшанбе вазири варзиши Русия ба хабаргузории "Р-Спорт" гуфт, ки ба тоҷирон ва бархе аз ниҳодҳои молӣ барои кӯмак дар пардохти қарзи Капелло муроҷиъат кардааст. Ба гуфтаи вай, ин қарз бояд дар тӯли ду рӯзи наздик пардохт карда шавад.

Усмонов саҳҳоми аслии (48%) USM Holdings мебошад, ки ширкатҳои маъодин ва фузулот, мухобирот, интернет ва телевизиниро муттаҳид кардааст.

Дар моҳи феврали соли 2015 маҷаллаи Forbes дороиҳои Усмоновро 18,6 миллиард доллар унвон кардааст.

Ба ҷуз аз фаолияти ҳирфаӣ Усмонов раиси Федератсияи байналмиллалии шамшербозӣ мебошад, ки онро аз соли 2008 раҳбарӣ мекунад ва ҳамзамон яке аз саҳҳомони тими футболи "Арсенал"-и Лондон мебошад. Усмонов якҷо бо Фарҳод Моширӣ 30,2% ин тими лондониро дар ихтиёр дорад.

37
Барчаспҳо:
напардохтани маош, Иттиҳоди футболи Русия, Фабио Капелло, Алишер Усмонов, Русия
Президент Ирана Хасан Рухани, архивное фото

Рӯҳонӣ: пинҳони мубтало шудан ба коронавирус таҷовуз ба ҳуқуқи дигарон аст

58
(Таҷдидшуда 02:46 06.07.2020)
Раисҷумҳури Эрон гуфт, агар касе бидонад, ки ба вируси корона мубтало шудааст вазифаи шаръӣ ва инсонӣ дорад, ки ба атрофиёнаш иттилоъ диҳад ва худро қарантина кунад

ДУШАНБЕ, 6 июл — Sputnik. Ҳасани Рӯҳонӣ ахиран дар ҷаласаи Ситоди миллии муқобила бо вируси корона гуфт,  агар фарде мехоҳад вориди идорае шавад бояд аз ниқоби тиббӣ истифода кунад ва агар накард, набояд ба ӯ хизматрасонӣ карда шавад, иттилоъ додааст хабаргузории “Парстудей”.

Раисҷумҳури Эрон таъкид кард, ки вуруди кормандон бидуни ниқоби тиббӣ ба идораҳо мамнуъ аст ва агар корманд дар идорае серодам бидуни ниқоби тиббӣ меояд, бояд барои ӯ фаҳмонанд ва ӯро баргардонанд.

Рӯҳонӣ афзуд, набояд иҷоза дода шавад, ки дар метро ва автобус мардум бидуни  ниқоби тиббӣ ворид шаванд ва вазири умури дохила ва ҳамаи шаҳрдориҳо талоши худро ба кор бигиранд ва ҳар ҷо лозим аст аз неруи интизомӣ ва басиҷ истифода кунанд.

Раисҷумҳури Эрон ҳамчунин афзуд, мавзӯи муҳим ва мавриди таъкиди мо аз рӯзи аввал ин буд, ки бояд худамонро бо ин шароит омода кунем  яъне аз рӯзи аввал гуфтем, ки ин вирус меҳмони нохондаи кутоҳмуддат нест ва мумкин аст то охири сол ва ҳатто то соли оянда низ идома дошта бошад.

Рӯҳонӣ таъкид кард, ки мардум бояд то замони тавлиди  дору ва ё ваксина барои муқобила бо ин беморӣ, фарзро бар ин қарор диҳанд, ки ҳама мумкин аст олуда бошанд ва лизо бояд дар иртиботи иҷтимоӣ бо ашхос, ниҳояти диққат ва эҳтиёти лозимро ба амал оваранд.

Ҳамзамон, вай бо ташаккур аз ҳамаи муҳаққиқоне, ки барои ёфтани дору ва ё ваксинаи ин беморӣ талош ва кор мекунанд, ибрози умедворӣ кард, ки ин талошҳо идома ёбад ва ба натиҷаҳои мусбат бирасад.

58
Барчаспҳо:
Раисҷумҳур, Ҳасан Руҳонӣ, ҳуқуқ, таҷовуз, вирус, Эрон

Марди ҳиндӣ барои ҳифозат аз коронавирус ниқоби тиллоӣ бо арзиши 4 000 доллар мепӯшад

2056
Ин мард мегӯяд, ниқоби тиллоиро пас аз он фармоиш дод, ки нафареро бо ниқоби нуқрагӣ дида буд. Ниқоби ӯ 2,5 кило вазн дорад

ДУШАНБЕ, 5 июл — Sputnik. Шанкар Кударе шаҳрванди Ҳиндустон бо арзиши 4 ҳазор доллар ниқоби тиллоӣ харида барои муҳофизат кардани худ аз коронавирус мепӯшад. Дар ин бора худи ӯ ба РИА Новсоти хабар додааст.

Сокини иёлати Махараштра изҳор доштаст, ки пас аз дидани нафаре бо ниқоби нуқрагӣ, хост барои худ айнан чунин ниқоб, вале тиллоиро фармоиш диҳад.

"Он замон дар сарам фикре дар бораи фармоиш додани ниқоби тиллоӣ пайдо шуд. Азбаски ман тиллоро дӯст медорам ва занҷирҳои тиллоро мепӯшам, қарор додам чаро ниқоби тиллоиро напӯшам? Сипас аз заргари маҳаллӣ хоҳиш кардам, ки барои ман ниқоби тиллоиро омода созад", - афзудааст Кударе.

Дунёи ниқобпӯшон: роҳҳои пешгирӣ аз коронавирус дар кишварҳои гуногун - акс

Ниқоби ӯ 2,5 кило вазн дошта 3870 доллар арзиш дорад.

Ӯ мегӯяд, барои муҳофизат кардан аз маризии коронавирус танҳо пӯшидани ниқоб кумак намекунад. Аз ин рӯ, номбурда дар баробари бо ниқоби тиллоӣ ба кӯча баромадан, риоя кардани фосилаи иҷтимоиро низ фаромӯш намекунад.

Кударе мегӯяд, ниқобаш ӯро миёни мардум ва ҳамчунин ВАО шӯҳратёр кард.

"Вақте бо ниқоби тиллоӣ ба берун баромадам, диққати ҳамаро ба худ ҷалб кардам, зеро ин гуна ниқоб тамоман чизи нав аст ва ҳайрати одамонро ба бор овард", - мегӯяд вай.

Бар тибқи маълумоти ахир, дар Ҳиндустон 648 ҳазор нафар мубталои коронавиурс шуда, 18 ҳазор мариз ҷон аз даст доданд.

2056
Барчаспҳо:
тилло, Ҳиндустон
Мавзуҳо:
Пайомадҳои COVID-19 дар Тоҷикистон ва ҷаҳон
Раиси вилояти Хатлон ба аёдати маъб рафт

Раиси вилояти Хатлон аз ҳисоби худ ба маъюби 26-сола панҷ ҳазор сомонӣ кумакпулӣ дод

0
(Таҷдидшуда 02:53 06.07.2020)
Раиси вилояти Хатлон Қурбон Ҳакимзода дар ноҳияи Ёвон Хуҷамурод Хуҷаевро, ки маъюби гурӯҳи якум аст, аёдат кард

ДУШАНБЕ, 6 июл — Sputnik. Ба нақл аз дафтари матбуоти мақомоти вилояти Хатлон, Хуҷамурод, ки сокини деҳаи Боғдараи Ҷамоати деҳоти ба номи Ҳасан Ҳусейнов аст ва ӯ 26 сол дорад.

Қурбон Ҳакимзода, раиси вилояти Хатлон зикр кард, ки айни ҳол сохтмони манзили истиқоматии нав барои оилаи Хуҷамурод бомаром идома дошта, аллакай марҳилаи бомпӯши хона ҷараён дорад.

“Давлат ҳеҷ гоҳ афроди имконияти ҷисмоиашон маҳдуд, ятимону бепарасторонро танҳо намегузорад. Пас аз пурра ба анҷом расидани сохтмони манзили зист, дар фикри барпо намудани тӯй шуда, Шуморо хонадор мекунем”, - қайд намуд зимни суҳбат бо Хуҷамурод Хуҷаев раиси вилояти Хатлон.

Қурбон Ҳакимзода пас аз мулоқот бо Хуҷамурод ба ӯ 5 ҳазор сомонӣ кумакпулӣ ва барои хонаводааш маҳсулоти ғизоӣ, аз қабили орд, равған, биринҷ, макарон, картошка, пиёз, қанд ва ғайра тақдим намуд.

Вай ҳамчунин ба масъулони ниҳодҳои дахлдор дастур дод, ки сохтмони манзили зисти Хуҷамурод Хуҷаевро бо сифати баланд ва дар муҳлатҳои кутоҳтарин ба анҷом расонида шавад.

0
Барчаспҳо:
кумакпулӣ, маъюб, Хатлон, Тоҷикистон