Сарбози артиши Украина. Акс аз бойгонӣ

Низомиёни Украина: зимни ҳамла мо аз се маҳал “гузаштем”

6
Ба гуфтаи мушовири раҳбари ВКД Украина Зорян Шкиряк, низомиён ба самти Новоазовск, ки дар ҷанубу шарқи вилояти Донетск воқеъ аст, равон ҳастанд. Вай иддаъо дорад, ки низомиён зимни ин амалиёт аз маҳаллоти аҳолинишини Широкино, Павлопол ва Коминтерново “гузаштаанд”.

ДУШАНБЕ, 10 фев — Sputnik. Низомиёни Украина изҳор доранд, ки зимни амалиёт онҳо аз маҳаллоти аҳолинишини Широкино, Павлопол ва Коминтерново дар шарқи Мариуполи вилояти Донетск "гузаштаанд", хабар медиҳад РИА Новости.

Ин се маҳал дар ҷануби вилояти Донетск воқеъ буда аз шимол ба самти ҷануб дар як масир қарор доранд. Қаблан муъовини фармондеҳи ситоди ҷудоихоҳони ҷумҳурии мардумии худмухтори Донетск Эдуард Басурин изҳор карда буд, ки низомиён дар шарқи Мариупол амалиёти низомӣ анҷом медиҳанд ва набардҳо барои Широкино идома доранд.

Ба гуфтаи мушовири раҳбари ВКД Украина Зорян Шкиряк, низомиён ба самти Новоазовск, дар қисмати ҷанубу шарқи вилояти Донетск равон ҳастанд.

"Гурӯҳи таъиноти вижаи Гвардияи миллӣ "Азов" аз Широкино, Павлополӣ, Коминтерново-1 и Коминтерново-2 гузашт… Зимни озод кардани Широкино сарбозони гурӯҳи таъиноти вижаи "Сокол" захмӣ шуданд. Феълан сарбозони мо барои Саханка ва Октябр вориди набардҳои сангин шудаанд. Дар ин даргириҳо теъдоди зиёди террористон ва васоили фаннии онҳо нобуд карда шуданд. Даргирӣ дар самти ҷанубӣ идома дорад", — иқтибос овардааст аз суханони вай маркази матбуотии ВКД Украина.

Мақомоти Украина дар моҳи апрели соли гузашта дар Донбасс алайҳи норозиёни табаддулоти давлатии моҳи феврал дар ин минтақа амалиёти низомӣ оғоз карданд. Тибқи иттилоъи ахири СММ, беш аз 5,3 ҳазор нафар сокинони осоишта қурбонии ин даргириҳо шудаанд. Ҷонибҳо бо миёнаравии Русия ва САҲА борҳо барои расидан ба созиш талошҳо карданд. Дар тирамоҳи гузашта ин амр ба коҳиши шиддати тирпаррониҳо шуд, вале баъд аз ҷашни солинавӣ вазъият боз ҳам муташанниҷ гашт. Миқдори тирпарронӣ афзоиш ёфт, раҳбарияти вазорати дифоъи Украина изҳор дошт, ки дар ҳамаи маҳаллоти вориди даргирӣ нерӯҳои худро тақвият медиҳад. Ҷудоихоҳон ба навбаи худ изҳор доштанд, ки "масири даргириро" ба манзури ҷилавгирӣ аз тирзании маҳаллоти аҳолинишин аз сӯйи низомиёни Украина тағйир медиҳанд"

Дар вазорати корҳои хориҷии Русия бар ин назаранд, ки ҳаводиси ахир дар Донбасс аз тасмими Киев барои ҳалли низомии вазъият дар Донбасс шаҳодат медиҳанд. 30 январ дар Минск музокироти навбатии сулҳ баргузор шуд, вале ҷонибҳо санади ниҳоиро имзо накарданд ва баррасии он то ҳол идома дорад. Дертар Киев ва ҷумҳуриҳои худмухтор ҳамдигарро дар ташдиди даргирӣ дар пайи ноомади навбатӣ дар музокирот муттаҳам карданд.

6
Барчаспҳо:
тирпарронӣ, амалиёти низомӣ дар ҷанубу шарқи Украина, ВКД, Зорян Шкиряк, Мариупол, Дебалтсево, Донетск, Украина
Мавзуъ
ВКХ ФР, Олмон, Фаронса ва президенти Украина дар бораи бӯҳрони Донбасс
Раҳбарони Фаронса, Олмон ва Украина хостори сулҳ дар Донбасс мебошанд
СММ: теъдоди қурбониён дар Украина аз 5,3 ҳазор нафар бештар шуд
Меркел: ихтилоф дар Украина ҳалли низомӣ надорад
Президент Турции Реджеп Тайип Эрдоган

Эрдуғон маҷаллаи фаронсавиро барои карикатура ба додгоҳ кашид

261
(Таҷдидшуда 18:07 28.10.2020)
Дар ҳошияи муташанниҷ шудани муносибатҳои Фаронса ва Туркия маҷаллаи Charlie Hebdo карикатураеро нашр карда, раисҷумҳури Туркия Раҷаб Таййиб Эрдуғонро масхара кардааст

ДУШАНБЕ, 28 окт — Sputnik. Раисҷумҳури Туркия Раҷаб Таййиб Эрдуғон маҷаллаи адабиву бадеии " Charlie Hebdo"-и фаронсавиро барои карикатураи худ ба додгоҳ кашидааст.

Даъворо ба додситонии Анқара зидди роҳбарияти маҷалла аз номи роҳбари Туркия ҳомии ҳуқуқи вай Ҳусейн Айдин додааст.

Дар аризаи вай гуфта мешавад, ки мавод ба усулҳои ахлоқии рӯзноманигорӣ ва ба мафҳуми "озодии баён" рост намеояд. Афзун бар ин, карикатура иззат ва шарафи роҳбари Туркияро паст мезанад.

Расми таҳқиромези Эрдуғон дар саҳифаи Твиттери Charlie Hebdo дар ҳошияи бад шудани муносибатҳои Туркия ва Фаронса нашр гардидааст.

Дар он роҳбари Туркия нимбараҳна дар мизе нишастааст ва дар як дасташ нӯшокӣ ва бо дасти дигараш пешхизмати ҳиҷобпӯшро луч мекунад.

"Эрдуғон дар зиндагии хусусӣ бисёр бозингар аст" , - гуфта мешавад дар шарҳи карикатура.

Маҷалла расмро дар пайи муташанниҷ шудани муносибатҳои Туркияву Фаронса нашр кард. 

Таконе ба он изҳороти президенти Фаронса Эмманюэл Макрон пас аз куштори як муаллим дар наздики шаҳри Париж пас аз нишон додани карикатураи пайғамбар Муҳаммад гардид. Ин карикатура низ ба маҷаллаи Charlie Hebdo тааллуқ доштааст.

Қодиров дар бораи карикатураи паёмбар, гунаҳкорони қатли омӯзгор ва оқибати амали Макрон

Дар баромади худ роҳбари Фаронса ҳодисаро "теракти исломӣ" номида, ба мубориза бо исломи сиёсӣ дар мактабҳо, муассисаҳои давлатӣ ва масҷидҳо даъват мекунад. Ӯ ҳамчунини пешниҳод кардааст, ки дар кишвар ташкилоте ташкил карда шавад, ки "тавонад исломро бидуни таъсири беруна бисозад".

Дар посух ба Макрон Эрдуғон аз Макрон даъват кардааст, ки ҳолати равониашро бисанҷад. Пас аз ин қазия ҳамон маҷалла Эрдуғонро низ ба масхара кашидааст.

261
Дети в защитных масках

Таъсир ба наслҳо: табиб оқибатҳои хатарноки коронавирус дар кӯдаконро гуфт

373
(Таҷдидшуда 18:15 27.10.2020)
Мутахассисон кӯдакони гирифтори коронавирусро муоина карда, оқибатҳои хатарнокро муайян кардаанд

ДУШАНБЕ, 27 окт - Sputnik. Кӯдаконе, ки гирифтори коронавируси нав ҳастанд, метавонанд ба оқибатҳои вазнин дучор оянд, мегӯяд Лайло Намозова-Баранова, раиси кумитаи иҷроияи Иттиҳоди педиатрҳои Русия.

Ба гуфтаи вай, ташхиси кӯдаконе, ки сироят ёфтаанд, таҳдиди камборвариро нишон дод.

"Назорати кӯдаконе, ки ба ягон намуди сирояти коронавирус гирифтор шудаанд, ҳатмист" гуфт коршинос.

Тибқи натиҷаҳои пурсиш, пас аз коронавирус дар беморони хурдсол, 30% коҳиш ёфтани функсияҳои маърифатӣ ба қайд гирифта шудааст.

Чунин нишондиҳандаҳо ҳатто дар кӯдаконе ёфт шудаанд, ки бемории бе аломат доштанд.

Олимон гуфтанд, кадом омил хавфи марг аз коронавирусро дучанд мекунад

"Пас аз гирифторӣ ба сирояти коронавирус, писарон тағироти ҷиддии сперматогенезро аз сар мегузаронанд. Дар оянда ин моро бо мушкилоти камборварии наслҳои оянда таҳдид мекунад", - хулоса кард мутахассис.

373

Вакил гуфт, бекор кардани патент барои муҳоҷирон чӣ пайомад дорад

0
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

0
Барчаспҳо:
муҳоҷирон, хатар, патент, Русия