Музокироти сарварони кишварҳои Русия, Олмон, Украина ва Фаронса дар Минск

Музокирот дар Минск идома дорад, дар аксари масоил тавофуқ ҳосил шуд

5
(Таҷдидшуда 09:32 12.02.2015)
Ба қавли муовини раиси дастгоҳи президенти Украина Валерий Чалий гуфтушуниди “формати нормандӣ” дар Минск ҳадди аққал 5-6 соати дигар идома хоҳад кард. ВАО менависад, садри аъзами Олмон ва раисони ҷумҳури Фаронса, Украина ва Русия қариб дар ҳама масоили марбут ба танзими вазъ дар Украина ба тавофуқ расиданд.

ДУШАНБЕ, 12 фев — Sputnik. Роҳбарони кишварҳои Олмон, Фаронса, Украина ва Русия, ки дар Минск-пойтахти Белорус барои пайдо кардани роҳи ҳал ба оташбас дар шарқи Украина гуфтугӯҳоро оғоз кардаанд, баёнияи муштаракеро имзо хоҳанд кард, менависад РИА Новости.

Нишасти Минск дар чаҳорчӯби як тарҳи пешниҳодшуда аз сӯи Фаронса ва Олмон барои поён додан ба ҷанг дар Украина баргузор мешавад.

"Ангела Меркел, садри аъзами Олмон ва Франсуа Олланд, президенти Фаронса бо Петро Порошенко, раиси ҷумҳури Украина ва Владимир Путин, раиси ҷумҳури Русия гуфтугӯро оғоз кардаанд. Чаҳор раҳбар дар ибтидо пушти дарҳои баста мулоқот карданд ва баъдан ҳайатҳои намояндагони чаҳор кишвар ба онҳо пайвастанд",- меафзояд манбаъ.

Петро Порошенко, раиси ҷумҳури Украина пеш аз нишаст гуфт, ки дар сурати даст наёфтан бар барқарории оташбас, вазъият "аз контрол хориҷ хоҳад шуд." Умед барои муваффақияти ин гуфтугӯҳо кам ба назар мерасад ва ба ин вобаста аст, ки ҳукумати Украина имтиёзи бештаре ба ҷудоиталабони дар ҳоли пешравӣ дар майдони ҷанг, бидиҳад. Аз сӯи дигар, эҳтимоли мувофиқати ҷудоиталабон бо бозгашт ба мавқеияти пешинаи худ баъид ба назар мерасад.

Ба қавли муовини раиси дастгоҳи президенти Украина Валерий Чалий гуфтушуниди "формати нормандӣ" дар Минск ҳадди аққал 5-6 соати дигар идома хоҳад кард. ВАО менависад, садри аъзами Олмон ва раисони ҷумҳури Фаронса, Украина ва Русия қариб дар ҳама масоили марбут ба танзими вазъ дар Украина ба тавофуқ расиданд.  

Бо ин ҳол Русия ба тавофуқ хушбин аст ва ба гуфтаи як дипломати Русия, эҳтимоли расидан ба тавофуқ 70 дарсад аст.  

5
Барчаспҳо:
тавофуқ, музокироти сулҳ, формати нормандӣ, президентҳои чор кишвар, Валерий Чалий, Ангела Меркел, Петр Порошенко, Франсуа Олланд, Владимир Путин, Фаронса, Олмон, Минск, Украина, Русия
Мавзуҳо:
Музокироти Минск ба тавофуқ расид, дар Украина оташбас эълом мешавад (5)
Мавзуъ
ВКХ ФР, Олмон, Фаронса ва президенти Украина дар бораи бӯҳрони Донбасс
Меркел: ихтилоф дар Украина ҳалли низомӣ надорад
САҲА: аз оғози Майдон дар Украина ҳафт журналист ҳалок шудааст

Беш аз 3 ҳазор эронӣ дар як рӯз ба коронавирус гирифтор шуданд: 175 кас ҷон бохт

33
(Таҷдидшуда 19:28 25.09.2020)
Вазорати беҳдошт, дармон ва омӯзишии пизишкии Эрон омори тозаи гирифторӣ, шифо ва фавт аз коронавирусро нашр намуд

ДУШАНБЕ, 25 сен – Sputnik. Шабонарӯзи ахир дар Ҷумҳурии исломии Эрон 3521 ҳолати ҷадиди гирифторшавӣ ба маризии коронавирус сабт гардид, хабар медиҳад сухангӯйи Вазорати дармон ва омӯзиши пизишкии ин кишвар.

Ба иттилои Симо Содот Лорӣ, дар як рӯзи охир дасти кам 175 мариз ҷон бохтанд.

Ба ҳамин минвол, дар Эрон шумораи умумии гирифторони коронавирус ба 436 319 нафар расидааст. Ҳамчунин аз замони авҷ гирифтани ин маризӣ, 25 015 нафар қурбон шуданд.

Олимони туркӣ мегӯянд, коронавирус метавонад саратони мағзи сар ба вуҷуд орад

Ба гуфтаи сухангӯи  Вазорати беҳдошти Эрон, то кунун 367 829 нафар аз беморон беҳбуд ёфта, аз бемористонҳо мурраххас шудаанд .
Қобили зикр аст, ки дар тъдоди афроди мубтало ба вируси корона дар ҷаҳон низ ба беш аз 32 миллион нафар расидааст, ки аз ин теъдод  дасти кам  982 ҳазор нафари  ҷони худро аз даст доданду беш аз 23 миллион нафара ҳам беҳбуд ёфтаанд.

33
Барчаспҳо:
омор, маризӣ, Эрон
Мавзуҳо:
Пайомадҳои COVID-19 дар Тоҷикистон ва ҷаҳон

Олимони туркӣ мегӯянд, коронавирус метавонад саратони мағзи сар ба вуҷуд орад

248
Олимони Туркия таҳқиқ намуданд, ки маризии сироятии коронавирус метавонад саратони сарро ба вуҷуд орад

ДУШАНБЕ, 25 сен - Sputnik. Коронавирус метавонад саратони мағзи сарро ба вуҷуд орад ва ё ба рушди омосҳои мавҷуда мусоидат кунад. Ба чунин натиҷа олимони донишгоҳе дар Истамбул расиданд.

"Мувофиқи фарзияи мутахассисон, зарраҳои SARS-Cov-2 қодиранд бо ҳуҷайраҳои бофтаҳои асаб, ки дар рушди онкология иштирок доранд, пайваст шаванд".

Аммо олимон исрор меварзанд, ки ин хулосабарории ниҳоӣ набуда, ҳоло дар ин самт бояд таҳқиқотҳои нав гузаронд.

"Ҳар гуна вируси онкогенӣ, ки ба ҳуҷайра ворид мешавад, онро тағир медиҳад ва дар баъзе ҳолатҳо онро хатарзо мекунад. Аммо ин як раванди хеле тӯлонист, ки ҳатман таъсири омилҳои иловагии муҳити берунӣ ва дохилиро тақозо мекунад", - шарҳ додааст бозёфтҳои олимони туркиро, роҳбари лабораторияи саратоншиносии Блохин Ксения Смирнова ба нашрияи "Известия".

Зимнан, Андрей Васин як намояндаи дигари соҳаи тандурустии Русия изҳор намудааст, ки SARS-Cov-2 вируси РНК аст ва қобилияти ин гурӯҳи патогенҳо барои барангехтани саратон қаблан мушоҳида нашудааст.

248
Барчаспҳо:
саратон, таҳқиқот, олимон, Туркия
Мавзуҳо:
Пайомадҳои COVID-19 дар Тоҷикистон ва ҷаҳон
Игор Черевченко, акс аз бойгонӣ

Cобиқ футболбози тими миллии Тоҷикистон, сармураббии “Химки” шуд

0
(Таҷдидшуда 19:28 25.09.2020)
Дастаи “Химки” дар пайи қатъи шартнома бо сармураббӣ Дмитрий Гунко хабар дод, ки Игор Черевченко сармураббии нави тим таъйин гардид

ДУШАНБЕ, 25 сен - Sputnik. Собиқ сармураббии тими “Арсенал”-и Тула, Игор Черевченко ба мақоми сармураббии дастаи “Химки” таъйин шудааст, хабар дод бошгоҳ дар саҳифааш.

Рӯзи 21 сентябр маълум шуд, ки бошгоҳи “Химки” ҳамкориро бо мураббии собиқ Дмитрий Гунко қатъ мекунад, ки дар ин бора хадамоти матбуоти даста хабар дод.

Черевченко дар тӯли камтар аз як сол чорумин мураббии клуби вилояти Маскав шуд.

Дмитрий Гунко тавонист камтар аз ду моҳро дар даста гузаронад. Таҳти роҳбарии Гунко, “Химки” ба зинаи охир дар ҷадвали “РПЛ” фаромад.

Черевченко 46-сол дошта, писари Геннадий Черевченко, аз бозингарони маъруфи дастаи “Помир”-и Душанбе аст, ки то кӯч бастани хонаводааш аз кишвар дар солҳои 1993-1994 дар ҳайати мунтахаби Тоҷикистон бозӣ мекард.

Номбурда тавонист ҳам дар тими мунтахаби кишвар ва ҳам дар бошгоҳҳои футболи Русия бозӣ кунад.

Ӯ ба ҳайси мураббӣ дар дастаҳои "Локомотив"-и Маскав, "Балтика"-и Калининград ва "Арсенал" -и Тула фаъолият кардааст.

0
Барчаспҳо:
Футбол, Русия