Гулнора Каримова. Акс аз бойгонӣ

Расонаҳо: Фаронса моликияти Гулнора Каримоваро ҳабс кард

11
(Таҷдидшуда 09:55 13.02.2015)
Муфаттишон бар ин назаранд, ки барои харидории ин моликият қисме аз маболиғи дар пайи фасодкорӣ ба даст омада, аз ҷумла маболиғи аз сӯйи ширкатҳои шветсиягӣ, русӣ ва голландӣ барои ворид шудан ба бозори мухобироти Ӯзбекистон пардохт шуда, истифода шудааст.

ДУШАНБЕ, 12 фев — Sputnik. Додгоҳи Фаронса моликияти духтари бузурги раиси ҷумҳури Ӯзбекистон Гулнора Каримоваро дар чорчӯби таҳқиқи парвандаҳои ҷиноии фасодкорӣ ва пулшӯӣ ҳабс кардааст, хабар медиҳад "Фергана" бо истинод ба Agence France-Presse.

Ба иттилоъи хабаргузорӣ, дар моҳи сентябри 2014 судя Серж Турнер (Serge Tournaire), ки мавориди эҳтимолии "шустушӯи пул аз сӯйи гурӯҳи ҷиноӣ" ва "аъмоли фасодкории атбоъи воломақоми хориҷӣ"-ро таҳқиқ мекунад, дар бораи ҳабси кохи Груссе, ки дар моҳи июни соли 2011 ба 28 млн евро харидорӣ шудааст, манзили боҳашамат дар Гассин, дар наздикии Сан-Тропе (2,4 млн евро, июли соли 2010) ва манзил дар минтақаи шӯҳратдори шонздаҳуми Париж (20 млн евро, ноябри соли 2009) қарор содир кард.

Ин моликият аз сӯйи ширкатҳои Studio Invest, Invest Service Group ва Ruby International харидорӣ шудааст, вале таҳқиқот собит сохтааст, ки дар паси ин ширкатҳо Гулнора Каримова ва шавҳари ғайрирасмии вай Рустам Мадумаров меистанд.

Бозрасон бар ин назаранд, ки барои харидории ин моликият қисме аз маболиғи дар пайи фасодкорӣ ба даст омада, аз ҷумла маболиғи аз сӯйи ширкатҳои шветсиягӣ, русӣ ва голландӣ барои ворид шудан ба бозори мухобироти Ӯзбекистон пардохт шуда, истифода шудааст.

Таҳқиқот собит кардааст, ки аз моҳи декабри соли 2007 то моҳи ноябри соли 2010 Каримова бар ивази муҷҷавиз тавассути ширкати дар Гибралтар сабти ном шуда ҳудуди $324 млн дарёфт кардааст.

Эҳтимол меравад, менависад расона, ин ширкати гибралтарӣ Takilant мебошад, ки дар маркази қазияи фасодкории марбут ба роҳ ёфтани ширкатҳои Coscom ва VimpelCom Ltd ба бозори мухобиротии Ӯзбекистон қарор гирифтааст.

Ширкати Takilant ба номи Гаяне Авакян, ёвари хусусӣ ва шахси боэътимоди Гулнора Каримова сабти ном шудааст. Авакян аллакай муҷозот шудааст, Каримова — тибқи иттилоъи манобеъи ғайрирасмӣ дар ҳабси хонагӣ қарор дорад.

11
Барчаспҳо:
ҳабси моликияти Гулнора Каримова, президенти Ӯзбакистон, додгоҳи Париж, Ислом Каримов, Гаяне Авакян, Рустам Мадумаров, Серж Турнер, Гулнора Каримова, Гибралтар, Ӯзбекистон, Фаронса
Мавзуъ
Ба мақоми раиси ҷумҳури Ӯзбекистон боз як номзад пайдо шуд
Вакцина

Эрон ҳам ба зуддӣ эмгузарониро оғоз мекунад

73
(Таҷдидшуда 00:34 25.01.2021)
Вазири беҳдошт, дармон ва омӯзиши пизишкии Эрон гуфт, эмгузаронӣ бо ваксини зидди вируси корона дар Эрон ба зудӣ оғоз мешавад

ДУШАНБЕ, 25 янв— Sputnik.  Саиди Намакӣ, вазири беҳдошт, дармон ва омӯзиши пизишкии Эрон ахиран  бо ишора ба талош барои сохти ваксинаи коронаии Эрон афзуд, ки воридоти ваксинаи зидди корона ба кишвар ба зудӣ оғоз мешавад, иттилоъ додааст радиои тоҷикии Садои Хуросон.

Намакӣ афзуд, ки бо воридоти ваксинаи зииди вируси корона, эмгузаронӣ барои гурӯҳҳои ҳассосу пурхатар оғоз мешавад.

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

 Ҳамчунин Ҳуҷҷатуллоҳи Некии Маликӣ, раиси маркази итилоърасонии ситоди иҷроии фармони ҳазрати Имом (р) гуфт: “Пас аз баррасии саломати 21 довталабе, ки ваксинаи корони тавлидшуда дар Эрон ба онҳо тазриқ шуда аст,  муҷаввизи тазриқ барои 14 довталаби дигар содир шуд”.

Марҳилаи аввали тазриқи инсонии мутолиъоти болинии нахустин ваксинаи коронаи сохти муҳаққиқони эронӣ бо номи  “Кув Эрон баракат” 29 декабри 2020 рӯй довталабон оғоз шуд.

73
Барчаспҳо:
беҳдошт, вазир, вируси корона, эмгузаронӣ, Эрон
День 25 января

Аз зодрӯзи Фаррух Ҳамралиеву Субҳон Ибодов то Рӯзи кормандони соҳаи меҳнат: имрӯзи таърих

123
(Таҷдидшуда 22:22 24.01.2021)
Рӯзи биступанҷуми январ дар Тоҷикистон аз Рӯзи кормандони соҳаи меҳнат ва ҳифзи иҷтимоии аҳолӣ ҷашн гирифта мешавад

Рӯзи 25 январ дар ҷаҳон чӣ рух дод

Соли 1908 дар Боку аввалин маротиба намоиши операи "Лайлӣ ва Маҷнун" барпо гардид.

Соли 1924 дар шаҳри Шамони Фаронса маросими кушодашавии аввалин Бозиҳои  олимпии зимистона баргузор гардид.

Соли 1949 аввалин маротиба маросими ҷоизасупории телевизиони амрикоии "Эмми" гузаронида шуд.

Соли 2016 дар Амстердам Маркази Урупо оид ба мубориза бо терроризм ифтитоҳ гардид.

 

Рӯзи 25 январ дар Тоҷикистон чӣ рух дод

Соли 2001 Раёсати назорати давлатии молиявии назди Президенти Тоҷикистон таъсис дода шуд.

Соли 2010 бо супориши Президент Эмомалӣ Раҳмон вазири вақти корҳои хориҷии Ҷумҳурии Тоҷикистон Ҳамрохон Зарифӣ барои иштирок дар кори Саммити минтақавии кишварҳои ҳамсояи Афғонистон ба шаҳри Истанбули Туркия сафар кард.

Соли 2011 раисҷумҳури Тоҷикистон Эмомалӣ Раҳмон "Дар бораи таъсиси Раёсати хизмати давлатии назди Президенти Ҷумҳурии Тоҷикистон" Фармон ба имзо расониданд.

Соли 2011 Эмомалӣ Раҳмон аз ҳодисаи мудҳиши террористӣ, ки бегоҳии 24 январ дар фурудгоҳи Домодедоваи шаҳри Москва рух дод, андӯҳгин гардида, аз дақиқаҳои аввал ҷараёни расондани кумакҳо ба шаҳрвандони осебдидаи Тоҷикистонро зери назорати пайваста қарор доданд.

Соли 2017 қарори Ҳукумати Тоҷикистон дар бораи Қоидаҳои барасмиятдарорӣ, додани раводид ва раводиди электронии Ҷумҳурии Тоҷикистон ба шаҳрвандони хориҷӣ ва шахсони бешаҳрвандӣ ба имзо расид.

Соли 2017 Президенти Ӯзбекистон Шавкат Мирзиёев як гурӯҳ фаъолони марказҳои фарҳангӣ, аз ҷумла, 2 нафар тоҷиконро "барои саҳмгузорӣ дар таҳкими дӯстии байналмилалӣ ва ризоият дар ҷумҳурӣ" бо ордену медалҳо сарфароз гардонид.

Ҷашнҳои рӯзи 25 январ

  • Дар Тоҷикистон — Рӯзи кормандони соҳаи меҳнат ва ҳифзи иҷтимоии аҳолӣ.

Рӯзи 25 январ кӣ ба дунё омадааст

Соли 1944 – доктори илмҳои физика- математика Субҳон Ибодов.

Соли 1966 – иқтисодчӣ Фаррух Ҳамралиев.

123
Барчаспҳо:
Ҷаҳон, Тоҷикистон, ҷашн
Мавзуъ
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Ҳалокати 300 кас дар паи заминларзаи шадид дар Тоҷикистон: имрӯзи таърих
Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих
Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих
Первый вице-премьер Таджикистана Давлатали Саид, архивное фото

Норасоиҳоро бартараф кунед: супориши Давлаталӣ Саид ба роҳбарони МОИ

24
(Таҷдидшуда 11:03 25.01.2021)
Муовини якуми Сарвазири Тоҷикистон таъкид доштааст, ки мақсади асосӣ аз таъсиси минтақаҳои озоди иқтисодӣ - ин зиёд намудани истеҳсоли маҳсулоти ба содирот нигаронидашуда мебошад

ДУШАНБЕ, 25 янв— Sputnik.  Ахиран дар шаҳри Душанбе таҳти раёсати муовини якуми Сарвазири Тоҷикистон Давлаталӣ Саид, ки ҳамзамон раиси Шӯрои нозирон оид ба масъалаҳои минтақаҳои озоди иқтисодӣ дар Тоҷикистон мебошад, ҷаласаи навбатии Шӯрои мазкур бо иштироки намояндагони вазорату идораҳои марбута баргузор гардид.

Ба нақл аз АМИТ “Ховар” дар ҷаласа ҳисоботи котиби масъули Шӯрои нозирон оид ба масъалаҳои минтақаҳои озоди иқтисодӣ — муовини Вазири рушди иқтисод ва савдо вобаста ба иҷрои қарорҳои ҷаласаҳои пештараи Шӯрои нозирон ва роҳбарони МОИ-и “Суғд”, “Данғара”, “Панҷ”, “Ишкошим” ва “Кӯлоб” шунида шуд.

Давлаталӣ Саид, муовини якуми Сарвазир дар ин ҷаласа таъкид доштааст, ки мақсади асосӣ аз таъсиси минтақаҳои озоди иқтисодӣ- ин зиёд намудани истеҳсоли маҳсулоти ба содирот нигаронидашуда мебошад.

Давлаталӣ Саид ба ҳар камбудиву норасоиҳои ҷойдоштаи дар ҳар  як минтақаи озоди иқтисодӣ таъкид карда, ба роҳбарони минтақаҳои озоди иқтисодӣ вобаста ба бартараф намудани норасоиҳо, тақвият додани фаъолияти минтақаҳои озоди иқтисодӣ, таъсиси корхонаҳои саноатӣ, ҷалби сармоя, зиёд намудани истеҳсоли маҳсулоти воридотивазкунӣ ва содирот намудани онҳо ба хориҷи мамлакат супоришҳои қатъӣ дод.

Гуфта шудааст, ки аз натиҷаи ҷаласа қарорҳои Шӯрои нозирон бо санади дахлдор қабул гардиданд.

24
Барчаспҳо:
Давлаталӣ Саид, содирот, истеҳсол, таъсис, Минтақаҳои озоди иқтисодӣ, Тоҷикистон