ДУШАНБЕ, 17 фев — Sputnik. Пиразани араб аз ҷангиёни "Давлати исломӣ", ки рустои ӯро забт карданд, интиқод карда барояшон аз Қуръон иқтибосҳои сулҳомез қироъат мекунаду мутмаъин аст, ки террористҳо лаънатзадаанд, зикр мекунад Лента.ру бо истинод ба The Daily Mirror.
Пиразани арабӣ баъд аз он чеҳраи шинохта дар интернет шуд, ки ин навори видеоӣ дар шабакаҳо пайдо шуд. Зимнан, аз ин навори видеоӣ рӯшан мешавад, ки онро худи исломгароҳо ба навор гирифтаанд.
"Шумо ҳамдигарро мисли хар қатл мекунед", — гуфт мусалмонзан.
Зикр мешавад, ки ин амал дар Сурия сурат мегирад, зеро зан исми раиси ҷумҳури кишвар Башор Асадро ном мегирад. На террористҳо ва на Башор Асад "пирӯз намешаванд", мегӯяд вай, зеро аз наҳваи шиканҷа кор мегиранд.
Ин зан аз ҷангиён даъват мекунад, ки "ба Аллоҳ" рӯй оваранд ва қатлҳои аз ҷониби онҳо сурат гирифтаро кори "ҳаром" унвон мекунад.
Ҷангиён борҳо талош мекунанд, ки аз изҳори назари вай ҷилавгирӣ кунанд ва шиоорҳои "ДИ"-ро талаффуз мекунанд: "Мо ба наздатон бо ҷанг омадаем!", вале ин амр ба зан таъсире надорад.
"Мо наслҳои комилеро то замони шумо нобуд кардаем, зеро онҳо ноҳақ буданд. Мо ба муҷримон аз рӯйи аъмолашон посух медиҳем. Аллоҳ ҳамаи моро назорат мекунад", — идома кард мусалмонзан ва изофа кард, ки онҳо ҳеч гоҳ ба ҷаннат роҳ намеёбанд.
Зикр мешавад, ки сарнавишти минбаъдаи ин пиразан рӯшан нест.
