Парчами Давлати исломӣ. Акс аз бойгонӣ

Террористҳои “ДИ” 40 нафар суннимазҳабро дар Ироқ қатл карданд

8
(Таҷдидшуда 17:08 20.02.2015)
Ҷангҷӯёни “Давлати исломӣ” таҷрубаи ваҳшатноки қатли оммавиро идома дода ин даъфа сокинони шаҳри Ал-Бағдоди дар вилояти шарқии Ироқ қурбонии террористҳо шуданд, ки дар миёни онҳо як корманди пулис ва чанд тан аз низомиён низ буданд.

ДУШАНБЕ, 20 фев — Sputnik. Тундгароёни гурӯҳи "Давлати исломӣ" дар вилояти Анбари забтшудаи Ироқ ҳудуди чиҳил нафарро қатл карданд, хабар медиҳад РИА Новости бо истинод ба Синхуа.

Ҷангҷӯён ба шаҳри Ал-Бағдоди ҳамла карда ҳудуди 40 нафарро аз қавми сунниҳо, аз ҷумла корманди пулис ва аъзои гурӯҳи ҳукуматии низомии "Ас-Сахва"-ро гаравгон гирифтанд. Ба гуфтаи манбаъи Синхуа дар идораи маҳаллии амниятӣ, баъд аз қатл аҷсоди кушташуда сӯзонида шуданд.

Қаблан гузориш шуда буд, ки 14 феврал ҷангҷӯён 33 нафарро, ки бештарашон аъзои "Ас-Сахва" буданд, қатл карданд.
Амалиёти низомӣ 13 феврал, вақте ки ҳудуди 25 ҷангҷӯи "ДИ" бо шумули фидоиён ба пойгоҳи ҳавоии Айн-Аль-Асад дар минтақаи Анбар, ки он ҷо ҳудуди 300 сарбози амрикоӣ қарор доранд, ҳамла карда карданд, оғоз шуд.

Тундгароён қисмати бузурги шаҳри Ал Бағдодӣ, ки дар наздикии пойгоҳи ҳавоӣ қарор ва муҳосираи он чанд моҳ идома дошт, забт карданд. Минтақаи Ал Анбар дар самти ғарб бо Сурия ва Ӯрдун ҳаммарз буда ва шаҳрҳои Эль-Фаллуҷа ва Эр-Рамади дар он ҷо дар оғози соли 2014 нахустин мавриди ҳамлаи гурӯҳҳои "ДИ" қарор гирифтанд. То ҳол беш аз ду аз се ҳиссаи ин вилоят таҳти назорати ҷангҷӯён қарор дошта ҳамарӯза дар шаҳрҳо ва рустоҳо миёни низомиён ва гурӯҳҳои "ДИ" даргириҳо сурат мегиранд.

Тавсеъаи густурдаи "ДИ", ки манотиқи қобили мулоҳизаи Ироқ ва Сурияро забт кардааст, дар соли 2014 як аз мушкилоти умдаи ҷаҳонӣ шуд. Ин гурӯҳ ба иттилоъи ИМИ ҳудуди 30 ҳазор ҷангҷӯро дар бар дорад. Дар манотиқи забтшуда хилофатро эълом карда ва талош дорад ҳудудҳои худро бештар кунад.

Ҷабҳаи умумии муқобала бо "ДИ" вуҷуд надорад: ба ҷуз аз иттиҳод бо ин гурӯҳ нерӯҳои давлатии Сурия ва Ироқ ва ҳамчунин курдҳои ироқиву суриягӣ меҷанганд. Дар пайи даргириҳо ҷанд ҳазор аз сокинони осоишта кушта шуда, садҳо ҳазори дигар гуреза шуданд ва чанд ҳазори дигар дар дасти "ДИ" гаравгон афтодаанд.

8
Барчаспҳо:
қатли 40 нафар дар вилояти Анбари Ироқ, "Давлати исломӣ", Ироқ, Сурия
Мавзуъ
Як мақоми эронӣ: поёни умри "Давлати исломӣ" наздик аст
“Давлати исломӣ” амири Хуросонро таъин кард
Гурӯҳи “Марг” ба “Давлати исломӣ” ва “Толибон” ҷанг эълом кард
“Давлати исломӣ” барои ташаннуҷи вазъ дар ОМ $70 миллион ҷудо мекунад

Русия қуллаи баландтарини авҷи маризии коронавирусро паси сар кард

344
(Таҷдидшуда 16:59 29.05.2020)
Пизишки бемориҳои сироятӣ Николай Малишев мегӯяд вазъи паҳншавии маризии сироятии коронавирус аллакай сабук шудааст

ДУШАНБЕ, 29  май — Sputnik. Русия аллакай қуллаи баландтарини авҷи маризии коронавирусро сипарӣ кард, изҳор дошт профессор, доктори илмҳои тиб, пизишки бемориҳои сироятӣ Николай Малишев дар нишасти матбуотӣ дар Агентии байналмилалии иттилоотии "Россия сегодня".

"Мутахассиси бемориҳои сироятӣ вазъи паҳншавии маризии коронавирусро дар Русия нисбатан ором арзёбӣ кард".

Малишев тавзеҳ додааст, ки дар Русия қуллаи баландтарини авҷи ин маризӣ қариб ки набуд. Ҳукумати Русия дар қиболи авҷи ин беморӣ бисёр фаъол фаъол буд ва то андозае пешгузарӣ ҳам карданд.

Аз ҷумла, дар кишвар як қатор катҳо барои беморон муҳайё карда шуданд, то ки аз боло рафтани нишондиҳандаҳои беморшавӣ ва фавт пешгирӣ карда шавад, илова намуд Малишев.

Суръати сирояти коронавирус дар Русия коҳиш меёбад

"Мо аз ин вазъият шарафмандона баромадем", -  гуфт ӯ.

Тибқи иттилои ситоди фаврӣ, то рӯзи 29 май дар Русия, 387,6 ​​ҳазор гирифтори маризии коронавирус ба қайд гирифта шудааст. Зимнан, 4,3 ҳазор беморон қурбонии ин маризӣ гардиданд.

344
Барчаспҳо:
маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Расул Бокиев

Сипоси муфтии Маскав аз Расул Боқиев барои кумакҳояш ба муҳоҷирин ва камбизоатону маъбон

428
(Таҷдидшуда 15:54 29.05.2020)
Илдар Аляутдинов, муфтии Маскав ба Расул Боқиев, паҳлавони шинохтаи тоҷик барои кумакҳояш изҳори сипос кардааст 

ДУШАНБЕ, 29  май — Sputnik. Дар ин бора худи паҳлавон аксҳо аз дидору мулоқот ва сипоснома аз суи муфтии Маскав ба ӯ ҳадяшударо дар саҳфаи фейсбукияш гузоштааст.

Дар сипоснома навишта шудааст, ки Идораи рӯҳонии мусулмонони Федератсияи Русия ба барандаи Ҷоизаҳои Бозиҳои олимпӣ, барандаи ҷоизаи Чемпионати ҷаҳон, Чемпионати ҷудои  Русия Расул Боқиев барои расонидани кӯмаки хайрия ба муҳоҷирон, собиқадорон ва иштирокчиёни ҶБВ, маъюбон, кӯдакони оилаҳои камбизоат ва оилаҳои серфарзанд изҳори сипос кардааст.

Ин ниҳоди динии Русия ҳамчунин барои паҳлавон ва рушди мактаби ҷудои ӯ дар ин кишвар пешрафт ва шукуфоӣ таманно кардааст.

Расул Боқиев, фарзанди паҳлавони маъруфи тоҷик Мураббии шоистаи Тоҷикистон Худойназар Боқиев аз варзишкорони шинохтаи кишвар буда 38 сол дошта, дар ноҳияи Рӯдакӣ ба дунё омадааст.

Номбурда соли 2008 барандаи нишони биринҷии Олимпиадаи Пекин ва  соли 2007 дар Рио-Де-Жанейро нишони биринҷии қаҳрамонии дунёро ба даст овардааст.

Расул Боқиев: Агар раҳбарони одил медоштем, ман имрӯз дар Тоҷикистон будам...

Паҳлавони шинохта, ҳамзамон солҳои 2007, 2010, 2011 ва 2012 барандаи Ҷоми ҷаҳон ва 2009 қаҳрамони гуштии ҷудои Русия шуда буд.

Дорандаи унвони Устоди шоистаи варзиши Тоҷикистон буда тайи чанд соли ахир дар Русия иқомат мекунад ва  соли 2015 дар Маскав барои омодасозии варзишкорони ҳирфаӣ “Мактаби гуштии Расул Боқиев”-ро ташкил кард.

428
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1071
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1071
Барчаспҳо:
Тоҷикистон