Парчами ДИ. Акс аз бойгонӣ

ИФА Русия: дар суфуфи “ДИ” бист ҳазор атбоъи хориҷӣ меҷанганд

6
(Таҷдидшуда 16:05 14.05.2015)
Нерӯҳои амниятии Русия аз афзоиши теъдоди атбоъи хориҷӣ, ки дар даргириҳои Ироқ ва Сурия дар суфуфи гурӯҳи тундгарои “Давлати исломӣ” меҷанганд, хабар медиҳанд.

ДУШАНБЕ, 20 фев — Sputnik. Ба пуштибонӣ аз гурӯҳи террористии "Давлати исломӣ" дар Ироқ то 20 ҳазор нафар аз 100 кишвари ҷаҳон меҷанганд, гуфт ба хабарнигорон дар Вашингтон мудири ИФА Русия Александр Бортников, хабар медиҳад РИА Новости.

"Феълан дар даргириҳо дар Ироқ ҳудуди 100 кишвар пайвастаанд. Теъдоди атбоъи хориҷӣ дар суфуфи ДИ аз 13 то 20 ҳазор нафар афзоиш ёфтааст — мо тақрибан чунин оморро арзёбӣ мекунем", — гуфт Бортников, ки дар ҳамоиши муқобала бо тундгароии иҷборӣ дар Вашингтон ширкат мекунад.

Гурӯҳи террористии "Давлати исломӣ", ки соли 2006 дар Ироқ дар пайи ба ҳам омадани ёздаҳ созмони ифротии исломӣ ба раҳбарии бахши маҳаллии "Ал-Қоида" ташкил шудааст, умдатан дар қаламрави Сурия ва Ироқ фаъолият мекунад.

Мақомоти Тоҷикистон, ки дар авохири соли гузашта аз мушорикати 300 шаҳрвандонаш дар даргириҳои Сурия хабар дода буданд, ахиран изҳор доштанд, ки ба манзури муқобала аз эъзоми зархаридон ба Сурия ва кишварҳои дигари Ховари Миёна ситоди вижа таъсис медиҳанд.

Худи Эмомалӣ Раҳмон дар оғози соли ҷорӣ изҳор дошт, ки мақомот аз навҳаи ҷалби зархаридон огоҳӣ дорад ва додситонии кулли Тоҷикистон дар муқобала бо зархаридон бо ИФА Русия ҳамкорӣ мекунад.

Ба иттилоъи Додситонии кулли Тоҷикистон, дар соли 2014 нисбати 85 шаҳрванди Тоҷикистон, ки дар Ироқ ва Сурия меҷанганд 41 парвандаи ҷиноӣ боз шудааст.

 

6
Барчаспҳо:
изҳорот, ДИИШ, "Давлати исломӣ", ДИ, Александр Бортников, Русия
Мавзуъ
Як мақоми эронӣ: поёни умри "Давлати исломӣ" наздик аст
“Давлати исломӣ” амири Хуросонро таъин кард
Гурӯҳи “Марг” ба “Давлати исломӣ” ва “Толибон” ҷанг эълом кард
“Давлати исломӣ” барои ташаннуҷи вазъ дар ОМ $70 миллион ҷудо мекунад