Баҳман. Акс аз бойгонӣ

Теъдоди қурбониён дар Панҷшери Афғонистон ба 124 нафар расид

12
(Таҷдидшуда 10:48 26.02.2015)
Резиши баҳман, ки дар чанд вилояти шимолу шарқи Афғонистон рух дод, ба кушта шудани мардум ва тахриби манозил мунҷар шуд. То ҳол хатароте вуҷуд дорад, ки теъдоди қурбониён боз ҳам афзоиш меёбад.

ДУШАНБЕ, 26 фев — Sputnik. Теъдоди қурбониёни тармафароӣ дар манотиқи шимолу шарқи Афғонистон афзоиш ёфта ва ҳамакнун 124 нафар дар пайи ин ҳодиса ҷони худро аз даст додаанд, хабар медиҳад РИА Новости бо истинод ба Ассошиэйтед Пресс.

Тоннаҳо қабати барф ба чаҳор вилояти шимолу шарқи кишвар фурӯ рехтанд. Бештар аз ҳама вилояти Панҷшер зарар дид. Дар ин ҷо офати табиъийӣ ҳудуди 100 манзилро тахриб карда зери қабати барф бештаре аз зербаноҳо қарор мондаанд, хабар дод ба хабаргузорӣ муъовини мудири Маркази рафъи авоқиби офоти табиъийии Афғонистон Аслам Сиас.

Ба иттилоъи раҳбари пулиси вилояти Панҷшер теъдоди қурбониён метавонад афзоиш ёбад ва умури наҷот рӯзи панҷшанбе идома меёбад.

Якҷо бо маъмурони ниҳодҳои интизомӣ дар умури наҷот ихтиёрон низ саҳми фаъол мегиранд, ки мехоҳанд ҳамватанони худро аз марг наҷот бидиҳанд. Ихтиёронро ҳатто адами олоти корӣ монеъ намешавад ва онҳое, ки барояшон бел нарасид, барфро бо дастонашон тоза мекунанд. Мушкили ҷиддӣ барои ироъа кӯмак ба осебдидагон вазъи вахими ҷоддаҳо унвон мешавад, ки зери қабати барф мондаанд.

Феълан ба вилоят гурӯҳҳои Ҳилоли Аҳмар эъзом шудаанд. Ин дар ҳолест, ки мақомоти маҳаллӣ ба идомаи ироъаи кӯмакҳо аз созмонҳои дигари хайриявӣ ва ҳукумати марказӣ умед доранд.

Панҷшер яке аз 34 вилояти Афғонистон аст. 144,4 ҳазор (мавқеъи 33) нафар ҷамъият дорад. Маркази маъмурӣ шаҳри Бозорак мебошад. Дар қаламрави вилоят нерӯҳои аслии НАТО ба раҳбарии ИМА мустақар ҳастанд.

12
Барчаспҳо:
резиши баҳман, Ҳилоли Аҳмар, Аслам Сиас, Панҷшер, Афғонистон
Мавзуҳо:
Барфрезӣ дар Панҷшери Афғонистон боис ба марги беш аз 200 нафар гардид (3)
Мавзуъ
Беш аз 50 нафар дар Афғонистон пас аз фаромадани тарма нопадид шудаанд
Гулмурод Халимов, архивное фото

ВКД: Гулмурод Ҳалимов бо аҳли оилааш нобуд шудааст

1384
(Таҷдидшуда 12:47 03.08.2020)
Вазорати корҳои дохилии Тоҷикистон аз кушта шудани собиқ фармондеҳи ОМОН-и ВУД Тоҷикистон Гулмурод Ҳалимов ва аҳли хонаводааш хабар дод

ДУШАНБЕ, 3 авг — Sputnik. Вазири корҳои дохилии Тоҷикистон Рамазон Раҳимзода имрӯз дар нишасти матбуотии ниҳодаш аз нобуд шудани Гулмурод Ҳалимов хабар дод.

Ӯ гуфт, кушта шудани низомии фирории тоҷик Гулмурод Ҳалимов ва аҳли оилаашро шоҳидоне, ки бозпурсӣ шудаанд, таъйид карданд.

"Тибқи қонунгузорӣ барои тасдиқи мурдаи ин ё он нафар санад ё мадраке бояд бошад, мо чунин санадро надорем, лекин бино ба гуфти шоҳидон - онҳое, ки аз Сурия баргаштаанду боздошт шудаанд, Гулмурод Ҳалимов ҳамроҳи аҳли оилааш кушта шудааст", - гуфт Рамазон Раҳимзода дар нишасти хабарӣ.

Моҳи феврали соли равон, Раҳимзода изҳор дошта буд ки иттилоъ дар бораи кушта шудани Ҳалимовро аз расонаҳо ва ҳамкорон гирифтаанд, аммо боз санҷишҳои иловагӣ ҳастанд, ки онро анҷом дода истодаанд.

Раҳимзода таъкид намуд, ки то ҷасадро набинад, дақиқан кушта шудани Ҳалимовро тасдиқ карда наметавонад.

“Наметавонам, ба ин суол мушахассан ҳа ё не посух диҳам, то ҷасадро набинам”, - изҳор дошт вазири умури дохилӣ.

Ӯ гуфт, дар маҷмуъ иттилоъ гирифтаанд, ки Ҳалимов дар пайи як амалиёти махсус кушта шудааст. Вазир афзуд, дар мавриди Ҳумайро Мирова, собиқ корманди Хадамоти гумруки Тоҷикистон ва ҳамсари Ҳалимов, ки баъдан бо ӯ пайваст, феълан иттилое рӯи даст надоранд.

Вазорати мудофиаи Русия моҳи сентябри соли 2017 хабар дода буд, ки дар шаҳри Дайруззори Сурия дар натиҷаи ҳамлаҳои қувваҳои ҳавоии Русия собиқ фармондеҳи ОМОН-и ВУД Тоҷикистон Гулмурод Ҳалимов кушта шуд.

Гулмурод Ҳалимов сарҳангу фармондеҳи пешини Нерӯҳои ошӯбнишони ВУД Тоҷикистон буд, ки соли 2015 аз Тоҷикистон фирор карду ба гурӯҳи тундрави ДОИШ пайваст. Пас аз он ки вай дар паёме видеоӣ пайвастанаш ба ДОИШ-ро эълом кард, Интерпол номашро дар феҳристи пайгарди байналмилалӣ сабт кард.

1384
Барчаспҳо:
вазир, Рамазон Раҳимзода, ВКД ҶТ, кушта шуд, Роҳбари низомии ДИ таъин гаштани Гулмурод Ҳалимов, фирори Гулмурод Ҳалимов, Гулмурод Ҳалимов, Ҷаҳон
Представители движения Талибан, архивное фото

Дар се рӯз дар Афғонистон беш аз 4 ҳазор нафар аз зиндонҳо озод шуданд

109
(Таҷдидшуда 02:21 03.08.2020)
Ахиран мақомоти Афғонистон эълон карданд, ки ахиран боз 317 зиндонии дигари гурӯҳи Толибон аз зиндонҳо озод карда шуд

ДУШАНБЕ, 3 авг — Sputnik. Дафтари Шӯрои амният милли Афғонистон хиран дар баёниае эълом кард, бо озодии  317 нафар аз зиндониёни гурӯҳи Толибон (мамнӯъ дар қаламрави Русия) дар се рӯзи таътилоти иди Қурбон теъдоди афроди озодшудаи ин гурӯҳ аз зиндон ба 4 ҳазору 917 нафар расид, иттилоъ додааст радиои тоҷикии Садои Хуросон.

Дар баёнияи дафтари Шӯрои амнияти миллии Афғонистон омадааст , раванди озодии зиндониёни Толибон то такмил шудани 5 ҳазору 100 зиндонӣ идома дорад. 

Дар ҳамин ҳол, Суҳайл Шоҳин, сухангӯи дафтари сиёсиии Толибон дар Қатар ҳам гуфт, ин гурӯҳ раванди озодии як ҳазор нафар аз зиндониёни давлати Афғонистонро такмил карда ва Кобул низ бояд боқимондаи зиндониёни Толибонро озод кунад.

Гуфта шудааст, ки озодии ин зиндонён яке аз пешшартҳои муҳимм барои аз саргирии музокироти байни давлати Афғонистон ва Толиибон барои поёни ҷанг ва даргирӣ дар ин кишвар аст. 

Ин дарҳолест, ки гурӯҳи Толибон ҳамчунон ба ҳамалоти худ ба манотиқи мухталифи Афғонистон идома медиҳад.

109
Барчаспҳо:
мақомот, озод, зиндон, Толибон, Афғонистон
Сотрудник милиции проверяет салон маршруток в Душанбе

Аз ронандаҳои маст то афзоиши садамаҳои ҳалокатовар дар Суғд

0
Раёсати Вазорати корҳои дохилӣ дар вилояти Суғд омори қоидавайронкунии ҳаракати роҳ аз ҷониби ронандаҳои маст ва шумори садамаҳои ҳалокатбор дар роҳ давоми шаш моҳи охирро шарҳ дод

ДУШАНЕБ, 23 авг – Sputnik. Бино ба оморе, ки дафтари матбуоти РВКД вилояти Суғд дар ихтиёри Sputnik Тоҷикистон қарор дод, давоми шаш моҳи соли ҷорӣ беш аз 300 ҳолати рондани воситани нақлиёт дар ҳолати мастӣ ошкор шудааст.

“Аз ҷониби масъулини Бозрасии давлатии автомобилӣ аз ҷумла идораи воситаи нақлиёт дар ҳолати мастӣ 301, идораи воситаи нақлиёт бе ҳуҷҷатҳои ронандагӣ 227, идораи воситаи нақлиёт бо шишаҳои сиёҳ бидуни иҷозат 182, идораи воситаи нақлиёт бо аломати қайди давлатии бегона 47 ҳолат ошкор карда шуда, дар умум ҳуқуқвайронкунандагон ба маблағи 9 милиону 17 ҳазору 750 сомонӣ ҷаримабандӣ карда шуданд”, - омадааст дар иттилоияи РВКД.

Бино ба иттилоъи манбаъ, дар ин давра аз ҷониби масъулини Бозрасии давлатии автомобилӣ 183 ҳазору 833 ҳолати қоидавайронкунии ҳаракат дар роҳ ба қайд гирифта шудааст.

Ин рақам ҳарчанд дар муқоиса ба ин давраи соли қаблӣ ба андозаи 26, 3 ҳазор ё 12, 5 % кам аст, вале рухдоди садамаҳои ҳалокатовар ба 40 маврид ё 5, 3 % ва шумори шахсони ҳалокшуда ба 58 нафар расидааст, ки ин ба андозаи 20, 8 % зиёд шудааст.

Нимашаб маст аз тарабхона баромаданд: ҳабс ва ҷаримаи 4 духтар барои дашному занозанӣ

РВКД дар Суғд мегуяд, садамаҳои ҳалокатовар дар шаҳрҳои Хуҷанд, Конибодом, Исфара, Панҷакент, ноҳияҳои Мастчоҳ, Ашт ва Шаҳристон бештар қайд гирифта шудааст.

0