Барак Обама. Акс аз бойгонӣ

Обама: ИМА ва Аврупо дар таҳримоти алайҳи Русия бояд муттаҳид бошанд

7
Раиси ҷумҳури ИМА дар музокирот бо раиси Шӯрои Аврупо ҳамчунин гуфт, ки Ғарб бояд “истиқлолияти Украинаро” пуштибонӣ кунад, ҳатто агар бо “таҳдиди ҳамла” рӯбарӯ шавад.

ДУШАНБЕ, 10 мар — Sputnik. ИМА ва Аврупо бояд дар мавриди таҳримот алайҳи Русия мавзеъи яксони худро намоиш диҳанд, гуфт рӯзи душанбе раиси ҷумҳури ИМА Барак Обама дар Кохи сафед қабл аз музокирот бо раиси Шӯрои Аврупо Доналд Туск, хабар медиҳад РИА Новости.

"Меҳвари асосии музокирот Украина хоҳад буд. Мо бояд яксон будани худро дар мавриди таҳримот алайҳи Русия нишон бидиҳем", — гуфт Обама.

Раиси ҷумҳури ИМА ба ин назар аст, ки Ғарб бояд аз "истиқлолияти Украина пуштибонӣ кунад", ҳатто агар бо "таҳдиди ҳамла" рӯбарӯ шавад.
Ҳамчунин Обама ба мавзӯъи "хатароти ҷиддие, ки иқтисоди Украина бо онҳо рӯбарӯ шудааст" тавваҷӯҳ кард.

"Мо бояд талош кунем, ки дар 90% қаламрави Украина, ки таҳти назорати ҳукумати Киев аст, рушди иқтисодӣ мушоҳида шавад", — гуфт вай.
Ба навбаи худ Туск изҳор дошт, ки бояд мавзеъи яксони миёни ИМА ва ИА таъмин карда шавад.

"Мо метавонем мушоҳида кунем, ки… моро талош доранд аз ҳам ҷудо кунанд", — изҳор дошт вай. Ба гуфтаи ӯ, "ҳоло фурсати беҳтарине расидааст, ки ҷавомеъи мо эҳё шавад".

Қабл аз сафар ба ИМА Туск изҳор медошт, ки феълан дар мавриди таҳримоти ҷадид алайҳи Русия дар миёни кишварҳои аъзои ИА "мавзеъи яксон вуҷуд надорад".

7
Барчаспҳо:
таҳримҳо, таҳримҳо алайҳи Русия, изҳори назар, Шӯрои Аврупо, Кохи сафед, Доналд Туск, Барак Обама, ИА, Украина, ИМА, Русия
Мавзуъ
Саакашвили: тасмими интиқоли силоҳ ба Украина 99% омода аст
Раҳбарони Фаронса, Олмон ва Украина хостори сулҳ дар Донбасс мебошанд
Меркел: ихтилоф дар Украина ҳалли низомӣ надорад
Подпись документов

Таъсиси ордени "Саломатӣ" барои беҳтарин табибон дар Ӯзбекистон

57
(Таҷдидшуда 11:45 27.05.2020)
Ҷоизаи ифтихорӣ ба ӯзбекҳо, хориҷиён ва инчунин шахсони бешаҳрванд дода мешавад. Барои барандагон маблағҳои пулӣ ва ҳамзамон  имтиёзҳо пешбинӣ шудааст.

ДУШАНБЕ, 27  май — Sputnik. Қарор дар бораи таъсиси ордени "Саломатлик" (“Саломатӣ”) аз сӯи президенти Ӯзбекистон Шавкат Мирзиёев рӯзи гузашта ба имзо расид, хабар медиҳад хадамоти матбуотии Вазорати тандурустии ин кишвар.

Гуфта мешавад, ҷоизаи ифтихорӣ барои хизматҳои барҷаста дар рушди системаи тандурустии кишвар, беҳбуд бахшидани саломатии мардум ва тақвияти ҳамкориҳои байналмилалӣ дар ин соҳа супурда мешавад. Онро метавон аз ҷумла хориҷиён ва шахсони бешаҳрванд низ ба даст оваранд.

Нишон аз ду дараҷа иборат аст. Ордени дараҷаи I ба шахсоне, ки барои саҳми назаррас дар рушд ва такмили соҳаи тандурустӣ ва мустаҳкамгардонии саломатии мардум, ордени дараҷаи II ба шахсоне дода мешавад, ки дар ҳифзи саломатии ҷамъиятӣ, пешгирии бемориҳои мухталиф ва рафъи онҳо фаъоланд, мукофотонида мешавад.

Ба иттилои манбаъ, барои ҳавасмандӣ ҳамзамон барандагонро маблағҳи пулӣ ва имтиёзҳо тақдим мешавад.

57
Карантин в Узбекистане

Ӯзбекистон бинобар афзоиши COVID-19 қарантинаро шадидтар мекунад

428
(Таҷдидшуда 13:02 27.05.2020)
Ӯзбекистон дар ояндаи наздик чораҳои карантиниро тақвият мебахшад ва санҷиши назоратиро барои коронавирус васеъ менамояд

ДУШАНБЕ, 27  май — Sputnik. Президенти Ӯзбекистон Шавкат Мирзиёев дастур дод, ки чораҳои карантинӣ дар минтақаҳои кишвар ва шумораи санҷишҳо барои COVID-19 бинобар зиёд шудани шумораи ҳодисаҳои дар рӯзҳои охир ошкоршуда таҳким дода шаванд.

Дар ин бора дафтари матбуотии раисиҷумҳур иттилоъ додааст.
Зимни мулоқот Мирзиёев қайд кард, ки роҳбарони аксари минтақаҳо ва корхонаҳои кишвар, инчунин шаҳрвандон чораҳои карантинро нодуруст қабул намуда, гумон мекунанд, ки ин беморӣ гузаштааст.

Дар робита ба ин, ӯ ба Комиссияи ҷумҳуриявӣ дар якҷоягӣ бо роҳбарони вилоятҳо супориш дод, ки минтақаҳое, ки вазъи эпидемиологӣ бадтар шудааст, баррасӣ кунанд ва оид ба тақвияти чораҳои карантинӣ пешниҳодҳо ирсол кунанд.

Вай инчунин аз Вазорати тандурустии кишвар даъват кард, ки санҷиши назоратиро барои COVID-19 дар муассисаҳои тиббӣ, бозорҳо, бонкҳо ва ҷойҳои серодам вусъат диҳад.

Ёдовар мешавем, ки қаблан мақомоти Узбакистон карантини зидди паҳншавии коронавирусро дар кишвар то 1 июн тамдид карда буданд.

Қарантина дар ин кишвар аз 8 май ҷорӣ карда шуда буд. 

Қаблан муовини вазири тандурустии ин кишвар Баҳодур Юсуфалиев гуфт, ки дар Узбакистон ахиран ҳар рӯз то 60 ҳолати нави сироятшавӣ ба қайд гирифта мешавад.

Ӯ гуфт, агар сатҳи беморӣ ба ҳамон суръат афзоиш ёбад, ҷумҳуриро зарур аст ба қарантинаи шадид баргардад.

Бар пояи додаҳои ахир теъдоди гирифторони коронавирус дар Ӯзбекистон ба 3290 нафар расида аз он 2636 каси шифо ёфтааст. Шумори фавтидагон аз ин беморӣ ба 14 нафар мерасад.

428
Вышка на пограничном посту Максат в Лейлекском районе Баткенской области.

Тирпаронӣ дар марз: КДАМ гуфт, марди қирғиз ҷавонзани тоҷикро паронд

605
(Таҷдидшуда 14:31 27.05.2020)
Кумитаи давлатии амнияти миллии Тоҷикистон бо нашри як изҳорот хабар додааст, ки дар марз як шаҳрванди Қирғизистон сӯи ҷавонзани тоҷик тир холӣ кардааст

ДУШАНБЕ, 27  май — Sputnik. Маркази матбуоти Қӯшунҳои сарҳадии Кумитаи давлатии амнияти миллии Тоҷикистон хабар медиҳад, ки соати 11:55-и  27 майи соли 2020 бархилофи созишномаҳои қаблан баимзорасида, шаҳрванди Қирғизистон Бахтибеков Соат, сокини деҳаи Куктоши ҷамоати деҳоти Оқсой ба сӯйи ҷавонзани 25-сола, шаҳрванди Тоҷикистон тир холӣ кардааст.

Манбаъ аз шаҳрванди тирхӯрдаи Тоҷикистон, Шаропова Шукрона Зуҳурбоевна (Муътабархонуми Зухриддин), соли таваллудаш 1995, истиқоматкунандаи маҳаллаи Қақири Ҷамоати деҳоти Чоркӯҳ ва коргари бригадаи №14-уми тухмипарварии ҳамин маҳалла ном бурд. Шаропова аз қисмати рости баданаш захмӣ шудааст.

"Ин амали иғвоангезонаи сокини ҶҚ нишонаи кӯшиши ба таври сунъӣ ноором кардани вазъият дар хати сарҳади давлатӣ арзёбӣ мегардад, ки метавонад вокуниши ҷавобиро аз ҷониби сокинони наздисарҳадӣ дар ин минтақаи ҳассос барангезад", - омадааст дар иттилоия.

Манбаъ таъкид кардааст, ки айни замон Шаропова дар ҳолати миёнаи вазнин дар беморхонаи шаҳрӣ бистарӣ гардида, мақомоти дахлдори ду давлат дар ҷойи ҳодиса қарор дошта, барои мушаххас намудани ҷузъиёти қазияи бамиёномада миёни аҳолӣ корҳои фаҳмондадиҳӣ гузаронида  истодаанд.

605