Поиски выживших в районе аэропорта Саны, который подвергся авианалету ВВС Саудовской Аравии. 26 марта 2015 года

Тоҷикон дар Яман: моро берун баред!

21
(Таҷдидшуда 09:54 27.03.2015)
Як табиби тоҷик дар Яман мегӯяд, тамоми шабро бо ҳароси он ки бо онҳо чӣ хоҳад шуд, паси сар кардаанд. Ӯ хост, мақомоти Тоҷикистон онҳоро аз Санъо, ки зери ҳамлаҳои Саудист, берун бикашад.

ДУШАНБЕ, 27 мар — Sputnik. Бисёре аз шаҳрвандони Тоҷикистон, ки дар пойтахти Яман машғули кору зиндагиянд, аз мақомоти кишвар хостанд, онҳоро ҳарчӣ зудтар аз Санъо берун оранд, менависад "Радиои Озодӣ".

Ин шаҳрвандон мегӯянд, дар пайи ҳамлаҳои ҳавоии Саудия ва муттаҳидонаш алайҳи шӯришиёни шиаи ҳусӣ дар Яман ҳаёташон зери хатар аст ва дар ин ҳолат ниёз ба кӯмак доранд.

Шаҳноза, як табиби тоҷик, ки ҳамроҳи хоҳар ва ду духтараш дар Санъо ба ҳайси ҳамшираи шафқат кор мекунад, дар сӯҳбат бо "Озодӣ" гуфтааст, тамоми шабро бо бедорхобӣ паси сар кардаанд.

"Ҳоло субҳ дамид ва кӯдакон аз хастагӣ хоб рафтанд. Аммо тамоми шаб аз тарси он ки бо мо чӣ хоҳад шуд, хобамон набурд", — афзудааст ин табиби тоҷик.

Ба боварии Шаҳноз, камаш сад табиби тоҷик дар пойтахти Яман машғули коранд ва ҳамаи онҳо мисли вай ва хоҳару духтаронаш дар вазъияти вазнине қарор доранд. Қаблан гуфта мешуд, дар Яман тақрибан 70 табиб аз Тоҷикистон кору зиндагӣ мекунанд ва бо аҳли хонаводаҳояшон шумори ҷамъияти тоҷикон дар Яман ба тақрибан 200 нафар мерасад.

Ин табиби тоҷик гуфт, дар гузашта таҷрубаи берун овардани шаҳрвандони Тоҷикистон аз Яман тавассути мақомоти Русия вуҷуд дошт.

"Вале ҳоло дар Яман шаҳрвандони Русия хеле кам мондаанд ва маълум нест, оё Маскав барои берун овардани онҳо ҳавопаймо хоҳад фиристод ва ё на. Гузашта аз ин, хабарҳо баёнгари онанд, ки роҳҳо баста ва фурудгоҳи Санъо низ хароб шудааст", — изҳор доштааст Шаҳноза.

Вай илова кардааст, хонаводааш дар Тоҷикистон аз вазъашон огоҳ шуда, сахт дар изтиробанд ва пайваста телефонӣ сӯҳбат мекунанд. Аммо ба гуфтаи Шаҳноза, ҳанӯз аз мақомоти тоҷик касе бо онҳо дар тамос нашуда ва нагуфтааст, оё қасди берун овардани онҳоро аз Яман доранд, ё не.

То кунун мақомоти Тоҷикистон дар бораи вазъи шаҳрвандони худ дар Яман расман изҳори назар накардаанд. Аммо бозгашт ба мавзӯи Яман дар Тоҷикистон дар ҳолест, ки Гулрухсор Рофиева, як табиби тоҷик, баъд аз чор моҳи боздошташ ба дасти гурӯҳе дар ин кишвар бо талошҳои Душанбеву Санъо озод ва ба ватан баргашт.

Ҳавопаймоҳои Арабистони Саудӣ ва муттаҳидонаш рӯзи панҷшанбеи 26 март нерӯҳои чирикии қабилаи шиаҳои ҳусиро ҳадафи ҳамла қарор доданд. Матбуоти Саудӣ навиштанд, ин кишвар зидди шӯришиёни шиаи ҳусӣ 100 ҳавопаймои ҷангӣ, 150 ҳазор сарбоз ва нерӯҳои дарёии худро сафарбар кардааст. Ҳусиҳо, ки таҳти ҳимояти Эрон қарор доранд, тайи моҳҳои охир қисматҳои бузурге аз Яман, бо шумули пойтахташ, Санъоро тасарруф карда, раиси ин ҷумҳурӣ Мансур Ҳодиро маҷбур ба тарки пойтахт карданд.

Лигаи Араб, ки 35 кишвари арабиро муттаҳид мекунад, аз амалиёти таҳти раҳбарии Арабистони Саудӣ алайҳи шиаҳои ҳусӣ дар Яман пурра пуштибонӣ кард. Амрико низ аз забони вазири умури хориҷааш Ҷон Керрӣ аз иқдоми низомӣ дар ин кишвари арабӣ ҳимоят намудааст. ​

Аммо Эрон хостори қатъи фаврии амалиётҳо дар Яман шуда, гуфтааст, барои таҳти назорат гирифтани бӯҳрони ин кишвар тамоми талошҳои лозимро хоҳад кард. ИСНО, хабаргузории донишҷӯёни Эрон аз қавли вазири умури хориҷаи ин кишвар Муҳаммадҷавод Зариф навиштааст, ӯ ҳамлаҳои таҳти раҳбарии Саудияро "алайҳи истиқлоли Яман" медонад.

21
Барчаспҳо:
бедорхобӣ, ҳукумат, дархост, берунорӣ, шаҳрвандони тоҷик, даргирӣ, ҷанг, Шаҳноза, Гулрухсор Рофиева, Санъо, Яман
Президент Узбекистана Шавкат Мирзиёев

Мақомоти Ӯзбекистон боз қарантина эълон кард: маҳдудиятҳо шадидтар шуданд

455
(Таҷдидшуда 02:30 10.07.2020)
Аз 10-уми июл тамоми қаламрави Ӯзбекистон ба минтақаи “сурх” шомил ва ҳаракати нақлиёт дубора ба таври оммавӣ мамнӯъ эълон шуд

ДУШАНБЕ, 10 июл – Sputnik. Шоҳрух Ғиёсов,  сухангӯи Вазорати корҳои дохилии Ӯзбекистон қайд кардааст, ки дар рӯзҳои қарантин фақат фаъолияти мағозаҳои хӯрокворӣ ва дорухонаҳо мутаваққиф сохта намешавад. Ҳамаи нуқтаҳои хӯрокворӣ, ки қаблан иҷозаи фаъолият дода шуда буд, танҳо мувофиқи фармоиш кор мекунанд ва хӯроквориро барои супоришдиҳандагон ба манзилашон мерасонанд, иттилоъ додааст сомонаи рӯзномаи “Фараж”.

“Агар то ҷорӣ шудани қоидаи нави қарантин миёни шаҳри Тошканд ва вилояти Тошканд равуо бидуни монеа сурат мегирифт ва одамон метавонистанд худро ба ҷои корашон расонанд, акнун дар равуои озоди онҳо низ маҳдудиятҳо ҷорӣ мешаванд”, – гуфтааст  Шоҳрух Ғиёсов.

Вай афзудааст, ки мошинҳои дорои иҷозанома метавонанд, дар шаҳри Тошканд ва соири ноҳияҳои он бидуни монеа ҳаракат кунанд.

Дар ҳамин ҳол Комиссияи махсуси ҳукуматии мубориза бо пахши коронавирус эълом дошт, ки дубора як қатор маҳдудиятҳо ҷорӣ карда шуданд. Аз ҷумла, мувофиқи қонунгузориҳо ниҳодҳо ва ташкилотҳои давлатӣ кормандони худро ба рухсатӣ мефиристанд ва қисмати боқимонда фаъолияти худро бар тариқи фосилавӣ идома медиҳанд.

Дар корхонаву муассисаҳо аз баргузор намудани ҷамъомадҳо ҷилавгирӣ мешавад ва чорабиниҳо аз тариқи видеоӣ баргузор мегарданд.

Ҳпмзамон Шавкат Мирзиёев, раисҷумҳури Ӯзбекистон зимни як ҷаласаи видеоӣ изҳор кард, ки кишвараш як давраи хеле мураккабу вазнинро паси сар мекунад. Вай аз роҳбарони тамоми идораҳо ва мардум даъват кард, ки ин санҷишро бо сарбаландӣ сипарӣ намоянд.

Бояд қайд кард, ки то санаи 9 июл дар Ӯзбекистон 42 нафар бар асари сирояти коронавирус вафот карданд.

455
Барчаспҳо:
мақомот, маҳдудият, мамнуъ, нақлиёт, ҳаракат, Ӯзбекистон

Олимон: паҳншавии бештари вируси корона дар фасли зимистон дар назар аст

438
(Таҷдидшуда 02:31 10.07.2020)
Таҳқиқоти нав таъйид мекунад сармои зимистон густариши вируси коронаро боз афзоиш хоҳад дод

ДУШАНБЕ, 10 июл – Sputnik.  Донишмандони Ҳиндустон эълон карданд, ки дамои сардтар дар зимистон ба афзоиши шуюи Ковиди-19 сабаб хоҳад шуд, иттилоъ додааст хабаргузории “Парстудей”.

Бино бар иттилои манбаъ, коршиносони ҳинд дамои теъдоде аз кишварҳо ва мавориди вируси коронаи онҳоро бо якдигар муқоиса карданд ва ба хулоса расиданд, ки кишварҳои сардтар маъмулан шуюи вирус дар миқёси бузргтарро шоҳид будаанд.

Пужуҳишгарон таъкид мекунанд тобистон муносибтарин фасл ва замон барои мубориза бо ҳамагирии бемории Ковиди-19 аст.

Муҳақиқони Ҳинд робитаи байни миёнгини дамои як кишвар ва теъдоди мавориди мубтало ба Кувиди-19-ро мавриди баррасӣ қарор доданд. Онҳо иртиботи қобили таваҷуҳе байни кишварҳои бо дамои сардтар ва шуюи вирус масири корона дар миқёси бузургтар пайдо карданд.

Муҳақиқони ҳиндӣ додаҳои марбут ба ин пажуҳишро аз охири моҳи март то миёнаҳои апрел ҷамовари карданд ва дар ниҳоят дарёфтанд кишварҳое ,ки дорои тул ва арзи ҷуғрофиёи болотар дорои обуҳавои сардтаре ҳастанд, ба таври қобили таваҷуҳе беш аз дигар кишварҳо бо шуюи бемории Кувиди 19 дасту панҷа нарм мекунанд.

Донишмандон хотирнишон карданд, ки ҳамаи ин мушоҳидаҳо ҳоки аз он аст, ки дамои поин мункин аст як омили хатар барои афзоиши мавориди ибтило ба вируси корона бошад.

Онҳо афзуданд, бо ин ҳол дар ҳоли ҳозир ин мутолиа қодир ба тавзеҳи ин, ки чигуна бархе аз кишварҳои сард масир бо олудагии бештари корона рӯ ба рӯ нашудаанд, нест ва ба баррасиҳои бештаре иҳтиёҷ аст то аз ҷузиёти шуюи корона ба даст ояд.

438
Барчаспҳо:
Ҳиндустон, афзоиш, вирус, густариш, зимистон, таҳқиқот
Президент Республики Таджикистан Эмомали Рахмон и Рустам Эмомали

Бунёди муҳташамтарин бинои сиёсӣ дар 2,7 гектар: Президент ба сохмони он оғозбахшид

0
Масоҳати умумии Майдони «Истиқлол» 30 гектарро ташкил дода, он дар ҳудуди хиёбони Рӯдакӣ, кӯчаҳои Саид Носир, Ҳабиб Аҳрорӣ ва Ойгули пойтахт воқеъ мебошад

ДУШАНБЕ, 10 июл — Sputnik.  Дар Душанбе дар майдони "Истиқлол"  дар масоҳати 2,7 гектар муҳташамтарин бино барои баргузории чорабиниҳои сиёсӣ бунёд мешавад. Президенти Тоҷикистон Эмомалӣ Раҳмон имрӯз, 10 июл ба бунёди майдони ""Истиқлол" оғоз бахшидааст.

Тавре дафтари матбуоти раисҷумҳур гузориш медиҳад, масоҳати умумии Майдони "Истиқлол" 30 гектарро ташкил дода, он дар ҳудуди хиёбони Рӯдакӣ, кӯчаҳои Саид Носир, Ҳабиб Аҳрорӣ ва Ойгули пойтахт воқеъ мебошад.

"Дар ин ҷо майдони баргузории чорабиниҳои сиёсӣ, ки масоҳаташ 2,7 гектарро ташкил медиҳад, бунёд мешавад", - менависад котиботи раисҷумҳур.

"Ин иншооти муҳташам аз минбар, дарвозаи марказӣ ва дарвозаҳои шимолию ҷанубӣ, фаввораҳо, шаршара, деворнигора, айвончаҳо, майдони баргузории роҳпаймоиҳо, гулгашт, ҳавзҳои декоративӣ бо наҳрҳо, таваққуфгоҳо ва ғайра иборат мебошад", - тавзеҳ медиҳад манбаъ.

Баландии рамзи Истиқлол, ки дар маркази майдон ҷойгир мешавад 121 метр буда, қисми поёнии он 30 метр ва қисми болоиаш 91 метрро ташкил медиҳад, ки он рамзи 30-солагии Истиқлол ва дар соли 1991-уми асри гузашта ба даст овардани Истиқлолро ифода менамояд.

"Истиқлол ва Озодӣ": Хадамоти матбуотии раисҷумҳур озмун эълон мекунад

Майдони "Истиқлол" бо маҷмааи меъмории рамзи "Истиқлол ва Озодӣ" муҳташамтарин иншооти асосии ҷашнӣ дар мамлакат маҳсуб мешавад, ки бахшида ба 30-солагии Истиқлоли давлатии Ҷумҳурии Тоҷикистон дар шаҳри Душанбе тибқи нақша соли 2021 мавриди истифода қарор дода мешавад.

 

0