Николас Мадуро. Акс аз бойгонӣ

Венесуэла алайҳи Амрико беш аз 5 миллион имзо ҷамъ кард

16
Чанде қабл президенти ИМА Барак Обама зери санаде имзо гузошт, ки тибқи он дар қиболи Венесуэла ҳолати изтирорӣ ҷорӣ гардида, он кишвар барои Амрико хатарнок унвон мешавад.

ДУШАНБЕ, 30 мар — Sputnik. Мири пойтахти Венесуэла Хорхе Родригес рӯзи якшанбе гуфт, дар ҳоли ҳозир теъдоди имзоҳои ҷамъоваришуда алайҳи ин иқдоми Амрико беш аз 5 миллионро ташкил медиҳад, менависад РИА Новости.

"Ман бояд ба ҳама мардуми кишвар бигӯям, ки субҳи имрӯз мо 5 миллиону як ҳазору 58 имзо ҷамъ овардем ва ин паём ба мардуми Венесуэла аст. Онҳо бояд омода бошанд, мо то 10 миллион низ имзо ҷамъ карда метавонем",- менависад сомонаи Noticias24 дар такя ба суханони Родригес.

Райиси шаҳри Каракас аз мардуми кишвар даъват кард, ки пешниҳоди президент Николас Мадуроро ҷонибдорӣ намоянд ва ҷамъоварии имзоҳоро идома бидиҳанд.

Родригес онҳоеро, ки то ҳанӯз андешаашонро баён надоштаанд, ба имзо кардани санад даъват кард.

Қаблан президент Мадуро иброз дошт, ки алайҳи ИМА ва барои манъи таҳримоти он кишвар дар қиболи Венесуэла 10 миллион имзо ҷамъоварӣ мекунад. Чанде пеш президенти ИМА Барак Обама зери санаде имзо гузошт, ки тибқи он дар қиболи Венесуэла ҳолати изтирорӣ ҷорӣ гардида, он кишвар барои Амрико хатарнок унвон мешавад.

Ду нафар дар садамаҳои нақлиётӣ ҳалок шуданд

Аснои садамаҳои нақлиётӣ ду пиёдагарди солхӯрда, яке дар ноҳияи Рӯшони Бадахшон ва дигаре дар ноҳияи Хуросони Хатлон қурбон шудаанд.

16
Барчаспҳо:
ҷамъоварии имзоҳо, алайҳи Венесуэла, таҳрим, мири шаҳри Каракас, президенти Венесуэла, президенти ИМА, Барак Обама, Хорхе Родригес, Николас Мадуро, Каракас, ИМА, Венесуэла
Мавзуъ
Мадуро: Байден дар омодагӣ ба табаддулоти Венесуэла даст дорад
Скорая помощь в Афганистане, архивное фото

Таркиши минаи сарироҳӣ дар марзи Тоҷикистону Афғонистон 4 кушта барҷой гузошт

153
(Таҷдидшуда 18:55 28.09.2020)
Музофоти Қундузи Афғонистон, ки ҳаммарз бо Тоҷикистон аст, минаи сарироҳӣ инфиҷор шудааст. Дар натиҷа чанд кас бар асари таркиш ҷон бохтанд

ДУШАНБЕ, 28 сен — Sputnik. Бар асари таркиши минаи сарироҳӣ дар марзи Тоҷикистону Афғонистон дасти кам 4 нафар ба ҳалокат расиданд, хабар медиҳад шабакаи Shamshad News.

Ба иттилои манбаъ, таркиш дар вулусволии Алиобод дар музофоти Қундуз, ки бо Тоҷикистон ҳаммарз аст, рух додааст.

Бар хабари маълумоти расмӣ, минаи сарироҳӣ асное ба кор даромад, ки воситаи нақлиёт убур кард. Ба эҳтимоли зиёд, минаро Ҷангиёни ҳаракати Толибон гузошта буданд.

Ҳушдори гурӯҳи Толибон ба ширкатҳои ҳавопаймоии Афғонистон

Пизишкон фавти чаҳор нафаро расман тасдиқ намуданд, аммо мақомоти ҳифзи ҳуқуқи ин кишвар аз ҳалокати 6 нафар хабар доданд.

Алъон ҷангиёни Толибон масъулияти ин ҳамларо бар ӯҳда нагирифтанд.

153
Барчаспҳо:
мина, таркиш, Афғонистон
Вакцина от коронавируса

Чин мегӯяд, ваксинаи сохти онҳо масунияти инсонро тӯлонитар ҳифз мекунад

111
Чин мегӯяд то соли 2021 зиёда аз 1 миллиард воя истеҳсол мекунад ва ҳамаи шаҳрвандонашро марҳила ба марҳила эм мекунад

ДУШАНБЕ, 28 сен — Sputnik. Чин то охири соли 2020 610 миллион вояи ваксинаи зидди  коронавирус ва соли 2021 зиёда аз 1 миллиард воя истеҳсол хоҳад кард, хабар медиҳад Казинформ бо такя ба маълумоти директори Маркази рушди илми тиб ва технологияҳои Комиссияи давлатии тандурустии Ҷумҳурии Мардумии Чин Чжэн Чжунвэй.

"Иқтидори Чин ҷиҳати истеҳсоли  ваксинаҳои зидди коронавирус то охири соли 2020 610 миллион ва соли 2021 беш аз 1 миллиард воя арзёбӣ мешавад",- иброз намуд Чжен Чжунвэй.

Ҳамзамон ин масъули соҳаи тиб зикр кард, ки эм намудани аҳолӣ бо ваксина марҳила ба марҳила сурат мегирад ва дар қадами аввал, одамоне, ки хатари баландтари сироятёбӣ аз коронавирус доранд, хусусусан кормандони тиббии "дар хатти пеш" буда ва намояндагони гурӯҳҳои осебпазири аҳолӣ (аз ҷумла, пиронсолон, занҳои ҳомиладор ва кӯдакон) афзалият хоҳанд дошт.

61 фавт ва беш аз 8 ҳазор гирифтори ҷадид: омори коронавирус дар Русия

Ба гуфтаи Тсзэн Гуан, сухангӯи Маркази назорат ва пешгирии бемориҳои Чин, ваксинаҳои зидди коронавируси чинӣ метавонанд системаи эминии инсонро дар муддати нисбатан тӯлонитар ҳифз кунанд.

111
Мавзуҳо:
Пайомадҳои COVID-19 дар Тоҷикистон ва ҷаҳон
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

212
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

212